Loan : ಪ್ರತಿಯೊಬ್ಬರ ಜೀವನದಲ್ಲೂ ಒಂದಲ್ಲ ಒಂದು ಕ್ಷಣ ಕಷ್ಟಗಳು ಬರುವುದು ಸಹಜ. ಅದರಲ್ಲೂ ಬಹುತೇಕ ಮಂದಿಗೆ ಹಣಕಾಸಿನ ತೊಂದರೆ ಎದುರಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಹೆಚ್ಚಿನ ಜನರು ಸಾಲದ ಮೊರೆ ಹೋಗುತ್ತಾರೆ. ಕೆಲವರು ಪಡೆದ ಸಾಲವನ್ನು ಸರಿಯಾದ ಸಮಯಕ್ಕೆ ಹಿಂತಿರುಗಿಸುತ್ತಾರೆ. ಆದರೆ, ಕೆಲವರು ಹಣ ಕೊಡದೇ ಆಟವಾಡಿಸುತ್ತಾರೆ. ಹಣ ಕೊಟ್ಟು ಅದನ್ನು ಹಿಂಪಡೆಯಲಾಗದೇ ಕೊನೆಗೆ ಆತ್ಮಹತ್ಯೆ ಮಾಡಿಕೊಂಡ ಉದಾಹರಣೆಗಳು ಕೂಡ ನಮ್ಮ ಕಣ್ಣು ಮುಂದೆ ಇವೆ.
ಬಡ್ಡಿ ಹಣ ಸಿಗುತ್ತದೆ ಎಂಬ ಆಸೆಗೆ ಬಿದ್ದು ಸಾಲವನ್ನು ನೀಡುತ್ತಾರೆ. ಆದರೆ, ಮರಳಿ ಪಡೆಯುವಷ್ಟರಲ್ಲಿ ಜೀವನ ಸಾಕಾಗಿ ಹೋಗುತ್ತದೆ. ಆದ್ದರಿಂದ, ನೀವು ಯಾವುದೇ ಪರಿಸ್ಥಿತಿಯಲ್ಲಿ ನಿಮ್ಮ ಹಣವನ್ನು ಸಾಲವಾಗಿ ನೀಡುತ್ತಿದ್ದರೆ, ಕೆಲವು ವ್ಯಕ್ತಿಗಳಿಗಂತೂ ಸಾಲವನ್ನು ನೀಡಲೇಬಾರದು. ಕೊಟ್ಟವನು ಕೋಡಂಗಿ ಇಸ್ಕೊಂಡೋನು ವೀರಭದ್ರ ಎಂಬ ಗಾದೆ ಮಾತು ನಿಮಗೆ ನೆನಪಿರಲಿ. ಹಾಗಾಗಿ, ಸಾಲವನ್ನು ನೀಡುವಾಗ ನೀವು ಈ ವಿಷಯಗಳನ್ನು ಖಂಡಿತವಾಗಿ ತಿಳಿದಿರಬೇಕು.
ಬೇಜವಾಬ್ದಾರಿಯಿಂದ ವರ್ತಿಸುವವರಿಗೆ ಹಣವನ್ನು ಸರಿಯಾಗಿ ಬಳಸುವುದು ಹೇಗೆ ಎಂದು ತಿಳಿದಿರುವುದಿಲ್ಲ ಮತ್ತು ಜವಾಬ್ದಾರಿಯಿಲ್ಲದವರು ಹಣವನ್ನು ವ್ಯರ್ಥ ಮಾಡುತ್ತಾರೆ ಎಂಬುದನ್ನು ನೆನಪಿನಲ್ಲಿಡಬೇಕು. ಅಂತಹ ಜನರಿಗೆ ಯಾವುದೇ ಕಾರಣಕ್ಕೂ ಹಣವನ್ನು ಸಾಲವಾಗಿ ನೀಡಬೇಡಿ. ನೀಡಿದರೆ ಆ ಹಣ ಮರಳಿ ಬರುವುದಿಲ್ಲ.
ತಮಗೆ ಸಂಪೂರ್ಣವಾಗಿ ಪರಿಚಯವಿಲ್ಲದಿದ್ದರೂ ಅಥವಾ ಆ ವ್ಯಕ್ತಿಯ ಬಗ್ಗೆ ತಿಳಿದಿಲ್ಲದಿದ್ದರೂ ಸಹ ನಾಚಿಕೆಯನ್ನು ಬಿಟ್ಟು ಸಾಲವನ್ನು ಕೇಳುತ್ತಾರೆ. ಅಂತಹ ಸಂದರ್ಭಗಳಲ್ಲಿ, ಯಾವುದೇ ಕಾರಣಕ್ಕೂ ನೀವು ಹಣವನ್ನು ಸಾಲವಾಗಿ ನೀಡಬಾರದು. ಏಕೆಂದರೆ ಅಂತಹ ಜನರಿಗೆ ಹಣವನ್ನು ನೀಡುವುದರಿಂದ ನಿಮಗೆ ಆ ಹಣ ಹಿಂತಿರುಗುವುದಿಲ್ಲ. ಇದಲ್ಲದೆ, ನಿಮ್ಮ ಎಲ್ಲ ಶ್ರಮ ಕೂಡ ವ್ಯರ್ಥವಾಗುತ್ತದೆ.
