ಯುವ ಆರಂಭಿಕ ಆಟಗಾರ ಸೈಮ್ ಅಯೂಬ್, ಬಲ ಪಾದದ ಮೂಳೆ ಮುರಿತದಿಂದಾಗಿ ತಂಡದಿಂದ ಹೊರಗುಳಿದಿದ್ದಾರೆ. ಈ ಕಾರಣದಿಂದ ಪಾಕ್ ಮ್ಯಾನೇಜ್ಮೆಂಟ್, ಬಾಬರ್ ಜತೆಗೆ ಫಖರ್ ಜಮಾನ್ ಅವರನ್ನು ಟಾಪ್ ಆರ್ಡರ್ನಲ್ಲಿ ಆಡಿಸಲು ನಿರ್ಧರಿಸಿತು. ತಂಡದ ಈ ನಿರ್ಧಾರ ಬಸಿತ್ ಅಲಿಗೆ ತೀವ್ರ ಅಸಮಾಧಾನ ಮೂಡಿಸಿತು. ಇವರಿಬ್ಬರ ಕಾಂಬಿನೇಷನ್ ತ್ರಿಕೋನ ಸರಣಿಯಲ್ಲಿ ಫಲಿಸಲಿಲ್ಲ. ಕಾರಣ, ಆಡಿದ ಮೂರು ಪಂದ್ಯಗಳಲ್ಲಿ ಕೇವಲ 62 ರನ್ ಗಳಿಸಿದ ಬಾಬರ್, ಉತ್ತಮ ಓಪನಿಂಗ್ ಆಟ ತೋರುವಲ್ಲಿ ಎಡವಿದರು. ಕರಾಚಿಯಲ್ಲಿ ನಡೆದ ಫೈನಲ್ನಲ್ಲಿ ಐದು ವಿಕೆಟ್ಗಳ ಸೋಲು ಸೇರಿದಂತೆ ಪಾಕಿಸ್ತಾನ ನ್ಯೂಜಿಲೆಂಡ್ ವಿರುದ್ಧ ಹೀನಾಯ ಸೋಲನ್ನು ಅನುಭವಿಸಿತು. ಈ ಸರಣಿಯಲ್ಲಿ ಬಾಬರ್ ತೋರಿದ ನೀರಸ ಪ್ರದರ್ಶನ ಸದ್ಯ ಬಸಿತ್ ಅಲಿ ಬೇಸರಕ್ಕೆ ಕಾರಣವಾಗಿದೆ.
