ಸಿಂಗಾಪುರ: ಕರೊನಾ ಸೋಂಕು ಹರಡುವ ಭೀತಿ ಹಿನ್ನೆಲೆಯಲ್ಲಿ ಪ್ರಯಾಣಿಕರ ಸಂಖ್ಯೆ ಕುಸಿದಿರುವ ಪರಿಣಾಮ ಸಿಂಗಾಪುರದ ಚಾಂಗಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್-2 ಕಾರ್ಯಾಚರಣೆಯನ್ನು ಮೇ.1ರಿಂದ ಸ್ಥಗಿತಗೊಳಿಸಲಾಗುವುದು ಎಂದು ಸರ್ಕಾರ ತಿಳಿಸಿದೆ.
ಮೇ.1ರಿಂದ 18 ತಿಂಗಳ ಕಾಲ ಟರ್ಮಿನಲ್-2 ಕಾರ್ಯಾಚರಣೆ ಸ್ಥಗಿತಗೊಳ್ಳಲಿದೆ ಎಂದು ಸಿಂಗಾಪುರದ ಸಾರಿಗೆ ಸಚಿವ ಖಾವ್ಬೂನ್ ವಾನ್ ತಿಳಿಸಿದ್ದಾರೆ.
ತುರ್ತು ಪರಿಸ್ಥಿತಿ ನಿಭಾಯಿಸಲು ಸದ್ಯ ಒಂದು ಟರ್ಮಿನಲ್ ಬಳಸಿಕೊಳ್ಳಲು ನಿರ್ಧರಿಸಲಾಗಿದೆ. ಕರೊನಾ ವೈರಸ್ ನಿಯಂತ್ರಣಕ್ಕೆ ಬಂದರೂ ಆರ್ಥಿಕ ಚಟುವಟಿಕೆ ಚೇತರಿಸಿಕೊಳ್ಳಲು ವರ್ಷ ಬೇಕು. ಹೀಗಾಗಿ 18 ತಿಂಗಳ ಕಾಲ ಟರ್ಮಿನಲ್ ಬಳಕೆಯನ್ನು ಸ್ಥಗಿತಗೊಳಿಸಲಾಗುವುದು.
ಟರ್ಮಿನಲ್-2 ಸ್ಥಗಿತಗೊಳಿಸಿದ ನಂತರ ಉಳಿದ ಟರ್ಮಿನಲ್ಗಳಿಗೆ ವಿಮಾನ ಹಾರಾಟವನ್ನು ಹಂಚಿಕೆ ಮಾಡಲಾಗುವುದು. ಸದ್ಯಕ್ಕೆ ಟರ್ಮಿನಲ್-3 ಬಳಸಿಕೊಳ್ಳಲು ನಿರ್ಧರಿಸಲಾಗಿದೆ ಎಂದರು. (ಏಜೆನ್ಸೀಸ್)