ಭಾರತವನ್ನು ಬಿಗ್​ ಲೂಸರ್​ ಅಂದ್ರಾ ರಿಕ್ಕಿ ಪಾಂಟಿಂಗ್​? ಪಾಕ್​ ಮಾಧ್ಯಮಗಳ ಮುಖವಾಡ ಕಳಚಿದ ಆಸಿಸ್​ ದಿಗ್ಗಜ! Ricky Ponting

Ricky Ponting : ಟೀಮ್ ಇಂಡಿಯಾ ಮತ್ತು ಪಾಕಿಸ್ತಾನ ನಡುವಿನ 'ನೋ-ಶೇಕ್‌ಹ್ಯಾಂಡ್' ವಿವಾದ ಕ್ರಿಕೆಟ್ ವಲಯದಲ್ಲಿ ಬಿಸಿ ವಿಷಯವಾಗಿದೆ. ಏಷ್ಯಾ ಕಪ್-2025 ಟೂರ್ನಮೆಂಟ್‌ನ ಭಾಗವಾಗಿ ಸಾಂಪ್ರದಾಯಿಕ ಎದುರಾಳಿಗಳು ದುಬೈನಲ್ಲಿ ಭಾನುವಾರ (ಸೆ.14) ಮುಖಾಮುಖಿಯಾದರು. ಈ ಪಂದ್ಯದಲ್ಲಿ ಟೀಮ್​ ಇಂಡಿಯಾ, ಪಾಕಿಸ್ತಾನವನ್ನು ಏಳು ವಿಕೆಟ್‌ಗಳಿಂದ ಸೋಲಿಸಿತು.

ಪಂದ್ಯದ ಬಳಿಕ ಪಹಲ್ಗಾಮ್ ಭಯೋತ್ಪಾದಕ ದಾಳಿಯನ್ನು ವಿರೋಧಿಸಿ ಭಾರತೀಯ ತಂಡ ಪಾಕಿಸ್ತಾನಿ ಆಟಗಾರರೊಂದಿಗೆ ಕೈಕುಲುಕಲು ನಿರಾಕರಿಸಿತು. ಕೈಕುಲುಕದೆ ನೇರವಾಗಿ ಡ್ರೆಸ್ಸಿಂಗ್ ಕೋಣೆಗೆ ಹೋದರು. ಈ ಪ್ರಕ್ರಿಯೆಯಲ್ಲಿ ತಮಗೆ ಅವಮಾನವಾಗಿದೆ ಎಂದು ಆರೋಪಿಸಿ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಐಸಿಸಿಗೆ ದೂರು ನೀಡುವ ಹಂತಕ್ಕೂ ಹೋಯಿತು.

ಈ ವಿವಾದದ ನಡುವೆ, ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಕೈಕುಲುಕುವ ಯಾವುದೇ ನಿಯಮವಿಲ್ಲ ಮತ್ತು ನಮ್ಮ ಆಟಗಾರರು ಮಾಡಿದ್ದರಲ್ಲಿ ಯಾವುದೇ ತಪ್ಪಿಲ್ಲ ಎಂದು ಪ್ರತಿಪಾದಿಸಿತು. ಈ ಸಂದರ್ಭದಲ್ಲಿ, ಭಾರತದ ಮಾಜಿ ಕ್ರಿಕೆಟಿಗರು ಟೀಮ್ ಇಂಡಿಯಾವನ್ನು ಬೆಂಬಲಿಸಿ ಕಾಮೆಂಟ್‌ಗಳನ್ನು ಮಾಡಿದರೆ, ಆಸ್ಟ್ರೇಲಿಯಾದ ದಂತಕಥೆ ರಿಕಿ ಪಾಂಟಿಂಗ್ ಸೂರ್ಯಕುಮಾರ್ ಯಾದವ್​ ನೇತೃತ್ವದ ಟೀಮ್​ ಇಂಡಿಯಾದವನ್ನು ಟೀಕಿಸಿದ್ದಾರೆ ಎಂಬ ಸುದ್ದಿ ವೈರಲ್ ಆಯಿತು.

ಇದನ್ನೂ ಓದಿ: ಈ ಮೂರು ರಾಶಿಯವರು ತಪ್ಪು ಮಾಡಿದ್ರೂ ಯಾರ ಮುಂದೆಯೂ ಎಂದಿಗೂ ಕ್ಷಮೆಯಾಚಿಸುವುದಿಲ್ಲವಂತೆ! Zodiac Signs

