ಕಾಲಿನ ಮೇಲೆ ಕಾಲು ಹಾಕಿ ಕೂರುತ್ತೀರಾ? ಇಷ್ಟೆಲ್ಲ ಅಪಾಯಗಳಿವೆ ಎಚ್ಚರ! ಇಲ್ಲಿದೆ ಉಪಯುಕ್ತ ಮಾಹಿತಿ... Sitting Crossed Legs

Sitting Crossed Legs : ನೀವು ನಟ ಅಲ್ಲು ಅರ್ಜುನ್ ನಟನೆಯ ಪುಪ್ಟ ಸಿನಿಮಾ ನೋಡಿದ್ದರೆ ಈ ದೃಶ್ಯ ಖಂಡಿತ ನಿಮ್ಮ ನೆನಪಿಗೆ ಬಂದೇ ಬರುತ್ತದೆ. ಈ ಕಾಲು ನನ್ನದು, ಆ ಕಾಲೂ ನನ್ನದೇ ಎಂದು ಡೈಲಾಗ್ ಹೇಳುತ್ತಾ ಕಾಲು ಮೇಲೆ ಕಾಲು ಹಾಕಿ ಕುರ್ಚಿಯ ಮೇಲೆ ಕುಳಿತಿರುವ ದೃಶ್ಯವನ್ನು ನೋಡಿರುತ್ತೀರಿ. ನಿಮಗೂ ಆ ರೀತಿ ಕುಳಿತುಕೊಳ್ಳುವ ಅಭ್ಯಾಸವಿದೆಯೇ? ಆದರೆ, ಆ ರೀತಿ ಕುಳಿತುಕೊಳ್ಳುವುದರಿಂದ ಕೆಲವು ಅನಾನುಕೂಲತೆಗಳಿವೆ. ಅವು ಯಾವುವು ಎಂಬುದನ್ನು ನಾವೀಗ ನೋಡೋಣ.

ಸಾಮಾನ್ಯವಾಗಿ ಬಹುತೇಕರು ಕಾಲಿನ ಮೇಲೆ ಕಾಲು ಹಾಕಿ ಕೂರುತ್ತಾರೆ. ಈ ರೀತಿ ಕುಳಿತುಕೊಳ್ಳುವುದರಿಂದ ಸೊಂಟದ ಜೋಡಣೆಯಲ್ಲಿ ವ್ಯತ್ಯಾಸಗಳನ್ನು ಉಂಟುಮಾಡಬಹುದು. ಅಂದರೆ, ಒಂದಕ್ಕಿಂತ ಒಂದು ದೊಡ್ಡದಾಗುತ್ತದೆ. ಇದಿಷ್ಟೇ ಅಲ್ಲದೆ, ಕಾಲುಗಳು, ಮೊಣಕಾಲುಗಳು, ಪಾದಗಳಂತಹ ದೇಹದ ಕೆಳಗಿನ ಭಾಗಗಳಿಗೆ ರಕ್ತದ ಹರಿವಿನಲ್ಲಿ ಅಡಚಣೆ ಉಂಟಾಗುತ್ತದೆ.

ಕಾಲು ಚಾಚಿ ಕುಳಿತುಕೊಳ್ಳುವುದಕ್ಕಿಂತ ಕಾಲಿನ ಮೇಲೆ ಕಾಲು ಹಾಕಿ ಕುಳಿತುಕೊಳ್ಳುವುದು ಹೆಚ್ಚು ಅಪಾಯಕಾರಿ ಎಂದು ಅನೇಕ ಅಧ್ಯಯನಗಳು ಹೇಳಿವೆ. ಹೀಗೆ ಕುಳಿತುಕೊಳ್ಳುವುದರಿಂದ ರಕ್ತನಾಳಗಳಲ್ಲಿ ರಕ್ತದ ಹರಿವು ಕಡಿಮೆಯಾಗುತ್ತದೆ ಮತ್ತು ರಕ್ತದೊತ್ತಡ ಹೆಚ್ಚಾಗುತ್ತದೆ. ದೀರ್ಘಕಾಲದವರೆಗೆ ಅಡ್ಡ ಕಾಲಿನಲ್ಲಿ ಕುಳಿತುಕೊಳ್ಳುವುದು ಸ್ನಾಯುವಿನ ಉದ್ದ ಮತ್ತು ಪೆಲ್ವಿಕ್​ ಮೂಳೆಗಳ ಜೋಡಣೆಯಲ್ಲಿ ದೀರ್ಘಕಾಲೀನ ಬದಲಾವಣೆಗಳಿಗೆ ಕಾರಣವಾಗಬಹುದು.

