ವಿಶ್ವಪರ್ಯಟನೆಯಲ್ಲಿ ಗಗನಸುಖಿ: ನಮಸ್ಕಾರ ದೇವರು.. ಇದು ಡಾಕ್ಟರ್ ಬ್ರೋ..!

ವಿದೇಶಗಳನ್ನು ನೋಡಲೆಂದೇ ಗಗನಸಖಿ ಆಗುವವರಿದ್ದಾರೆ. ಆದರೆ ಈತ ಗಗನಸಖಿ(ಖ) ಅಲ್ಲ, ಆದರೂ ದೇಶದಿಂದ ದೇಶಕ್ಕೆ ಹಾರಾಡುವ ಗಗನಸುಖಿ. ತಾನಷ್ಟೇ ಅಲ್ಲ, ಕನ್ನಡಿಗರೂ ಕುಳಿತಲ್ಲೇ ವಿಶ್ವವನ್ನು ನೋಡುವಂತಾಗಬೇಕು ಎಂದು ವಿಶ್ವಪರ್ಯಟನೆಗೆ ಹೊರಟಿರುವ ಇವರು, ಜಗತ್ತಿನ ಅಷ್ಟೂ ದೇಶಗಳ ದರ್ಶನ ಮಾಡಿಸಲು ಮುಂದಾಗಿದ್ದಾರೆ. ಸದ್ಯ ಉಜ್ಬೇಕಿಸ್ತಾನದಲ್ಲಿದ್ದು ಈತ ಅಲ್ಲಿಂದಲೇ ವಿಜಯವಾಣಿ ಜತೆ ಮಾತಾಡಿದ್ದಾರೆ.

| ರವಿಕಾಂತ ಕುಂದಾಪುರ

‘ನಮಸ್ಕಾರ, ನಮಸ್ಕಾರ, ನಮಸ್ಕಾರ..’ ಹೀಗೆ ಮೂರು ಸಲ ನಮಸ್ಕಾರ ಎಂದಿದ್ದನ್ನು ಕೇಳಿದರೆ ಕನ್ನಡಿಗರಿಗೆ ಸಾಮಾನ್ಯವಾಗಿ ನೆನಪಾಗುವುದು ಬೇರಾರೂ ಅಲ್ಲ, ಗೋಲ್ಡನ್ ಸ್ಟಾರ್ ಗಣೇಶ್. ಆದರೆ ‘ನಮಸ್ಕಾರ ದೇವರು’ ಎಂದರೆ ಸೋಷಿಯಲ್ ಮೀಡಿಯಾದಲ್ಲಿ ಸಕ್ರಿಯವಾಗಿರುವವರಿಗೆ ತಕ್ಷಣ ನೆನಪಿಗೆ ಬರುವುದು ರೋಮಿಂಗ್ ಸ್ಟಾರ್ ‘ಡಾಕ್ಟರ್ ಬ್ರೋ..’ ಹೌದು.. ‘ನಮಸ್ಕಾರ ದೇವರು’ ಎನ್ನುತ್ತಲೇ ‘ಡಾ. ಬ್ರೋ. ಕನ್ನಡ..’ ಯೂ-ಟ್ಯೂಬ್ ಚಾನೆಲ್ ಮತ್ತು ಫೇಸ್​ಬುಕ್ ಪೇಜ್ ಮೂಲಕ ದರ್ಶನ ಕೊಡುವ, ಜಗತ್ತಿನ ಅಷ್ಟೂ ದೇಶಗಳನ್ನು ಕನ್ನಡಿಗರಿಗೆ ತೋರಿಸಲು ಹೊರಟಿರುವ ಈ ಸಾಹಸಿಯ ಅಸಲಿ ಹೆಸರು ಗಗನ್ ಶ್ರೀನಿವಾಸ್. ಆದರೆ ಈತ ‘ಡಾಕ್ಟರ್ ಬ್ರೋ.’ ಎಂದೇ ಹೆಸರುವಾಸಿ. ಸದ್ಯ ಉಜ್ಬೇಕಿಸ್ತಾನದಲ್ಲಿದ್ದು, ಅಲ್ಲಿಂದಲೇ ವಿಜಯವಾಣಿ ಜತೆ ಮಾತುಕತೆ ನಡೆಸಿರುವ ಗಗನ್, ಇನ್ನು ಕೆಲವು ದಿನ ಇಲ್ಲಿರುತ್ತೇನೆ. ಇಲ್ಲಿಂದ ಮುಂದೆ ಥಾಯ್ಲೆಂಡ್ ನಂತರ ಮತ್ತೊಂದು ದೇಶ. ಹೀಗೆ ಒಂದರ ಹಿಂದೊಂದರಂತೆ ಹತ್ತು ದೇಶಗಳನ್ನು ಸುತ್ತಾಡಿ ನಂತರ ಭಾರತಕ್ಕೆ ಮರಳುತ್ತೇನೆ’ ಎನ್ನುತ್ತ ತಮ್ಮ ವಿಶ್ವಪರ್ಯಟನೆಯ ಅನುಭವಗಳನ್ನು ಹಂಚಿಕೊಂಡಿದ್ದಾರೆ.

ಕಲ್ಪನೆಯಲ್ಲೇ ಕಳೆದುಹೋಗಬೇಕಾ?

ಮೊದ್ಲು ಮೊಬೈಲೂ ಇರ್ಲಿಲ್ಲ..

