ಆತ ಅನ್​ಫಿಟ್​... Rohit Sharma ವಿರುದ್ಧ ವಾಗ್ದಾಳಿ ನಡೆಸಿದ ಲೆಜೆಂಡರಿ ಆಟಗಾರ

ನವದೆಹಲಿ: ಪ್ರಸ್ತುತ ನಡೆಯುತ್ತಿರುವ ಬಾರ್ಡರ್​-ಗವಾಸ್ಕರ್​ ಟ್ರೋಫಿ ಟೆಸ್ಟ್​ ಸರಣಿಯಲ್ಲಿ ಭಾರತ ತಂಡವು 1-1 ಸಮಬಲ ಸಾಧಿಸಿದ್ದು, ಮುಂಬರುವ ಎರಡು ಪಂದ್ಯಗಳಲ್ಲಿ ಗೆದ್ದರೆ ಮಾತ್ರ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ಗೆ ಹಾದಿ ಸುಗಮವಾಗಲಿದೆ. ಇನ್ನೂ ಟೀಮ್​ ಇಂಡಿಯಾವನ್ನು ಯಶಸ್ವಿಯಾಗಿ ಮುನ್ನಡೆಸಿದ ಸಾಲಿನಲ್ಲಿ ರೋಹಿತ್​ ಶರ್ಮ (Rohit Sharma) ಸ್ಥಾನ ಪಡೆದಿದ್ದು, ಇವರ ಕ್ಯಾಪ್ಟನ್ಸಿಯಲ್ಲಿ ತಂಡವು ಉತ್ತಮ ಪ್ರದರ್ಶನ ನೀಡಿದೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಹಿಟ್​ಮ್ಯಾನ್​ ಫಿಟ್ನೆಸ್​ ಸಮಸ್ಯೆಯಿಂದ ಬಳಲುತ್ತಿದ್ದು, ಫಾರ್ಮ್​ ಕಂಡುಕೊಳ್ಳಲು ಪರದಾಡುತ್ತಿದ್ದಾರೆ. ಇದಕ್ಕೆ ಉತ್ತಮ ನಿದರ್ಶನ ಎಂದರೆ ಪ್ರಸ್ತುತ ಹಾೂಗೂ ಈ ಹಿಂದಿನ ​ ಸರಣಿ ಎಂದರೆ ತಪ್ಪಾಗಲಾರದು.

ಫಾರ್ಮ್​ ಕಂಡುಕೊಳ್ಳಲು ರೋಹಿತ್​ (Rohit Sharma) ಪರದಾಡುತ್ತಿರುವ ನಡುವೆಯೇ ದಕ್ಷಿಣ ಆಫ್ರಿಕಾ ಕ್ರಿಕೆಟ್​ ತಂಡದ ಮಾಜಿ ಆಟಗಾರ ಹರ್ಷಲ್​ ಗಿಬ್ಸ್​ ಹಿಟ್​ಮ್ಯಾನ್​ರನ್ನು ಅನ್​ಫಿಟ್​ ಎಂದು ಕರೆದಿದ್ದು, ಭಾರತೀಯ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದೆ. ಖಾಸಗಿ ಸುದ್ದಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಹರ್ಷಲ್​ ಗಿಬ್ಸ್​ (Herschelle Gibbs) ಈ ರೀತಿ ಮಾತನಾಡಿದ್ದಾರೆ.

ನಾನೂ ಕೆಲವೊಂದು ವಿಚಾರವಾಗಿ ಯಾರ ಹೆಸರನ್ನು ಉಲ್ಲೇಖಿಸುವ ಅಗತ್ಯವಿಲ್ಲ ಎಂದು ಭಾವಿಸುತ್ತೇನೆ. ಟಿವಿಯಲ್ಲಿ ಎಲ್ಲವನ್ನೂ ನೀವು ನೋಡಬಹುದಾಗಿದೆ. ಅನರ್ಹರು ಹಾಗೂ ಹೆಚ್ಚು ತೂಕವನ್ನು ಹೊಂದಿರುವವರನ್ನು ನೋಡಲು ಇಡೀ ಜಗತ್ತು ಇರುತ್ತದೆ. ಈ ವಿಚಾರ ಅವರಿಗೆ ಬಿಟ್ಟಿದ್ದು, ರೋಹಿತ್​ ಬೌಲ್​ ಮಾಡುವುದಿಲ್ಲ ಎಂದು ಭಾವಿಸುತ್ತೇನೆ. ನೀವು ಬೌಲರ್ ಅಥವಾ ಬ್ಯಾಟರ್ ಆಗಿದ್ದರೆ, ಫಿಟ್​ ಆಗಿ ತಂಡಕ್ಕೆ ನಿಮ್ಮ ಉಪಯುಕ್ತ ಕೊಡುಗೆಯನ್ನು ನೀಡುವುದು ನಿಮ್ಮ ಕರ್ತವ್ಯ. 

ಇವರೆಲ್ಲರೂ ಅನ್​ಫಿಟ್​ ಎಂದು ನಾನು ಭಾವಿಸುತ್ತೇನೆ. ಚಾಂಪಿಯನ್ಸ್​ ಟ್ರೋಫಿ ಹತ್ತಿರದಲ್ಲಿದ್ದು, ನೀವು ಬದಲಾಗುವ ಮೂಲಕ ತಂಡಕ್ಕೆ ಏನು ಕೊಡುಗೆ ಕೊಡುತ್ತೀರಿ ಎಂಬುದು ಬಹಳ ಮುಖ್ಯವಾಗಿದೆ ಎಂದು ದಕ್ಷಿಣ ಆಫ್ರಿಕಾ ಕ್ರಿಕೆಟ್​ ತಂಡದ ಮಾಜಿ ಆಟಗಾರ ಹರ್ಷಲ್​ ಗಿಬ್ಸ್ ​(Herschelle Gibbs) ಹಿಟ್​ಮ್ಯಾನ್​ (Rohit Sharma) ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

https://www.vijayavani.net/champions-trophy-2025-tentative-match-schedule-released-india-set-to-play-pakistan-on

https://www.vijayavani.net/taxi-driver-enters-court-with-bags-filled-with-coins-worth-%e2%82%b980000-heres-why