ಸೇಂಟ್ ಲೂಯಿಸ್ ಬೌಲರ್ ಓಶೇನ್ ಥಾಮಸ್ ಅವರು ಇನ್ನಿಂಗ್ಸ್ನ 15ನೇ ಓವರ್ ಬೌಲ್ ಮಾಡಿದರು. ಈ ಓವರ್ನ ಮೂರನೇ ಎಸೆತವನ್ನು ಶೆಫರ್ಡ್ ಆಡಿದರು. ಆದರೆ, ಯಾವುದೇ ರನ್ ಗಳಿಸಲಿಲ್ಲ. ಆದಾಗ್ಯೂ, ಅದು ನೋ ಬಾಲ್ ಆಗಿತ್ತು. ನಂತರದ ಎಸೆತವನ್ನು ಧಾಮಸ್ ವೈಡ್ ಮಾಡಿದರು. ಇದಾದ ಬಳಿಕ ಮತ್ತೆ ಚೆಂಡನ್ನು ಬೌಲ್ ಮಾಡಿದಾಗ, ಶೆಫರ್ಡ್ ಅದನ್ನು ಸಿಕ್ಸರ್ ಬಾರಿಸಿದರು. ಇಲ್ಲಿ, ಥಾಮಸ್ನ ದುರಾದೃಷ್ಟವೆಂದರೆ ಅದು ಕೂಡ ನೋ ಬಾಲ್ ಆಗಿತ್ತು. ಅವರು ಮತ್ತೆ ಚೆಂಡನ್ನು ಬೌಲ್ ಮಾಡಿದಾಗ, ಶೆಫರ್ಡ್ ಈ ಬಾರಿಯೂ ಭರ್ಜರಿ ಸಿಕ್ಸರ್ ಸಿಡಿಸಿದರು. ಆದರೆ, ಅದು ಕೂಡ ನೋ ಬಾಲ್ ಆಗಿತ್ತು ಎಂಬುದು ಗಮನಾರ್ಹ. ಅದರ ನಂತರದ ಎಸೆತವನ್ನೂ ಶೆಫರ್ಡ್ ಸಿಕ್ಸರ್ ಬಾರಿಸಿದರು. ಹೀಗಾಗಿ, ಥಾಮಸ್ ಅವರು ನಿಯಮಕ್ಕೆ ವಿರುದ್ಧವಾದ ಚೆಂಡನ್ನು ಎಸೆದ ಕಾರಣ ಕಾನೂನುಬದ್ಧ ಎಸೆತಕ್ಕೆ ಐದು ಬಾರಿ ಬೌಲ್ ಮಾಡಬೇಕಾಯಿತು. ಇದರಿಂದ ಒಟ್ಟು 22 ರನ್ಗಳು (N Wd N6 N6 6) ನೀಡಿದರು. ಇಫ್ತಿಕರ್ ಅಹ್ಮದ್ ಓವರ್ನ ಕೊನೆಯ ಎಸೆತವನ್ನು ಸಿಕ್ಸರ್ಗೆ ಹೊಡೆದರು. ಅಲ್ಲಿಗೆ ಥಾಮಸ್ ಆ ಓವರ್ನಲ್ಲಿ ಒಟ್ಟು 33 ರನ್ಗಳನ್ನು ನೀಡಿದರು.
