ಏರ್ ಇಂಡಿಯಾ ವಿಮಾನದಲ್ಲಿ ಈರುಳ್ಳಿ ವಾಸನೆ: ತುರ್ತು ಭೂಸ್ಪರ್ಶ ಮಾಡಿದ ಪ್ಲೈಟ್

ನವದೆಹಲಿ: ಕೇರಾದ ಕೊಚ್ಚಿನ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಶಾರ್ಜಾಕ್ಕೆ ತೆರಳುತ್ತಿದ್ದ ಏರ್ ಇಂಡಿಯಾ ವಿಮಾನದಲ್ಲಿ ಈರುಳ್ಳಿ ವಾಸನೆಯಿಂದ ಪ್ರಯಾಣಿಕರೆಲ್ಲರೂ ಕಳವಳ ವ್ಯಕ್ತಪಡಿಸಿದರು. ಇದರಿಂದಾಗಿ ಪೈಲಟ್ ತುರ್ತು ಪರಿಸ್ಥಿತಿಯಲ್ಲಿ ವಿಮಾನವನ್ನು ಮತ್ತೆ ಕೊಚ್ಚಿಗೆ ತಂದು ಇಳಿಸಿದರು.

ಇದನ್ನೂ ಓದಿ: ತೆಂಗಿನೆಣ್ಣೆಯಿಂದ ಅಡುಗೆ ಮಾಡುವುದು ನಾಲಿಗೆಗೂ ರುಚಿ ಆರೋಗ್ಯಕ್ಕೂ ಒಳ್ಳೆಯದು

ಈರುಳ್ಳಿ ವಾಸನೆಯಿಂದ ಪ್ರಯಾಣಿಕರು ಪರದಾಡಿದ್ದು ಏಕೆ ಎಂಬ ಗೊಂದಲಕ್ಕೆ ತೆರೆ ಬಿದ್ದಿದೆ. ನಿಜವಾದ ವಿಷಯವೆಂದರೆ. ಆಗಸ್ಟ್ 2 (2023) ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನ ಸಂಖ್ಯೆ IX-411 ಕೊಚ್ಚಿಯಿಂದ ಶಾರ್ಜಾಕ್ಕೆ 175 ಪ್ರಯಾಣಿಕರೊಂದಿಗೆ ಹೊರಟಿತು. ಈ ವೇಳೆ ಕೆಲವು ಪ್ರಯಾಣಿಕರು ವಿಮಾನದಿಂದ ತೀವ್ರ ವಾಸನೆ ಬರುತ್ತಿರುವುದನ್ನು ವಿಮಾನ ಸಿಬ್ಬಂದಿಯ ಗಮನಕ್ಕೆ ತಂದಿದ್ದಾರೆ. ವಾಸನೆ ಎಲ್ಲಿಂದ ಬರುತ್ತಿದೆ ಎಂದು ಸಿಬ್ಬಂದಿ ಪರಿಶೀಲಿಸಿದರು. ಆದರೆ ಗೊತ್ತಿರಲಿಲ್ಲ. ಆದರೆ ತೀವ್ರ ವಾಸನೆ ಬರುತ್ತಿದೆ. ಇದರಿಂದ ವಿಮಾನ ಸಿಬ್ಬಂದಿ ಹಾಗೂ ಪ್ರಯಾಣಿಕರಲ್ಲಿ ಗೊಂದಲ ಉಂಟಾಗುವುದರ ಜತೆ ಕೊಂಚ ಭಯವೂ ಕಾಡಿತ್ತು.

ಇದನ್ನೂ ಓದಿ: ನಿಮಗಿದು ಗೊತ್ತಾ? ಚಿನ್ನಾಭರಣದಿಂದ ಸೌಂದರ್ಯವಷ್ಟೇ ಅಲ್ಲ ಆರೋಗ್ಯಕ್ಕೂ ಪ್ರಯೋಜನಗಳಿವೆ.. 

ಕೆಲವು ಪ್ರಯಾಣಿಕರು ಸುಟ್ಟ ವಾಸನೆಯಿಂದ ಗಾಬರಿಗೊಂಡರು. ಇದರಿಂದಾಗಿ ಪೈಲಟ್ ವಿಮಾನವನ್ನು ಹಿಂದಕ್ಕೆ ತಿರುಗಿಸಿ ಕೊಚ್ಚಿನ್‌ಗೆ ಮರಳಿದರು. ಯಾರೂ ಆತಂಕ ಪಡಬೇಡಿ ಎಂದು ವಿಮಾನ ಸಿಬ್ಬಂದಿ ಸೂಚಿಸಿದರೂ ಅವರ ಭಯ ಮಾತ್ರ ಕಡಿಮೆಯಾಗಿಲ್ಲ.

ಇದನ್ನೂ ಓದಿ:  Friendship Day Gifts; ಬಂಧಗಳನ್ನು ಬಲಪಡಿಸಲು ಉಡುಗೊರೆಗಳನ್ನು ನೀಡಬೇಕು...

ಈ ನಡುವೆ ಕೊಚ್ಚಿನ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನ ವಾಪಸ್ ಬಂದ ಮೇಲೆ ಎಲ್ಲರೂ ಉಸಿರು ಬಿಗಿ ಹಿಡಿದಿದ್ದರು. ವಾಸನೆ ಎಲ್ಲಿಂದ ಬರುತ್ತಿದೆ ಎಂಬುದರ ಕುರಿತು ಎಲ್ಲವನ್ನೂ ಪರಿಶೀಲಿಸಿದರು. ಇಂಜಿನಿಯರಿಂಗ್ ತಂಡ ವಿಮಾನದಲ್ಲಿ ಕೂಲಂಕುಷವಾಗಿ ತಪಾಸಣೆ ನಡೆಸಿದಾಗ ವಿಮಾನದ ಕಾರ್ಗೋ ಕಂಟೈನರ್‌ನಲ್ಲಿ ಈರುಳ್ಳಿ ಮತ್ತು ತರಕಾರಿಗಳ ಬಾಕ್ಸ್‌ನಿಂದ ವಾಸನೆ ಬರುತ್ತಿರುವುದು ಪತ್ತೆಯಾಗಿದೆ.

ಇದನ್ನೂ ಓದಿ: ಅಯ್ಯೋ…2 ನಿಮಿಷ ಹಿಂದಿಯಲ್ಲಿ ಮಾತನಾಡಿ ಕೆಲಸ ಕಳೆದುಕೊಂಡ ಟೆಕ್ಕಿ!

ಈ ಘಟನೆಯಿಂದ ಪ್ರಯಾಣಿಕರಿಗೆ ಉಂಟಾದ ಅನಾನುಕೂಲತೆಗಾಗಿ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಷಾದ ವ್ಯಕ್ತಪಡಿಸಿದೆ. ಮುಂಜಾನೆ 5.14ಕ್ಕೆ ಹೊರಡುವ ಮತ್ತೊಂದು ವಿಮಾನದಲ್ಲಿ ಅತಿಥಿಗಳಿಗೆ ವಿಮಾನ ವ್ಯವಸ್ಥೆ ಮಾಡಿದೆ.

https://www.vijayavani.net/do-you-know-the-price-of-the-watch-worn-by-the-megastar-at-baby-movie-success-meet