Sleep Crisis : ಭಾರತೀಯರು ಸರಿಯಾಗಿ ನಿದ್ರೆ ಮಾಡುತ್ತಿಲ್ಲ ಎಂಬ ಆಘಾತಕಾರಿ ಸಂಗತಿ ಇತ್ತೀಚೆಗೆ ನಡೆದ ಅಧ್ಯಯನವೊಂದರಿಂದ ತಿಳಿದುಬಂದಿದೆ.
ಜಾಗತಿಕ ನಿದ್ರಾ ಸಮೀಕ್ಷೆಯು ( Global Sleep Survey ) ತನ್ನ ಐದನೇ ವಾರ್ಷಿಕ ವರದಿಯನ್ನು ಬಿಡುಗಡೆ ಮಾಡಿದ್ದು, ಭಾರತೀಯರಲ್ಲಿ “ನಿದ್ರಾ ಬಿಕ್ಕಟ್ಟು” ಎದುರಾಗುತ್ತಿದೆ ಎಂಬ ಆತಂಕಕಾರಿ ವಿಚಾರವನ್ನು ಬಹಿರಂಗಪಡಿಸಿದೆ.
ಪ್ರಪಂಚದಾದ್ಯಂತ 13 ದೊಡ್ಡ ಮಾರುಕಟ್ಟೆಗಳಲ್ಲಿ 30,026 ಜನರ ಮೇಲೆ ಈ ಅಧ್ಯಯನವನ್ನು ನಡೆಸಲಾಯಿತು. ಇದರಲ್ಲಿ ತಿಳಿದುಬಂದ ಸಂಗತಿಯೇನೆಂದರೆ, ಭಾರತೀಯರು ಪ್ರತಿ ವಾರ ಮೂರು ದಿನ ನಿದ್ರೆಯನ್ನು ಕಳೆದುಕೊಳ್ಳುತ್ತಿದ್ದಾರೆ. ಅನೇಕರು ಈ ಸಮಸ್ಯೆಯೊಂದಿಗೆ ಹೋರಾಡುತ್ತಿದ್ದರೂ, ಯಾವುದೇ ವೈದ್ಯಕೀಯ ಸಹಾಯವನ್ನು ಪಡೆಯುವುದಿಲ್ಲ ಎಂಬುದು ಗಮನಾರ್ಹ. ಕೆಲವರು ನಿದ್ರಾಹೀನತೆಯಿಂದ ದಣಿದು, ಒತ್ತಡಕ್ಕೆ ಒಳಗಾಗುತ್ತಿದ್ದಾರೆ.
ಪ್ರಪಂಚದಾದ್ಯಂತ ನಾಲ್ಕು ಜನರಲ್ಲಿ ಒಬ್ಬರು (ಶೇ. 22) ನಿದ್ರಾಹೀನತೆಯಿಂದ ಬಳಲುತ್ತಿದ್ದಾರೆ ಮತ್ತು ಅವರಿಗೆ ಯಾವುದೇ ನೆರವು ಸಿಗುತ್ತಿಲ್ಲ. ಈ ನಿದ್ರಾಹೀನತೆಯು ಜನರ ಜೀವನದ ಮೇಲೆ ಗಂಭೀರವಾಗಿ ಪರಿಣಾಮ ಬೀರುತ್ತಿದೆ. ಇದು ಕೆಲಸಕ್ಕೆ ಅಡ್ಡಿಪಡಿಸುವುದಲ್ಲದೆ, ಒಟ್ಟಾರೆ ಮಾನಸಿಕ ಆರೋಗ್ಯಕ್ಕೆ ಹಾನಿ ಮಾಡುತ್ತಿದೆ. ಶೇ. 49ರಷ್ಟು ಭಾರತೀಯರು ವಾರದಲ್ಲಿ ಕನಿಷ್ಠ ಮೂರು ದಿನ ನಿದ್ರಿಸುವಲ್ಲಿ ತೊಂದರೆ ಅನುಭವಿಸುತ್ತಿದ್ದಾರೆ ಎಂದು ಸಮೀಕ್ಷೆ ಹೇಳಿದೆ.
ಪುರುಷರಿಗಿಂತ (ಶೇ. 41.92) ಮಹಿಳೆಯರೇ ನಿದ್ರಾಹೀನತೆಯನ್ನು ತಡೆಗಟ್ಟುವ ಕ್ರಮಗಳನ್ನು ತೆಗೆದುಕೊಳ್ಳುತ್ತಿರುವುದು ಹೆಚ್ಚೆಂದು ಅಧ್ಯಯನವು ಹೇಳಿದೆ. ಆಹಾರ ಮತ್ತು ವ್ಯಾಯಾಮದಷ್ಟೇ ನಿದ್ರೆಯು ದೇಹಕ್ಕೆ ಮುಖ್ಯ ಎಂದು ತಜ್ಞರು ಹೇಳುತ್ತಾರೆ. ನಿದ್ರಾಹೀನತೆಯು ಕಚೇರಿಗಳಲ್ಲಿನ ಕಾರ್ಯಕ್ಷಮತೆಯ ಮೇಲೆಯೂ ಗಂಭೀರವಾಗಿ ಪರಿಣಾಮ ಬೀರುತ್ತಿದೆ.
