ಕೋಶ ಓದಿ ನೋಡು, ದೇಶ ಸುತ್ತಿ ನೋಡು ಎಂಬ ಮಾತಿದೆ. ಕೋಶ ಓದೋದೂ ಅತಿಮುಖ್ಯ. ನಾನು ಯಾವ ದೇಶಕ್ಕೆ ಹೋದರೂ ನನ್ನ ಸಂಪಾದನೆ ಎಷ್ಟು ಅಂತ ಕೇಳಲ್ಲ, ವಿದ್ಯಾರ್ಹತೆ ಕೇಳುತ್ತಾರೆ, ಅದರಲ್ಲೇ ಅಳೆಯುತ್ತಾರೆ. ಒಂದು ಹಂತದ ವಿದ್ಯಾಭ್ಯಾಸ ಅತಿಮುಖ್ಯ. ಬಿಕಾಂ ಮುಗಿಸಿರುವ ನಾನು ಮುಂದೆ ಎಂಕಾಂ ಮುಗಿಸುತ್ತೇನೆ. ಕೆಲಸಕ್ಕೆ ಎಲ್ಲೂ ಅಪ್ಲೈ ಮಾಡಿಲ್ಲ. ಯಾರು ಎಷ್ಟೇ ಆಫರ್ ಕೊಟ್ರೂ ಇದನ್ನು ಬಿಡಲ್ಲ. ಕಲಿಯುವಂಥದ್ದೇನಾದರೂ ಇದ್ರೆ ಅಂಥ ಕೆಲಸ ಮಾಡುತ್ತೇನೆ. ದೇಶಗಳನ್ನು ಸುತ್ತಿ ಕಲಿತ ಪಾಠ ಎಂದರೆ ಸಂತೋಷ ಬೇರೆಲ್ಲೂ ಇಲ್ಲ, ನಾವಿದ್ದ ಜಾಗದಲ್ಲೇ ನೆಮ್ಮದಿ ಕಂಡುಕೊಳ್ಳಬೇಕು. ಈ ಸುತ್ತಾಟದಲ್ಲಿ ನಾನು ಕೋಪ ಕಳೆದುಕೊಂಡು ಸಹನೆ ರೂಢಿಸಿಕೊಂಡಿದ್ದೇನೆ.