ಈ ಪಂದ್ಯ ಯಾವಾಗಲೂ ನೆನಪಿನಲ್ಲಿ ಉಳಿಯುತ್ತದೆ. ಭಾರತವನ್ನು ನಾವು ಬಿಗ್​ ಲೂಸರ್​ (ಭಾರಿ ಸೋಲುಂಡವರು) ಎಂದು ನೆನಪಿಸಿಕೊಳ್ಳುತ್ತೇವೆ. ಎದುರಾಳಿ ತಂಡದ ಆಟಗಾರರೊಂದಿಗೆ ಕೈಕುಲುಕಲು ಹೋದ ಪಾಕಿಸ್ತಾನ ತಂಡದ ವರ್ತನೆಯು ಅವರನ್ನು ಸಜ್ಜನರ ಆಟದಲ್ಲಿ ಅಮರರನ್ನಾಗಿ ಮಾಡಿದೆ. ಆದರೆ, ಭಾರತ ತಂಡ ಸೋತವರಂತೆ ಉಳಿಯುತ್ತದೆ ಎಂದು ಪಾಂಟಿಂಗ್ ಹೇಳಿದ್ದಾರೆ ಅಂತ ಪಾಕಿಸ್ತಾನಿ ಮಾಧ್ಯಮ ಮತ್ತು ಸಾಮಾಜಿಕ ಮಾಧ್ಯಮಗಳು ಸುದ್ದಿ ಹರಿಬಿಟ್ಟವು. ರಿಕಿ ಪಾಂಟಿಂಗ್ ಅವರು ಅಂತಹ ಕಾಮೆಂಟ್‌ಗಳನ್ನು ಮಾಡದಿದ್ದಕ್ಕಾಗಿ ಭಾರತೀಯರಿಂದ ತೀವ್ರ ವಿರೋಧವು ವ್ಯಕ್ತವಾಯಿತು. ಇದೇ ಸಂದರ್ಭದಲ್ಲಿ, ರಿಕ್ಕಿ ಪಾಂಟಿಂಗ್ ಸ್ವತಃ ಈ ವಿಚಾರವಾಗಿ ಪ್ರತಿಕ್ರಿಯಿಸಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ನನ್ನ ಹೆಸರನ್ನು ಉಲ್ಲೇಖಿಸಿ ಮಾಡಿರುವ ಕಾಮೆಂಟ್‌ಗಳು ವೈರಲ್ ಆಗುತ್ತಿರುವುದು ನನ್ನ ಗಮನಕ್ಕೆ ಬಂದಿದೆ ಎಂದಿದ್ದಾರೆ.

ನಾನು ಅಂತಹ ಹೇಳಿಕೆಗಳನ್ನು ಎಂದಿಗೂ ನೀಡಿಲ್ಲ. ಏಷ್ಯಾ ಕಪ್ ಪಂದ್ಯಾವಳಿಯ ಬಗ್ಗೆ ನಾನು ಎಂದಿಗೂ ಸಾರ್ವಜನಿಕವಾಗಿ ಒಂದೇ ಒಂದು ಮಾತನ್ನೂ ಮಾತನಾಡಿಲ್ಲ ಎಂದು ರಿಕ್ಕಿ ಪಾಂಟಿಂಗ್​ ಎಕ್ಸ್​ ಖಾತೆ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ. ರಿಕ್ಕಿ ಪಾಂಟಿಂಗ್​ ಅವರ ಈ ಹೇಳಿಕೆ ಪಾಕಿಸ್ತಾನಿ ನೆಟ್ಟಿಗರನ್ನೇ ಗೊಂದಲಕ್ಕೆ ದೂಡಿದೆ. ಅಲ್ಲದೆ, ಪಾಕ್​ ಮಾಧ್ಯಮಗಳ ಮುಖವಾಡವು ಸಹ ಕಳಚಿಬಿದ್ದಿದೆ.

ಅಂದಹಾಗೆ, ಆಸೀಸ್ ತಂಡದ ದಿಗ್ಗಜ ನಾಯಕ ಎಂದೇ ಖ್ಯಾತಿ ಪಡೆದಿರುವ ಪಾಂಟಿಂಗ್, ಐಪಿಎಲ್ ಜೊತೆ ಅವಿನಾಭಾವ ಸಂಬಂಧ ಹೊಂದಿದ್ದಾರೆ. ಮುಂಬೈ ಇಂಡಿಯನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳ ಮುಖ್ಯ ಕೋಚ್ ಆಗಿ ಕೆಲಸ ಮಾಡಿರುವ ಈ ದಂತಕಥೆಯ ಬ್ಯಾಟ್ಸ್‌ಮನ್ ಕಳೆದ ವರ್ಷ ಪಂಜಾಬ್ ಕಿಂಗ್ಸ್ ತಂಡವನ್ನು ಮುನ್ನಡೆಸಿದರು. ಅವರ ಮಾರ್ಗದರ್ಶನದಲ್ಲಿ, ಶ್ರೇಯಸ್ ಅಯ್ಯರ್ ನಾಯಕತ್ವದಲ್ಲಿ ಪಂಜಾಬ್ ಫೈನಲ್ ತಲುಪಿತು. ಆದಾಗ್ಯೂ, ಅವರು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವಿರುದ್ಧ ಸೋತು ರನ್ನರ್ ಅಪ್ ಸ್ಥಾನಕ್ಕೆ ತೃಪ್ತಿಪಟ್ಟರು. (ಏಜೆನ್ಸೀಸ್​)

https://www.vijayavani.net/asia-cup-handshake-controversy-handshake-controversy-icc-shock-for-pakistan

https://www.vijayavani.net/google-gemini-saree-trend-baffles-woman-with-mole-detail-internet-explains-it

https://www.vijayavani.net/politician-among-14-accused-of-raping-kerala-boy-they-met-on-gay-dating-app