* ನಿದ್ರಾಹೀನತೆಯಿಂದ ಉಂಟಾಗುವ ಆಯಾಸದಿಂದಾಗಿ ಶೇ. 47 ರಷ್ಟು ಭಾರತೀಯರು ತಮ್ಮ ವೃತ್ತಿಜೀವನದಲ್ಲಿ ಒಮ್ಮೆಯಾದರೂ ಅನಾರೋಗ್ಯ ರಜೆ ತೆಗೆದುಕೊಂಡಿದ್ದಾರೆ.
* ಭಾರತೀಯ ಉದ್ಯೋಗಿಗಳಲ್ಲಿ ಶೇ. 80 ರಷ್ಟು ಜನರು ತಮ್ಮ ಬಾಸ್‌ಗಳು ನಿದ್ರೆಯ ಆರೋಗ್ಯಕ್ಕೆ ಆದ್ಯತೆ ನೀಡುತ್ತಾರೆ ಎಂದು ಹೇಳುತ್ತಾರೆ. ಇದು ವಿಶ್ವದಲ್ಲೇ ಅತಿ ಹೆಚ್ಚು. ಜಾಗತಿಕವಾಗಿ, ಶೇ. 47 ರಷ್ಟು ಜನರು ತಮ್ಮ ಬಾಸ್‌ಗಳು ನಿದ್ರೆಯ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದಿಲ್ಲ ಎಂದು ಭಾವಿಸುತ್ತಾರೆ.
* ಶೇ. 37 ರಷ್ಟು ಜನರು ರಾತ್ರಿ 9 ಗಂಟೆಯ ನಂತರ ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡುತ್ತಾರೆ. ಇದು ನೈಸರ್ಗಿಕ ನಿದ್ರೆಯ ಚಕ್ರದ ಮೇಲೆ ಪರಿಣಾಮ ಬೀರುತ್ತದೆ.
* ಪುರುಷರಿಗೆ ಹೋಲಿಸಿದರೆ ಮಹಿಳೆಯರು ಕಳಪೆ ಗುಣಮಟ್ಟದ ನಿದ್ರೆಯನ್ನು ಅನುಭವಿಸುತ್ತಾರೆ.
* ಪುರುಷರಿಗೆ ಹೋಲಿಸಿದರೆ ಮಹಿಳೆಯರು ವಾರಕ್ಕೆ ಕಡಿಮೆ ರಾತ್ರಿ ಚೆನ್ನಾಗಿ ನಿದ್ರೆ ಮಾಡುತ್ತಾರೆ.
* ನಿದ್ರೆಯು ಮಹಿಳೆಯರ ಋತುಚಕ್ರದ ಮೇಲೆ ಆಳವಾದ ಪರಿಣಾಮ ಬೀರುತ್ತದೆ ಎಂದು ಸಮೀಕ್ಷೆಯು ಕಂಡುಹಿಡಿದಿದೆ.
* ಭಾರತದಲ್ಲಿ ಪುರುಷರಿಗಿಂತ (ಶೇ. 12) ಮಹಿಳೆಯರು ನಿದ್ರಾಹೀನತೆಯಿಂದ ಅನಾರೋಗ್ಯ ರಜೆ ತೆಗೆದುಕೊಳ್ಳುವ ಸಾಧ್ಯತೆ ಹೆಚ್ಚು.
ಅಮೆರಿಕ (5,000), ಚೀನಾ (5,000), ಭಾರತ (5,000), ಯುನೈಟೆಡ್ ಕಿಂಗ್‌ಡಮ್ (2,000), ಜರ್ಮನಿ (2,004), ಫ್ರಾನ್ಸ್ (2,001), ಆಸ್ಟ್ರೇಲಿಯಾ (1,501), ಜಪಾನ್ (1,500), ಕೊರಿಯಾ (1,500), ಥೈಲ್ಯಾಂಡ್ (1,519), ನ್ಯೂಜಿಲೆಂಡ್ (1,000), ಸಿಂಗಾಪುರ (1,000), ಮತ್ತು ಹಾಂಗ್ ಕಾಂಗ್ (1,001) ದೇಶಗಳಲ್ಲಿ 30,026 ಜನರ ಮೇಲೆ ನಿದ್ರಾ ಬಿಕ್ಕಟ್ಟಿನ ಸಮೀಕ್ಷೆಯನ್ನು ನಡೆಸಲಾಯಿತು. (ಏಜೆನ್ಸೀಸ್)
ಯಾವುದೇ ಕಾರಣಕ್ಕೂ ಈ 4 ಮಂದಿಗೆ ಮಾತ್ರ ಸಾಲ ನೀಡಬೇಡಿ… ಹಣ ಕೊಟ್ರೆ ಮತ್ತೆ ಖಂಡಿತ ಸಿಗಲ್ಲ! Loan