ರಾಂಚಿ: ಭಾರತ ತಂಡದ ಮಾಜಿ ಎಂಎಸ್ ಧೋನಿ ಮಂಗಳವಾರವಷ್ಟೇ 39ನೇ ವರ್ಷ ಹುಟ್ಟುಹಬ್ಬ ಆಚರಿಸಿಕೊಂಡರು. ಕಳೆದ ಒಂದು ವರ್ಷದಿಂದ ಕ್ರಿಕೆಟ್ನಿಂದ ದೂರ ಉಳಿದಿರುವ ಧೋನಿ ನಿವೃತ್ತಿಯದ್ದೇ ಎಲ್ಲೆಡೆ ಚರ್ಚೆಯಾಗುತ್ತಿದೆ. ಧೋನಿ ವೃತ್ತೀಜಿವನ ಮುಗಿಯಿತು, ರಾಂಚಿಯ ತಮ್ಮ ಫಾರ್ಮ್ ಹೌಸ್ನಲ್ಲಿ ಪೂರ್ಣಪ್ರಮಾಣದಲ್ಲಿ ಕೃಷಿಯಲ್ಲಿ ತೊಡಗಲಿದ್ದಾರಂತೆ, ಅಂತೆ, ಕಂತೆಗಳೇ ಧೋನಿ ಕ್ರಿಕೆಟ್ ಜೀವನವನ್ನು ಆವರಿಸಿಕೊಂಡಿವೆ. ಧೋನಿ ನಿವೃತ್ತಿ ಹೊಂದುವ ಬಗ್ಗೆ ಯೋಚಿಸುತ್ತಿಲ್ಲ, ಐಪಿಎಲ್ನಲ್ಲಿ ಆಡಲು ಉತ್ಸುಕರಾಗಿದ್ದಾರೆ ಎಂದು ಧೋನಿ ಬಾಲ್ಯದ ಗೆಳೆಯ ಹಾಗೂ ಮ್ಯಾನೇಜರ್ ಮಿಹಿರ್ ದಿವಾಕರ್ ಸ್ಪಷ್ಟನೆ ನೀಡಿದ್ದಾರೆ. ಇದರೊಂದಿಗೆ ಧೋನಿ ನಿವೃತ್ತಿ ಕುರಿತು ಎದ್ದಿರುವ ಊಹಾಪೋಹಗಳಿಗೆ ತೆರೆ ಎಳೆದಿದ್ದಾರೆ.
ಇದನ್ನೂ ಓದಿ: ಸಿಎಸ್ಕೆ ತಂಡಕ್ಕೆ ಬಾಸ್ ಆಗಲಿದ್ದಾರೆ ಎಂಎಸ್ ಧೋನಿ..!
ಎಂಎಸ್ ಧೋನಿ ಕ್ರಿಕೆಟ್ನಿಂದ ದೂರು ಉಳಿದು ನಾಳೆಗೆ (ಜುಲೈ 9) ಬರೋಬ್ಬರಿ ಒಂದು ವರ್ಷ ಆಯ್ತು. ಸೌಥಾಂಪ್ಟನ್ನಲ್ಲಿ ನಡೆದ ಭಾರತ-ನ್ಯೂಜಿಲೆಂಡ್ ನಡುವಿನ 2019ರ ಏಕದಿನ ವಿಶ್ವಕಪ್ ಸೆಮಿಫೈನಲ್ ಪಂದ್ಯವೇ ಧೋನಿ ಪಾಲಿಗೆ ಕಡೇ ಪಂದ್ಯವಾಗಿದೆ. ಅಲ್ಲಿಂದ ಇಲ್ಲಿಯವರೆಗೂ ಧೋನಿ ನಿವೃತ್ತಿಯದ್ದೇ ಚರ್ಚೆಯಾಗಿದೆ. ಈ ಚರ್ಚೆಗೆ ಉತ್ತರ ನೀಡಿರುವ ಧೋನಿ ಸ್ನೇಹಿತ, ಐಪಿಎಲ್ಗಾಗಿ ಧೋನಿ ಸಿದ್ಧಗೊಳ್ಳುತ್ತಿದ್ದು, ನಿವೃತ್ತಿ ಬಗ್ಗೆ ಅವರು ಯೋಚಿಸಿಲ್ಲ ಎಂದಿದ್ದಾರೆ.
ಇದನ್ನೂ ಓದಿ: ಆಡದಿದ್ದರೂ ಅಗ್ರ 10ರೊಳಗೆ ಕಾಣಿಸಿಕೊಂಡ ಜೋಶ್ನಾ ಚಿನ್ನಪ್ಪ
ಸಿಎಸ್ಕೆ ತಂಡದ ನಾಯಕನಾಗಿರುವ ಧೋನಿ, ಐಪಿಎಲ್ ಸಿದ್ಧತೆಗಾಗಿ ತಂಡದ ಸಹ ಸದಸ್ಯರಾದ ಸುರೇಶ್ ರೈನಾ, ಪೀಯುಷ್ ಚಾವ್ಲ, ಅಂಬಟಿ ರಾಯುಡು ಜತೆಗೂಡಿ ಚೆನ್ನೈನಲ್ಲಿ ಅಭ್ಯಾಸ ಆರಂಭಿಸಿದ್ದರು. ಕರೊನಾ ವೈರಸ್ ಭೀತಿಯಿಂದಾಗಿ ಲಾಕ್ಡೌನ್ ಘೋಷಣೆಯಾದ ಹಿನ್ನೆಲೆಯಲ್ಲಿ ಅಭ್ಯಾಸ ಮೊಟಕುಗೊಳಿಸಿ ತವರಿಗೆ ವಾಪಸಾಗಿದ್ದರು. ತವರು ರಾಂಚಿಯಲ್ಲಿರುವ ಫಾರ್ಮ್ ಹೌಸ್ನಲ್ಲಿ ಧೋನಿ ಪತ್ನಿ ಹಾಗೂ ಮಗಳೊಂದಿಗೆ ಲಾಕ್ ಆಗಿದ್ದಾರೆ.
VIDEO: ಸೌರವ್ ಗಂಗೂಲಿಗೆ ಗಾಡ್ ಆಫ್ ಆಫ್-ಸೈಡ್ ಎಂದು ಬಿರುದು ನೀಡಿದ್ದು ಯಾರು ಗೊತ್ತೆ..?