ಭಾರತೀಯ ಕ್ರಿಕೆಟ್ ದಿಕ್ಕನ್ನೇ ಬದಲಿಸಿದ ಗಂಗೂಲಿಯ 5 ನಿರ್ಧಾರಗಳು ಯಾವುವು ಗೊತ್ತೇ ?

ಬೆಂಗಳೂರು: ಸೌರವ್​ ಗಂಗೂಲಿ, ಭಾರತ ತಂಡದ ಸರ್ವಶ್ರೇಷ್ಠ ನಾಯಕ ಎಂಬುದರಲ್ಲಿ ಎರಡು ಮಾತಿಲ್ಲ. 2000ದಲ್ಲಿ ನಡೆದ ಮ್ಯಾಚ್​ ಫಿಕ್ಸಿಂಗ್​ ಪ್ರಕರಣದಿಂದ ತತ್ತರಿಸಿದ್ದ ಭಾರತ ತಂಡದ ಪಾಲಿಗೆ ಆಪತ್ಭಾಂದವರಾದವರು ಗಂಗೂಲಿ. ಬುಧವಾರವಷ್ಟೇ 48ನೇ ವರ್ಷಕ್ಕೆ ಕಾಲಿಟ್ಟ ಸೌರವ್​ ಗಂಗೂಲಿ, ಟೀಮ್​ ಇಂಡಿಯಾ ನಾಯಕರಾಗಿದ್ದ ವೇಳೆ ತೆಗೆದುಕೊಂಡ ಕೆಲವು ಕಠಿಣ ಕ್ರಮಗಳಿಂದ ಗಮನಸೆಳೆದಿದ್ದರು. ಜತೆಗೆ ಹಲವು ಯುವ ಪ್ರತಿಭೆಗಳ ಅನಾವರಣದಕ್ಕೂ ದಾದಾ ಅವರೇ ಕಾರಣರಾಗಿದ್ದರು. ನಾಯಕನಾಗಿದ್ದ ಗಂಗೂಲಿ ತೆಗೆದುಕೊಂಡು ಯಶಸ್ವಿಯಾದ 5 ಕಠಿಣ ಕ್ರಮಗಳ ವಿವರ ಇಲ್ಲಿದೆ.

ಇದನ್ನೂ ಓದಿ: ಕ್ರಿಕೆಟ್ ಪುನರಾರಂಭದ ನಡುವೆ 2ನೇ ಬಾರಿ ಅಪ್ಪನಾದ ಸಂಭ್ರಮ ಹಂಚಿಕೊಂಡ ಜೋ ರೂಟ್

1. ಲಕ್ಷ್ಮಣ್​ಗೆ 3ನೇ ಕ್ರಮಾಂಕ: 2001ರಲ್ಲಿ ಕೋಲ್ಕತದಲ್ಲಿ ನಡೆದ ಆಸ್ಟ್ರೆಲಿಯಾ ವಿರುದ್ಧದ ಟೆಸ್ಟ್​ ಪಂದ್ಯದಲ್ಲಿ ವಿವಿಎಸ್​ ಲಕ್ಷ್ಮಣ್ ಅವರನ್ನು 3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ ಇಳಿಸಿದ್ದು ದಾದಾ ತೆಗೆದುಕೊಂಡ ಮೊದಲ ಕಠಿಣ ಕ್ರಮ. ಅಂದಿನ ಪಂದ್ಯದಲ್ಲಿ ರಾಹುಲ್​ ಬದಲಿಗೆ ಲಕ್ಷ್ಮಣ್ ಬ್ಯಾಟಿಂಗ್​ಗಿಳಿದು ದಿನವೀಡಿ ಬ್ಯಾಟಿಂಗ್​ ಮಾಡಿ 281 ರನ್​ ಸಿಡಿಸಿದ್ದರು. 5ನೇ ದಿನದಾಟದಲ್ಲಿ ಹರ್ಭಜನ್​ ಮ್ಯಾಜಿಕ್​ನಿಂದ ಭಾರತ ಗೆಲುವು ದಾಖಲಿಸಿತ್ತು.

2. ಆರಂಭಿಕನಾಗಿ ಸೆಹ್ವಾಗ್​ ಬಡ್ತಿ: ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟಿಂಗ್​ ಮಾಡುತ್ತಿದ್ದ ವೀರೇಂದ್ರ ಸೆಹ್ವಾಗ್​ಗೆ ಆರಂಭಿಕನಾಗಿ ಬಡ್ತಿ ನೀಡಿದ್ದು ದಾದಾ ತೆಗೆದುಕೊಂಡ ಮತ್ತೊಂದು ದಿಟ್ಟ ಕ್ರಮ. 6ನೇ ಕ್ರಮಾಂಕದಲ್ಲಿ ಸ್ಫೋಟಕ ಬ್ಯಾಟಿಂಗ್​ ಮಾಡುತ್ತಿದ್ದ ಸೆಹ್ವಾಗ್​ ಆಕ್ರಮಣಕಾರಿ ವೈಖರಿ ಗಮನಿಸಿದ ದಾದಾ, ಆರಂಭಿಕನಾಗಿ ಇಳಿಸಿ ಯಶಸ್ವಿಯಾದರು.

