ವಿಶೇಷವಾಗಿ ಕವರ್ ಡ್ರೈವ್ ಆಡುವ ಸಂದರ್ಭದಲ್ಲಿ ಗಿಲ್ ಅವರ ಭುಜಗಳು, ಸೊಂಟ, ಕಾಲುಗಳು ಮತ್ತು ಮೊಣಕೈಗಳು ಅತ್ಯಂತ ನಿಖರವಾದ ಸಮನ್ವಯತೆಯಿಂದ ಹೇಗೆ ಕೆಲಸ ಮಾಡುತ್ತವೆ ಎಂಬುದನ್ನು ಈ ವಿಶ್ಲೇಷಣೆ ಬಹಿರಂಗಪಡಿಸಿದೆ. ಬ್ಯಾಟ್ ಮತ್ತು ಚೆಂಡು ಸಂಪರ್ಕಕ್ಕೆ ಬರುವ ನಿಖರ ಕ್ಷಣದಲ್ಲಿ ತಲೆಯ ಸ್ಥಿರತೆ, ದೇಹದ ಸಮತೋಲನ, ಕಾಲುಗಳ ಚಲನೆ ಮತ್ತು ಕೈಗಳ ಸ್ಥಾನವನ್ನು ಸೂಕ್ಷ್ಮವಾಗಿ ಗಮನಿಸಬಹುದಾಗಿದೆ.
ಸಾಮಾನ್ಯ ಟಿವಿ ರಿಪ್ಲೇಗಳಿಗಿಂತ ಈ ಹೊಸ ತಂತ್ರಜ್ಞಾನವು ಆಟಗಾರನ ಬ್ಯಾಟಿಂಗ್ ತಂತ್ರಗಾರಿಕೆಯನ್ನು ಮತ್ತಷ್ಟು ಆಳವಾಗಿ ಅರ್ಥಮಾಡಿಕೊಳ್ಳಲು ದೊಡ್ಡ ಮಟ್ಟದಲ್ಲಿ ಸಹಾಯ ಮಾಡುತ್ತದೆ. ದೇಹದ ಸಮತೋಲನವನ್ನು ಕಳೆದುಕೊಳ್ಳದೆ ಗಿಲ್ ತಮ್ಮ ತೂಕವನ್ನು ಹೇಗೆ ಸುಲಭವಾಗಿ ವರ್ಗಾಯಿಸುತ್ತಾರೆ ಎಂಬುದನ್ನು 3ಡಿ ಟ್ರ್ಯಾಕಿಂಗ್ ಮೂಲಕ ಅತ್ಯಂತ ಸ್ಪಷ್ಟವಾಗಿ ತಿಳಿಯಲಾಗಿದೆ.
ಈಗಾಗಲೇ ಕ್ರಿಕೆಟ್ ಅಭಿಮಾನಿಗಳ ಮನಗೆದ್ದಿರುವ ಗಿಲ್ ಅವರ ಕವರ್ ಡ್ರೈವ್ ಶಾಟ್ನ ಬಯೋಮೆಕಾನಿಕ್ಸ್ ರಹಸ್ಯವು ಈ ತಂತ್ರಜ್ಞಾನದ ಮೂಲಕ ಜಗತ್ತಿಗೆ ತಿಳಿಯುವಂತಾಗಿದೆ. ಕೇವಲ ರನ್ ಗಳಿಕೆಗೆ ಮಾತ್ರವಲ್ಲದೆ ಆಟಗಾರರ ತಾಂತ್ರಿಕ ನೈಪುಣ್ಯತೆಯನ್ನು ವಿಶ್ಲೇಷಿಸಲು ಕ್ರಿಕೆಟ್ನಲ್ಲಿ ತಂತ್ರಜ್ಞಾನದ ಬಳಕೆ ಯಾವ ಮಟ್ಟಕ್ಕೆ ತಲುಪಿದೆ ಎಂಬುದಕ್ಕೆ ಗಿಲ್ ಅವರ ಈ ಕವರ್ ಡ್ರೈವ್ ವಿಶ್ಲೇಷಣೆಯೇ ಅತ್ಯುತ್ತಮ ಉದಾಹರಣೆಯಾಗಿದೆ.