ಕೆಲ ಜನರು ಅನೇಕ ತಪ್ಪುಗಳನ್ನು ಮಾಡುತ್ತಿರುತ್ತಾರೆ. ಅವುಗಳಲ್ಲಿ ಆನ್ಲೈನ್ ಜೂಜಾಟ ಕೂಡ ಒಂದು. ಇವರು ಹಣಕ್ಕಾಗಿ ಪರಿತಪಿಸುತ್ತಾರೆ. ಅಲ್ಲದೆ, ಸಿಕ್ಕ ಸಿಕ್ಕವರ ಬಳಿ ಸಾಲ ಕೇಳುತ್ತಿರುತ್ತಾರೆ. ಸಾಲಕ್ಕಾಗಿ ಏನೇನೋ ಸುಳ್ಳು ಹೇಳುತ್ತಾರೆ. ಅಂತಹ ಸಮಯದಲ್ಲಿ ಅವರಿಗೆ ಹಣವನ್ನು ನೀಡುವುದರಿಂದ ಯಾವುದೇ ಪ್ರಯೋಜನವಿಲ್ಲ, ಏಕೆಂದರೆ ಅವರು ಅನಗತ್ಯ ಖರ್ಚುಗಳನ್ನು ಮಾಡುವ ಮೂಲಕ ಆ ಹಣವನ್ನು ವ್ಯರ್ಥ ಮಾಡುತ್ತಾರೆ. ಇವರು ಕೊಟ್ಟ ಹಣವನ್ನು ಮರಳಿಸುವುದೇ ಇಲ್ಲ.
ಮಾದಕ ದ್ರವ್ಯಗಳು ಮತ್ತು ಇತರ ವಸ್ತುಗಳಿಗೆ ವ್ಯಸನಿಯಾಗಿರುವವರಿಗೆ ಹಣವನ್ನು ನೀಡಲೇಬಾರದು. ಏಕೆಂದರೆ ಅವರಿಗೆ ನೀಡಿದ ಹಣವನ್ನು ಎಂದಿಗೂ ಹಿಂತಿರುಗಿಸಲಾಗುವುದಿಲ್ಲ ಮತ್ತು ಅವರಿಗೆ ಹಣದ ಮೌಲ್ಯವೂ ಅವರಿಗೆ ತಿಳಿದಿರುವುದಿಲ್ಲ. ಆದ್ದರಿಂದ, ಸಾಲ ನೀಡದಿರುವುದು ಉತ್ತಮ.
ವಿಶೇಷ ಸೂಚನೆ: ಮೇಲಿನ ಮಾಹಿತಿ ಸಾಮಾನ್ಯ ಸಾರ್ವಜನಿಕ ಮಾಹಿತಿಯನ್ನು ಆಧರಿಸಿದೆ. ವಿಜಯವಾಣಿ.ನೆಟ್ ಅದರ ಸತ್ಯಾಸತ್ಯತೆಯನ್ನು ದೃಢೀಕರಿಸುವುದಿಲ್ಲ. ಯಾವುದೇ ಕ್ರಮಗಳನ್ನು ಅಳವಡಿಸಿಕೊಳ್ಳುವ ಮೊದಲು, ಸಂಬಂಧಿತ ಕ್ಷೇತ್ರದ ತಜ್ಞರನ್ನು ಸಂಪರ್ಕಿಸಿ.
ಐಷಾರಾಮಿ ಹೋಟೆಲ್‌ನಲ್ಲಿ 3 ಯುವತಿಯರ ನಿಗೂಢ ಸಾವು: ರೂಮಿನ ಬಾಗಿಲು ತೆರೆದವರಿಗೆ ಕಾದಿತ್ತು ಶಾಕ್! American Women
ಸರ್ಕಾರದ ಮೆಸೇಜಿಂಗ್ ಸಿಸ್ಟಮ್ನಲ್ಲಿ ಅಶ್ಲೀಲ ಚಾಟ್‌ ಮಾಡುತ್ತಿದ್ದ 100ಕ್ಕೂ ಅಧಿಕ ನೌಕರರು ವಜಾ! Donald Trump