3. ದ್ರಾವಿಡ್​ಗೆ ವಿಕೆಟ್​ ಕೀಪಿಂಗ್​ ಹೊಣೆ: ಧೋನಿ ಟೀಮ್​ ಇಂಡಿಯಾಗೆ ಎಂಟ್ರಿಕೊಡುವುದಕ್ಕೂ ಮುಂಚೆ ತಜ್ಞ ವಿಕೆಟ್​ ಕೀಪರ್​-ಬ್ಯಾಟ್ಸ್​ಮನ್​ ತಲಾಶ್​ನಲ್ಲಿದ್ದ ದಾದಾ, ರಾಹುಲ್​ ದ್ರಾವಿಡ್​ಗೆ ಆ ಜವಾಬ್ದಾರಿ ನೀಡಿದರು. ಇದರೊಂದಿಗೆ ಹೆಚ್ಚುವರಿ ಬ್ಯಾಟ್ಸ್​ಮನ್​ ತಂಡಕ್ಕೆ ಲಭಿಸುವಂತೆ ಮಾಡಿದರು. 2002 ರಿಂದ 2004ರವರೆಗೆ ದ್ರಾವಿಡ್​ ಹೆಚ್ಚಾಗಿ ಈ ಹುದ್ದೆ ನಿಭಾಯಿಸಿದರು.

4. ಧೋನಿ 3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​: 2005ರಲ್ಲಿ ಕೀನ್ಯಾದಲ್ಲಿ ಭಾರತ ಎ ತಂಡದ ಪರ ಸ್ಫೋಟಕ ಬ್ಯಾಟಿಂಗ್​ ಮಾಡಿದ್ದ ಧೋನಿಗೆ ರಾಷ್ಟ್ರೀಯ ತಂಡದಲ್ಲಿ ಅವಕಾಶ ನೀಡಿದರು. ರಾಷ್ಟ್ರೀಯ ತಂಡದಲ್ಲಿ ಆರಂಭಿಕ ಹಂತದಲ್ಲಿ ಧೋನಿ ಮಧ್ಯಮ ಕ್ರಮಾಂಕದಲ್ಲಿ ವಿಲರಾದರು. ಬಳಿಕ ಪಾಕಿಸ್ತಾನ ಎದುರು 3ನೇ ಕ್ರಮಾಂಕಕ್ಕೆ ಬಡ್ತಿ ನೀಡಿ ಯಶ ಕಂಡರು. ಇದರೊಂದಿಗೆ ಸೂಕ್ತ ವಿಕೆಟ್​ ಕೀಪರ್​-ಸ್ಫೋಟಕ ಬ್ಯಾಟ್ಸ್​ಮನ್​ ತಂಡಕ್ಕೆ ದಕ್ಕುವಂತೆ ಮಾಡಿದರು.

5. ಯುವಕರಿಗೆ ಅವಕಾಶ: 2000ರ ಮ್ಯಾಚ್​ ಫಿಕ್ಸಿಂಗ್​ ಹಗರಣದಿಂದ ತತ್ತರಿಸಿದ್ದ ಟೀಮ್​ ಇಂಡಿಯಾದಲ್ಲಿ ಯುವ ಕ್ರಿಕೆಟಿಗರಿಗೆ ಹೆಚ್ಚಿನ ಆದ್ಯತೆ ನೀಡಿದರು. ವೀರೇಂದ್ರ ಸೆಹ್ವಾಗ್​, ಯುವರಾಜ್​ ಸಿಂಗ್​, ಹರ್ಭಜನ್​ ಸಿಂಗ್​, ಜಹೀರ್​ ಖಾನ್​, ಧೋನಿಯಂಥ ಯುವ ಪ್ರತಿಭೆಗಳಿಗೆ ಅವಕಾಶ ನೀಡಿದ್ದು ದಾದಾ..

ಇದನ್ನೂ ಓದಿ: ಎಂಎಸ್​ ಧೋನಿ ಕ್ರಿಕೆಟ್​ನಿಂದ ಸದ್ಯಕ್ಕೆ ನಿವೃತ್ತಿಯಾಗಲ್ಲ

ಹಾಲಿ ಬಿಸಿಸಿಐ ಅಧ್ಯರೂ ಆಗಿರುವ ಗಂಗೂಲಿ, ಆಡಳಿತದಲ್ಲೂ ಸೈ ಎನಿಸಿಕೊಳ್ಳುತ್ತಿದ್ದಾರೆ. ಏಕದಿನ ಕ್ರಿಕೆಟ್​ನಲ್ಲಿ ಸಚಿನ್​ ಜತೆ ಇನಿಂಗ್ಸ್​ ಆರಂಭಿಸುತ್ತಿದ್ದ ಗಂಗೂಲಿ, 22 ಶತಕಗೊಂದಿಗೆ 11363 ರನ್​ ಸಿಡಿಸಿದ್ದಾರೆ. ಗಂಗೂಲಿ ಸಾರಥ್ಯದಲ್ಲಿ ಭಾರತ 2001ರಲ್ಲಿ ಮೊದಲ ಭಾರತ ಆಸ್ಟ್ರೆಲಿಯಾ ನೆಲದಲ್ಲಿ ಟೆಸ್ಟ್​ ಸರಣಿ ಜಯಿಸಿದರೆ, 2002ರಲ್ಲಿ ಇಂಗ್ಲೆಂಡ್​ನಲ್ಲಿ ನ್ಯಾಟ್​ ವೆಸ್ಟ್​ ಸರಣಿ ಗೆದ್ದಿತ್ತು. 2003ರಲ್ಲಿ ಏಕದಿನ ವಿಶ್ವಕಪ್​ನಲ್ಲಿ ೈನಲ್​ಗೇರಿದ್ದರೆ, 2004ರಲ್ಲಿ ಪಾಕಿಸ್ತಾನ ಎದುರು ಟೆಸ್ಟ್​ ಸರಣಿ ಗೆದ್ದುಕೊಂಡಿತ್ತು.