ಆದಾಗ್ಯೂ, ಏಷ್ಯಾ ಕಪ್ ಪಂದ್ಯದ ರೆಫರಿಗಳ ಸಮಿತಿಯಿಂದ ಆ್ಯಂಡಿ ಪೈಕ್ರಾಫ್ಟ್ ಅವರನ್ನು ತೆಗೆದುಹಾಕಬೇಕೆಂಬ ಪಿಸಿಬಿಯ ಮನವಿಯನ್ನು ಐಸಿಸಿ ತಿರಸ್ಕರಿಸಿದೆ ಎಂದು ತೋರುತ್ತದೆ. ಕ್ರಿಕ್ಬಜ್ ವರದಿ ಪ್ರಕಾರ, ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯು ಅಂದರೆ, ಐಸಿಸಿ, ಪಿಸಿಬಿಯ ವಾದವನ್ನು ಒಪ್ಪಿಲ್ಲ ಎಂದು ತಿಳಿದುಬಂದಿದೆ. ಈ ಘಟನೆಗೂ ಪೈಕ್ರಾಫ್ಟ್ಗೂ ಯಾವುದೇ ಸಂಬಂಧವಿಲ್ಲ ಎಂದು ಐಸಿಸಿ, ಪಿಸಿಬಿಗೆ ತಿಳಿಸಿದೆ ಎಂದು ಹಲವಾರು ವರದಿಗಳು ಹೇಳಿವೆ. ಇದಿಷ್ಟೇ ಅಲ್ಲದೆ, ಎಂಸಿಸಿ ಕೈಪಿಡಿಯಲ್ಲಿ ಆಟಗಾರರು ಪರಸ್ಪರ ಕೈಕುಲುಕುವ ಅಗತ್ಯವಿಲ್ಲ ಎಂಬ ಅಂಶವಿರುವುದನ್ನು ಐಸಿಸಿ ಪ್ರತಿನಿಧಿಗಳು ಪಿಸಿಬಿ ಮುಖ್ಯಸ್ಥರಿಗೆ ಇಮೇಲ್ ಮಾಡಿದ್ದಾರೆ ಎಂಬ ವರದಿಗಳೂ ಇವೆ. ಆದರೆ, ಈ ವಿಷಯದ ಬಗ್ಗೆ ಐಸಿಸಿ ಅಧಿಕೃತವಾಗಿ ಪ್ರತಿಕ್ರಿಯಿಸಬೇಕಾಗಿದೆ. ಸದ್ಯ ಸೋಲಿನ ಬಳಿಕ ಹತಾಶೆಯ ಸುಳಿಯಲ್ಲಿ ಸಿಲುಕಿರುವ ಪಾಕ್ ಹೇಗೇಗೋ ಆಡುತ್ತಿದೆ. (ಏಜೆನ್ಸೀಸ್)
