ಕನ್ನಡದಲ್ಲಿ ಮಾತಾಡು... ಚೇಂಜ್​ ವಿಚಾರವಾಗಿ ಪ್ರಯಾಣಿಕನ ಮೇಲೆ BMTC ಕಂಡಕ್ಟರ್ ಹಲ್ಲೆ

ಬೆಂಗಳೂರು: ಬೆಂಗಳೂರಿನ ಜೀವನಾಡಿ ಎಂದೇ ಖ್ಯಾತಿ ಪಡೆದಿರುವ ಬಿಎಂಟಿಸಿಯಲ್ಲಿ ಪ್ರತಿನಿತ್ಯ ಲಕ್ಷಾಂತರ ಮಂದಿ ಪ್ರಯಾಣಿಸುತ್ತಾರೆ. ನಾವು ಬಸ್ಸಿನಲ್ಲಿ ಟಿಕೆಟ್​ ತೆಗೆದುಕೊಳ್ಳುವಾಗ ನಿರ್ವಾಹಕರು ಸರಿಯಾದ ಚಿಲ್ಲರೆ ಕೊಟ್ಟು ಸಹಕರಿಸಿ ಎಂದು ಪ್ರತಿಬಾರಿಯೂ ಪ್ರಯಾಣಿಕರಿಗೆ ಹೇಳುತ್ತಿರುತ್ತಾರೆ. ಕೆಲವೊಮ್ಮೆ ಈ ವಿಚಾರಗಳಿಗೆ ಬಸ್ಸಿನಲ್ಲಿ ಜಗಳವಾಗಿವೆ. ಇದೀಗ ಇದೇ ರೀತಿಯ ಘಟನೆಯೊಂದು ಬೆಂಗಳೂರಿನ ಮಾರತ್​ಹಳ್ಳಿಯಲ್ಲಿ ನಡೆದಿದ್ದು, ನಿರ್ವಾಹಕರು ಪ್ರಯಾಣಿಕರ ಮೇಲೆ ಹಲ್ಲೆ ಮಾಡಿರುವ ಘಟನೆ ಬೆಳಕಿಗೆ ಬಂದಿದೆ.

ಹಲ್ಲೆಗೊಳಗಾದ ವ್ಯಕ್ತಿ ಹೆಸರು ಅಭಿನವ್​ ರಾಜ್​ ಎಂದು ತಿಳಿದು ಬಂದಿದ್ದು, ಘಟನೆಯ ವಿಡಿಯೋವನ್ನು ರೆಕಾರ್ಡ್ ಮಾಡಿದ್ದಾರೆ. ಮಾರತ್​ಹಳ್ಳಿಯಲ್ಲಿರುವ ರೈನ್​ಬೋ ಆಸ್ಪತ್ರೆ ಬಳಿ ಘಟನೆ ನಡೆದಿರುವುದಾಗಿ ತಿಳಿಸಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಘಟನೆ ಮಂಗಳವಾರ (ಆಗಸ್ಟ್​ 06) ರಾತ್ರಿ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.

ಇದನ್ನೂ ಓದಿ: ಬಾಂಗ್ಲಾ ನಂತರ ಭಾರತದಲ್ಲೂ ಜನರು ಪ್ರಧಾನಿ ವಿರುದ್ಧ ದಂಗೆ ಏಳುತ್ತಾರೆ: ಕಾಂಗ್ರೆಸ್​ ನಾಯಕ ಸಜ್ಜನ್​ ಸಿಂಗ್​

ನಾನು ಬಿಎಂಟಿಸಿ ಬಸ್ಸಿನಲ್ಲಿ ಪ್ರಯಾಣಿಸುವಾಗ ಕಂಡಕ್ಟರ್​ ನನಗೆ 15 ರೂ. ಟಿಕೆಟ್​ ನೀಡಿದರು. ನಾನು ಕಂಡಕ್ಟರ್​ಗೆ 20 ರೂ. ಮುಖಬೆಲೆಯ ನೋಟನ್ನು ನೀಡಿದೆ. ಅವರು ಚೇಂಜ್​ ಇಲ್ಲ ಎಂದು ಹೇಳಿದರು. ನಾನು ಅವರ ಜೇಬಿನಲ್ಲಿ ಚಿಲ್ಲರೆ ಇರುವುದನ್ನು ಗಮನಿಸಿದೆ. ಈ ಬಗ್ಗೆ ಪ್ರಶ್ನಿಸಿದಾಗ ಅವರು ನನ್ನ ಮೇಲೆ ಹಲ್ಲೆ ಮಾಡಿದರು. ಈ ಬಗ್ಗೆ ನಾನು ಬಿಎಂಟಿಸಿಗೆ ದೂರು ನೀಡುತ್ತೇನೆ ಎಂದು ಹೇಳಿದರೂ ನನ್ನ ಮೇಲೆ ಹಲ್ಲೆ ಮಾಡಿದ್ದಾರೆ.

ಮಾರತ್​ಹಳ್ಳಿಯಲ್ಲಿರುವ ರೈನ್​ಬೋ ಆಸ್ಪತ್ರೆ ಬಳಿ ನನ್ನ ಮೇಲೆ ಬಿಎಂಟಿಸಿ ಬಸ್​ನಲ್ಲಿ ಹಲ್ಲೆ ಮಾಡಲಾಗಿದೆ. ನನಗೆ ಚೇಂಜ್​ ನೀಡಲು ಮತ್ತು ಯುಪಿಐ ಮೂಲಕ ಪೇಮೆಂಟ್​ ಪಡೆಯಲು ನಿರಾಕರಿಸಿದ ನಂತರ ಬಸ್ಸಿನ ನಿರ್ವಾಹಕರು ನನಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಹಲ್ಲೆ ಮಾಡಿದರು. ಇದಲ್ಲದೆ ನನಗೆ ಕನ್ನಡದಲ್ಲಿ ಮಾತನಾಡುವಂತೆ ಆತ ಹೇಳಿದ ಎಂದು ವ್ಯಕ್ತಿ ವಿಡಿಯೋದಲ್ಲಿ ಪೋಸ್ಟ್​ ಮಾಡಿರುವುದನ್ನು ನೋಡಬಹುದಾಗಿದೆ. ಹಲ್ಲೆ ಸಂಬಂಧ ಧೂರು ದಾಖಲಾಗಿದ್ದು ಪೊಲೀಸರು ಹಾಗು ಬಿಎಂಟಿಸಿ ಯಾವ ರೀತಿಯ ಕ್ರಮ ಕ್ರಮ ಕೈಗೊಳ್ಳಲಿದೆ ಎಂದು ಕಾದು ನೋಡಬೇಕಿದೆ.

https://www.vijayavani.net/vinesh-phogat-row-in-parliament-opposition-demands-discussion-walks-out

https://www.vijayavani.net/vinesh-phogat-should-take-the-blame-for-getting-disqualified-says-saina-nehwal-she-is-not-playing-her-first-olympics