ಇದನ್ನೂ ಓದಿ: ಅಮರನ್ ಚಿತ್ರದ ಯೋಧನ ಗೆಟಪ್​ನಲ್ಲಿ ಮನೆಗೆ ಸರ್ಪ್ರೈಸ್​ ಭೇಟಿ ಕೊಟ್ಟ ಶಿವಕಾರ್ತಿಕೇಯನ್​! ಪತ್ನಿಯ ಪ್ರತಿಕ್ರಿಯೆ ವೈರಲ್ | Amaran

ಇದು ಕುತ್ತಿಗೆಯ ಮೇಲೂ ಪರಿಣಾಮ ಬೀರುತ್ತದೆ. ಕಿಬ್ಬೊಟ್ಟೆಯ ಸ್ನಾಯುಗಳು ಮತ್ತು ಕೆಳ ಬೆನ್ನಿನಲ್ಲಿಯೂ ಬದಲಾವಣೆಗಳು ಆಗಬಹುದು. ಒಂದೆಡೆ, ಪೃಷ್ಠದ ಮತ್ತು ಸ್ನಾಯುಗಳ ಮೇಲೆ ದೀರ್ಘಕಾಲದ ಹೊರೆಯಿಂದಾಗಿ, ಹೊಟ್ಟೆಯು ಸಹ ಅದರ ಹೊಂದಾಣಿಕೆಯ ಗುಣಗಳನ್ನು ಕಳೆದುಕೊಳ್ಳುತ್ತದೆ ಮತ್ತು ದುರ್ಬಲವಾಗುತ್ತದೆ. ಇದರಿಂದ ದೇಹದ ಭಾಗಗಳು ಅಸಹಜವಾಗಿ ರೂಪುಗೊಳ್ಳುವ ಅಪಾಯವಿದೆ.

ಅಡ್ಡ ಕಾಲುಗಳು ಫೈಬ್ಯುಲರ್ ನರಗಳು ಎಂದು ಕರೆಯಲ್ಪಡುವ ಪೆರೋನಿಯಲ್ ನರಗಳನ್ನು ಹಾನಿಗೊಳಿಸಬಹುದು. ಈ ಕಾಯಿಲೆಯ ಪೀಡಿತ ವ್ಯಕ್ತಿಯು ತನ್ನ ಕಾಲ್ಬೆರಳುಗಳನ್ನು ಚಲಿಸಲು ಸಾಧ್ಯವಾಗುವುದಿಲ್ಲ. ಆದರೆ ಅದು ಅಲ್ಪಾವಧಿಯದ್ದಾಗಿರುತ್ತದೆ. ಕೆಲವು ನಿಮಿಷಗಳ ನಂತರ ಅದು ಸಾಮಾನ್ಯ ಸ್ಥಿತಿಗೆ ಮರಳುತ್ತದೆ. ಅಡ್ಡ ಕಾಲಿನ ಕುಳಿತುಕೊಳ್ಳುವಿಕೆಯು ಫಲವತ್ತತೆಯ ಮೇಲೆಯೂ ಪರಿಣಾಮ ಬೀರುತ್ತದೆ.

ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಲ್ಲಿ ದೊರೆತ ಮಾಹಿತಿ ಆಧಾರದ ಮೇಲೆ ಸಂಗ್ರಹಿಸಲಾಗಿದ್ದು, ಇದು ಕೇವಲ ಜಾಗೃತಿಗಾಗಿ ಮಾತ್ರ. ಇದನ್ನು ವಿಜಯವಾಣಿ.ನೆಟ್​ ದೃಢೀಕರಿಸುವುದಿಲ್ಲ. ಇದನ್ನು ಅನುಸರಿಸುವ ಮೊದಲು ವೈದ್ಯರ ಸಲಹೆಯನ್ನು ತೆಗೆದುಕೊಳ್ಳುವುದು ಯಾವಾಗಲೂ ಉತ್ತಮ.

https://www.vijayavani.net/pakistani-tiktok-star-imsha-rehman-deactivates-accounts-after-private-video-leaks

https://www.vijayavani.net/do-not-mix-cold-water-with-hot-water-if-you-know-the-reason-how-to-drink-water