‘ಮೊದಲಿನಿಂದಲೂ ವಿಡಿಯೋ ಕಂಟೆಂಟ್ ಮಾಡುವ ಆಸೆ ಇತ್ತು. ಆದರೆ ನನ್ನ ಬಳಿ ಫೋನ್ ಇರಲಿಲ್ಲ. ಗೆಳೆಯನ ಮೊಬೈಲ್​ಫೋನ್ ಪಡೆದು ವಿಡಿಯೋ ಮಾಡಿ, ಸೈಬರ್ ಸೆಂಟರ್​ಗೆ ಹೋಗಿ ಎಡಿಟ್ ಮಾಡಿ ಅಪ್​ಲೋಡ್ ಮಾಡುತ್ತಿದ್ದೆ. ಬಳಿಕ ಮೊಬೈಲ್​ಫೋನ್ ತೆಗೆದುಕೊಂಡರೂ ಮೈಕ್, ಟ್ರೖೆಪಾಡ್ ಇರಲಿಲ್ಲ, ಕ್ರಮೇಣ ಅವುಗಳ ಜತೆ ಕಂಪ್ಯೂಟರ್ ಸೇರಿ ಒಂದೊಂದನ್ನೇ ತಗೊಂಡೆ. ಈಗ ಕ್ಯಾಮರಾ ಇದೆ, ಲ್ಯಾಪ್​ಟಾಪ್ ಇದೆ ಎನ್ನುವ ಗಗನ್, ನನಗೆ ಯಾರೂ ಗುರು ಇಲ್ಲ. ಯೂಟ್ಯೂಬ್ ಮೂಲಕವೇ ಎಲ್ಲವನ್ನೂ ನೋಡಿ-ಕೇಳಿ ತಿಳಿದುಕೊಂಡೆ’ ಎನ್ನುತ್ತಾರೆ.

ಲೋಕಲ್ ಟು ಗ್ಲೋಬಲ್

ಎಲ್ಲಿ ಹೋದ್ರೂ ಕನ್ನಡ...

ಇವರ ವಿಶೇಷ ಎಂದರೆ ಯಾವುದೇ ದೇಶಕ್ಕೆ ಹೋದರೂ ಕನ್ನಡದಲ್ಲೇ ಮಾತಾಡುತ್ತಾರೆ. ನಾನು ಕನ್ನಡದಲ್ಲಿ ಮಾತನಾಡಿದರೆ ನಮ್ಮ ಜನರಿಗೆ ಹೆಚ್ಚು ಆಪ್ತವಾಗುತ್ತದೆ, ಅವರಿಗೆ ತಾವೇ ಹೋಗಿ ನೋಡಿದಂಥ ಫೀಲ್ ಇರುತ್ತದೆ ಎನ್ನುವ ಗಗನ್, ತಮ್ಮ ಹಿಂದಿ-ಇಂಗ್ಲಿಷ್ ಎರಡೂ ಅಷ್ಟಕ್ಕಷ್ಟೇ ಎಂಬುದನ್ನೂ ತಿಳಿಸುತ್ತಾರೆ. ಜತೆಗೆೆ ಕನ್ನಡ ಮಾತಾಡಿಯೇ ಪ್ರಪಂಚ ಸುತ್ತಬಹುದು ಎಂಬ ಸಂದೇಶವನ್ನೂ ಸಾರುತ್ತಾರೆ. ಉದಾಹರಣೆಗೆ ಉಜ್ಬೇಕಿಸ್ತಾನದಲ್ಲಿ ನಾನು ಗೂಗಲ್ ಟ್ರಾನ್ಸ್​ಲೇಟರ್ ಮೂಲಕ ಕನ್ನಡದಲ್ಲೇ ಮಾತಾಡಿದರೆ ಅದು ಅನುವಾದ ಆಗಿ ಅವರಿಗೆ ಅವರ ಭಾಷೆಯಲ್ಲೇ ಸಂವಹನ ಆಗುತ್ತದೆ. ಇನ್ನು ಅವರು ಅವರ ಭಾಷೆಯಲ್ಲಿ ಮಾತಾಡಿದ್ದು ಅದೇ ಥರ ನನಗೂ ಅನುವಾದವಾಗಿ ಸಿಗುತ್ತದೆ ಅಂತಾರೆ.

ಪ್ರಪಂಚ ಚಿಕ್ಕದು

ಜಗತ್ತು ವಿಶಾಲವಾಗಿದೆ ನಿಜ. ಆದರೆ ಗಗನ್ ಪ್ರಕಾರ ಪ್ರಪಂಚ ತುಂಬಾ ಚಿಕ್ಕದು. ‘ದುಬೈಗೆ ಹೋಗಿಬಿಟ್ಟರೆ ಜಗತ್ತಿನ ಯಾವುದೇ ದೇಶಕ್ಕೆ ಬೇಕಾದರೂ ಹೋಗುವ ವಿಮಾನ ಸಿಗುತ್ತದೆ. ಸುಮಾರು ಐದು ಗಂಟೆಗಳಲ್ಲಿ ಅಂದು ಕೊಂಡ ದೇಶದಲ್ಲಿ ಹೋಗಿ ಇಳಿಯ ಬಹುದು’ ಎನ್ನುತ್ತಾರೆ ಈ ರೋಮಿಂಗ್ ಸ್ಟಾರ್.

ಫೇಕ್ ಡಾಕ್ಟರ್!

ಖರ್ಚಿಗೆ ಕಾಸು?

https://www.vijayavani.net/father-got-his-job-back-because-of-his-daughters-request/

https://www.vijayavani.net/double-features-with-telegram-premium/