ಬೆಂಗಳೂರು: ಭಾರತ ತಂಡದ ದಿಗ್ಗಜರು ತಮ್ಮ ಆಟದ ಶೈಲಿ ಮೂಲಕವೇ ಒಂದಿಲ್ಲೊಂದು ಹೆಸರಿನಲ್ಲಿ ಪ್ರಸಿದ್ಧಿ ಪಡೆದಿದ್ದರು. ರಾಹುಲ್ ದ್ರಾವಿಡ್ ದಿ ವಾಲ್ ಎಂದು ಪ್ರಸಿದ್ಧಿ ಪಡೆದಿದ್ದರೆ, ಸಚಿನ್ ತೆಂಡುಲ್ಕರ್ ಕ್ರಿಕೆಟ್ ದೇವರು ಅಂತಲೇ ಕರೆಸಿಕೊಂಡರು. ತಮ್ಮ ಫೇವರಿಟ್ ಹೊಡೆತಗಳ ಮೂಲಕವೇ ಗಂಗೂಲಿ ಪ್ರಸಿದ್ಧಿ ಪಡೆದಿದ್ದರು. ಆಫ್-ಸೈಡ್ನಲ್ಲಿ 9 ಫೀಲ್ಡರ್ಗಳೂ ಇದ್ದರೂ ನಿರಾಯಸವಾಗಿ ಚೆಂಡು ತಳ್ಳುವುದರಲ್ಲಿ ಗಂಗೂಲಿ ಫೇಮಸ್ ಆಗಿದ್ದರು. ಇದಕ್ಕಾಗಿ ಅವರನ್ನು ಆಫ್-ಸೈಡ್ ಗಳ ರಾಜ ಎನ್ನಲಾಗುತ್ತಿತ್ತು. ಗಂಗೂಲಿಗೆ ಈ ಹೆಸರು ಇಟ್ಟಿದ್ದು ಬೇರೆಯಾರು ಅಲ್ಲ ಕನ್ನಡಿಗ ರಾಹುಲ್ ದ್ರಾವಿಡ್.
ಇದನ್ನೂ ಓದಿ: 4 ತಿಂಗಳ ಬಳಿಕ ಕ್ರಿಕೆಟ್ ಶುರು, ಬುಕ್ಕಿಗಳ ಮೇಲೆ ಸಿಸಿಬಿ ‘ಐ’ ಅಲರ್ಟ್
ಕ್ರಿಕೆಟ್ನಲ್ಲಿ ಬ್ಯಾಟ್ಸ್ಮನ್ಗಳಿಗೆ ಮೈದಾನದ ಒಂದೊಂದು ಏರಿಯಾ ಫೇವರಿಟ್ ಸ್ಪಾಟ್ಗಳಿರುತ್ತವೆ. ಹಾಗೆಯೇ ಅವರ ಬ್ಯಾಟಿಂಗ್ ಶೈಲಿಗೂ ಹೆಸರು ಕೂಡ ದಕ್ಕುತ್ತದೆ. ತಾಳ್ಮೆಯ ಬ್ಯಾಟಿಂಗ್ಗೆ ಹೆಸರಾಗಿದ್ದ ರಾಹುಲ್ ದ್ರಾವಿಡ್ ದಿ ವಾಲ್ ಎಂದು ಕರೆಸಿಕೊಂಡರೆ, ಸಚಿನ್ ತೆಂಡುಲ್ಕರ್ ಅವರನ್ನು ಕ್ರಿಕೆಟ್ ದೇವರೆಂದೆ ಕರೆಯಲಾಗಿತ್ತು. ಆಫ್ ಸೈಡ್ ಹೊಡೆತಗಳಿಗೆ ಗಂಗೂಲಿ ಸಾಕಷ್ಟು ಪ್ರಸಿದ್ಧಿ ಪಡೆದಿದ್ದರು. ಗಂಗೂಲಿ ಅವರೊಂದಿಗೆ ಸಾಕಷ್ಟು ಕ್ರಿಕೆಟ್ ಆಡಿದ್ದ ರಾಹುಲ್ ದ್ರಾವಿಡ್ ಅವರ ಆಟವನ್ನು ಸಂಪೂರ್ಣವಾಗಿ ಅರಿತುಕೊಂಡಿದ್ದರು. ಅವರ ಆಫ್-ಸೈಡ್ ಹೊಡೆತಗಳ ಶೈಲಿಗೆ ಮಾರು ಹೋಗಿದ್ದ ದ್ರಾವಿಡ್ ಅವರಿಗೆ ಗಾಡ್ ಆಫ್ ಆಫ್-ಸೈಡ್ ಎಂದು ಕರೆದಿದ್ದರಂತೆ. 9 ಫೀಲ್ಡರ್ಗಳು ಆಫ್ ಸೈಡ್ನಲ್ಲಿದ್ದರೂ ಗಂಗೂಲಿಗೆ ಚೆಂಡನ್ನು ಬೌಂಡರಿಗೆ ಅಟ್ಟುವ ಕಲೆ ಇತ್ತು. ಗಂಗೂಲಿ ಆಡುವ ವೇಳೆ ಸ್ಟಾರ್ ಬೌಲರ್ಗಳಾದ ಪಾಕಿಸ್ತಾನದ ವೇಗಿ ಶೋಯಿಬ್ ಅಖ್ತರ್, ಶ್ರೀಲಂಕಾ ಸ್ಪಿನ್ನರ್ ಮುತ್ತಯ್ಯ ಮುರಳೀಧರನ್ ಎಸೆತಗಳಿಗೂ ಗಂಗೂಲಿ ಎಷ್ಟೋ ಬಾರಿ ಬೌಂಡರಿಯಿಂದ ಆಚೆಗೆ ಅಟ್ಟಿದ್ದಾರೆ. ಅವರ ಆಫ್ ಸೈಡ್ ಹೊಡೆತಗಳನ್ನು ನೋಡುವುದೇ ಒಂದು ಖುಷಿ ಎನ್ನುತ್ತಾರೆ ಸಮಕಾಲಿನ ಕ್ರಿಕೆಟಿಗರು.
ಇದನ್ನೂ ಓದಿ: ಧೋನಿ ಕಂಪನಿಯಿಂದ ಶೀಘ್ರದಲ್ಲೇ ಮಾರುಕಟ್ಟೆಗೆ ಬರಲಿದೆ ಸಾವಯವ ಗೊಬ್ಬರ!
ಬಿಸಿಸಿಐ ಮುಖ್ಯಸ್ಥರು ಆದ ಸೌರವ್ ಗಂಗೂಲಿ ಬುಧವಾರವಷ್ಟೇ 48ನೇ ಹುಟ್ಟುಹಬ್ಬ ಆಚರಿಸಿಕೊಂಡರು. ವಿಶ್ವ ಕ್ರಿಕೆಟ್ ವಲಯ ಹಾಲಿ ಹಾಗೂ ಮಾಜಿ ಕ್ರಿಕೆಟಿಗರು ದಾದಾಗೆ ಶುಭಾಶಯ ಕೋರಿದ್ದಾರೆ.