ನೀನು ನಂ 01 ಆಟಗಾರನಾಗಿದ್ದರೆ ಪಾಕಿಸ್ತಾನದ ವಿರುದ್ಧ ಆಡಿ ತೋರಿಸು; ಸವಾಲೆಸೆದ ಪಾಕ್​ನ ಮಾಜಿ ಪ್ಲೇಯರ್

ಲಾಹೋರ್​: ಭಾರತ ಹಾಗೂ ಪಾಕಿಸ್ತಾನ ನಡುವಿನ ಟಿ-20 ವಿಶ್ವಕಪ್​ ಪಂದ್ಯ ಶುರುವಾಗುವುದಕ್ಕೆ ಕೆಲವೇ ಘಂಟೆಗಳು ಬಾಕಿ ಉಳಿದಿದ್ದು, ಹೈವೋಲ್ಟೇಜ್​ ಕದನವನ್ನು ಕಣ್ತುಂಬಿಕೊಳ್ಳಲು ಕ್ರಿಕೆಟ್​ ಪ್ರೇಮಿಗಳು ಕಾತುರದಿಂದ ಕಾಯುತ್ತಿದ್ದಾರೆ. ಭಾರತ ಹಾಗೂ ಪಾಕ್​ ಪಂದ್ಯಕ್ಕೂ ಮುನ್ನ ಮಾಜಿ ಆಟಗಾರರು ಹೇಳಿಕೆ ಕೊಡುವುದು ಸಾಮಾನ್ಯ. ಅದೇ ರೀತಿ ಈಗ ಪಾಕಿಸ್ತಾನ ಮಾಹಿ ಆಟಗಾರ ಕಮ್ರಾನ್ ಅಕ್ಮಲ್​ ನೀಡಿರುವ ಹೇಳಿಕೆ ಸಖತ್​ ವೈರಲ್​ ಆಗಿದೆ.

ಪಾಕ್​ ಮಾಜಿ ಆಟಗಾರ ಕಮ್ರಾನ್​ ಅಕ್ಮಲ್​ ನೀನು ಟಿ20 ಮಾದರಿಯಲ್ಲಿ ನಂಬರ್​ 01 ಎಂದು ಸಾಬೀತುಪಡಿಸಬೇಕೆಂದರೆ ಮೊದಲು ಪಾಕಿಸ್ತಾನದ ವಿರುದ್ಧ ಚೆನ್ನಾಗಿ ಆಡಿ ತೋರಿಸು ಎಂದು ಸವಾಲೆಸೆದಿದ್ದಾರೆ.

ಇದನ್ನೂ ಓದಿ: ಡಿವೋರ್ಸ್​ ಬಳಿಕವೂ ಒಟ್ಟಾಗಿ ಕಾಣಿಸಿಕೊಳ್ಳಲಿದ್ದಾರೆ ಚಂದನ್​-ನಿವೇದಿತಾ

ಈ ಕುರಿತು ಮಾತನಾಡಿರುವ ಕಮ್ರಾನ್​ ಅಕ್ಮಲ್, ನಾನು ನೋಡಿದಂತೆ ಐಸಿಸಿ ನಡೆಸುವ ಟೂರ್ನಮೆಂಟ್​ಗಳಲ್ಲಿ ಪಾಕಿಸ್ತಾನದ ವಿರುದ್ಧ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಇವರ ಆಟದ ಬಗ್ಗೆ ನಾನು ಹೆಚ್ಚಾಗಿ ಮಾತನಾಡುವುದಿಲ್ಲ. ಆದರೆ ನಾನು ನೋಡಿದಂತೆ ಸೂರ್ಯಕುಮಾರ್​ ಯಾದವ್​ ಟಿ-20 ಮಾದರಿಯಲ್ಲಿ ಪಾಕಿಸ್ತಾನದ ವಿರುದ್ಧ ಹೆಚ್ಚು ರನ್​ ಗಳಿಸಿದ್ದನ್ನು ನಾನು ನೋಡಿಲ್ಲ. ಆದ್ದರಿಂದ ನೀವು ನಂಬರ್​ 01 ಆಟಗಾರನಾಗಿದ್ದರೆ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಜಾಸ್ತಿ ರನ್​ ಗಳಿಸುವ ಮೂಲಕ ನೀವು ಉತ್ತಮ ಆಟಗಾರ ಎಂಬುದನ್ನು ನಿರೂಪಿಸಿ ಎಂದು ಸವಾಲೆಸೆದಿದ್ದಾರೆ.

ನನ್ನ ಪ್ರಕಾರ ಇಂದು ನಡೆಯುವ ಪಂದ್ಯದಲ್ಲಿ ಭಾರತವೇ ಫೇವರೇಟ್​ ತಂಡವಾಗಿದ್ದು, ಈ ಬಾರಿ ವಿಶ್ವಕಪ್​ ಗೆಲ್ಲುವ ತಂಡಗಳಲ್ಲಿ ಒಂದಾಗಿದೆ. ರೋಹಿತ್​ ತಂಡವನ್ನು ಉತ್ತಮವಾಗಿ ಮುನ್ನಡೆಸುತ್ತಿದ್ದು, ತಮ್ಮಲಿರುವ ಪ್ರತಿಭೆಯನ್ನು ಬಳಸಿಕೊಂಡು ಕಪ್​ ಗೆಲ್ಲದಿದ್ದರೆ ಮುಂದಿನ ದಿನಗಳಲ್ಲಿ ಇದು ಕಷ್ಟಸಾಧ್ಯವಾಗುತ್ತದೆ ಎಂದು ಮಾಜಿ ಕ್ರಿಕೆಟಿಗ ಕಮ್ರಾನ್​ ಅಕ್ಮಲ್​ ಅಭಿಪ್ರಾಯಪಟ್ಟಿದ್ದಾರೆ.

https://www.vijayavani.net/woman-throws-funeral-for-dead-husband-with-music-bouncy-castle

https://www.vijayavani.net/the-day-virat-kohli-plays-in-pakistan-ex-pak-stars-bold-statement