ನಾಯಕನಾಗಿ ನೀನು ಮಾಡಿದ್ದೇನೂ ಇಲ್ಲ! ಬಾಬರ್ ಆಜಂ ನಿವೃತ್ತಿಗೆ ಒತ್ತಾಯಿಸಿದ ಪಾಕ್​ ಮಾಜಿ ಕ್ರಿಕೆಟಿಗ

ನವದೆಹಲಿ: ಜೂ. 01ರಿಂದ ಪ್ರಾರಂಭವಾದ ಐಸಿಸಿ ಟಿ20 ವಿಶ್ವಕಪ್​ ಪಂದ್ಯವಾಳಿಗಳಲ್ಲಿ ಭಾರೀ ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದ ತಂಡಗಳೇ ಅತ್ಯಂತ ಕಳಪೆ ಪ್ರದರ್ಶನ ತೋರುವ ಮೂಲಕ ಕ್ರಿಕೆಟ್ ಅಭಿಮಾನಿಗಳ ವ್ಯಾಪಕ ಟೀಕೆಗಳಿಗೆ ಗುರಿಯಾಗಿವೆ. ಈ ಪೈಕಿ ಬಾಬರ್ ಆಜಂ ನೇತೃತ್ವದ ಪಾಕಿಸ್ತಾನ ತಂಡ ಅಗ್ರಸ್ಥಾನದಲ್ಲಿದೆ. ಈ ಬಾರಿಯ ವಿಶ್ವಕಪ್​ ಟೂರ್ನಿಯಿಂದ ಅಧಿಕೃತವಾಗಿ ಹೊರಬಿದ್ದ ಪಾಕ್​ಗೆ ಮಾಜಿ ಕ್ರಿಕೆಟಿಗರಿಂದ ವ್ಯಾಪಕ ಟೀಕೆಗಳು ಹರಿದುಬಂದಿವೆ.

ಇದನ್ನೂ ಓದಿ: ರೇಣುಕಸ್ವಾಮಿ ಹತ್ಯೆ ಕೇಸ್​ನಲ್ಲಿ ಚಿಕ್ಕಣ್ಣನಿಗೂ ಢವಢವ ಶುರು; ಈ ನಟನಿಗೂ ನೋಟಿಸ್ ಕೊಡಲಿದ್ದಾರಂತೆ ಪೊಲೀಸರು

ಗ್ರೂಪ್​ ಸ್ಟೇಜ್ ಟೂರ್ನಿಯಿಂದ ನಿರ್ಗಮಿಸಿರುವ ಪಾಕ್​ಗೆ ಇತರೆ ದೇಶಗಳ ಮಾಜಿ ಕ್ರಿಕೆಟಿಗರಿಗಿಂತ ಪಾಕಿಸ್ತಾನದ ಮಾಜಿ ಆಟಗಾರರ ಟೀಕೆ, ಟಿಪ್ಪಣಿಗಳೇ ಹೆಚ್ಚಾಗಿವೆ. ಟಿ20 ವಿಶ್ವಕಪ್​ನಲ್ಲಿ ಬಾಬರ್​​ ಆಜಂ ತಂಡ ನೀಡಿದ ಅತ್ಯಂತ ಕಳಪೆ ಪ್ರದರ್ಶನಕ್ಕೆ ಸಿಡಿಮಿಡಿಗೊಂಡಿದ್ದ ಮಾಜಿ ಕ್ಯಾಪ್ಟನ್​ ಶಾಹೀದ್​ ಆಫ್ರಿದಿ, ತಂಡದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದ್ದರು. ಇದೀಗ ಇದೇ ವಿಷಯವನ್ನು ಎತ್ತಿ ಹಿಡಿದ ಶೋಯಿಬ್​ ಮಲಿಕ್​ ಕೂಡ ಬಾಬರ್​ ನಾಯಕತ್ವದಿಂದ ನಮಗೆ ಏನು ಪ್ರಯೋಜವಿಲ್ಲ ಎಂದಿದ್ದಾರೆ.

"ಟಿ20 ವಿಶ್ವಕಪ್​ 2024ರ ಟೂರ್ನಿಯಲ್ಲಿ ಬಾಬರ್ ಆಜಂ ನೇತೃತ್ವದಲ್ಲಿ ಪಾಕಿಸ್ತಾನ ಸರಣಿ ಗೆಲುವನ್ನು ನೋಡಲೇ ಇಲ್ಲ. ಸೂಪರ್​ 8 ಪ್ರವೇಶಿಸಲು ಕೂಡ ಪಾಕ್ ಇದೀಗ ವಿಫಲವಾಗಿದೆ. ಇದಕ್ಕೆ ಕಾರಣ, ಕಳೆದ ಪಂದ್ಯಗಳಲ್ಲಿ ಭಾರತ, ಯುಎಸ್​ಎ ಸೇರಿದಂತೆ ಇತರೆ ತಂಡಗಳ ವಿರುದ್ಧ ಹೀನಾಯ ಸೋಲು. ಬಾಬರ್​​ ಉತ್ತಮ ಬ್ಯಾಟ್ಸ್​ಮನ್​. ಆದರೆ, ನಾಯಕನ ಸ್ಥಾನ ಅವರ ಅತ್ಯುತ್ತಮ ಪ್ರದರ್ಶನದ ಮೇಲೆ ಭಾರೀ ಒತ್ತಡ ಬೀರಿದೆ ಎಂಬುದು ನನ್ನ ಅನಿಸಿಕೆ" ಎಂದರು.

ಇದನ್ನೂ ಓದಿ: ಮೋದಿ ಪ್ರಧಾನಿಯಾಗಿ ಆಯ್ಕೆಯಾಗಿದ್ದಕ್ಕೆ ಉರುಳು ಸೇವೆ ಮಾಡಿ ಹರಕೆ ತೀರಿಸಿದ ಅಭಿಮಾನಿ

"ನನ್ನ ಪ್ರಕಾರ, ಬಾಬರ್​ ಆಜಂ ತಕ್ಷಣ ತಮ್ಮ ಕ್ಯಾಪ್ಟನ್ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು. ಅವರ ನಾಯಕತ್ವದಲ್ಲಿ ಉತ್ತಮ ಬೆಳವಣಿಗೆ ಇದ್ದರೆ, ನಾಯಕನಾಗಿಯೇ ಮುಂದುವರೆಯಲಿ. ಇಲ್ಲದೆ ಹೋದರೆ ಸ್ಥಾನ ತ್ಯಜಿಸಿ, ರನ್​ ಗಳಿಸುವತ್ತ ಹೆಚ್ಚು ಗಮನ ಹರಿಸಲಿ" ಎಂದು ಮಲಿಕ್ ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/real-heroes-who-checkmated-reel-hero-in-the-case

https://www.vijayavani.net/what-are-the-next-challenges-for-darshan