ಬಾಲಿವುಡ್ನ ಹೆಸರಾಂತ ನಿರ್ಮಾಪಕಿ, ನಿರ್ದೇಶಕಿ ಏಕ್ತಾ ಕಪೂರ್ ಅವರ ಮುಂದಾಳತ್ವದಲ್ಲಿ ಮೂಡಿಬರಲು ಸಜ್ಜಾಗಿರುವ ಹೈ ಕಾನ್ಸೆಪ್ಟ್ ಥ್ರಿಲ್ಲರ್ ಚಿತ್ರದಲ್ಲಿ ನಟಿಸಲು ಬರೋಬ್ಬರಿ 17 ಕೋಟಿ ರೂ. ಸಂಭಾವನೆ ಕೇಳಿದ ಶ್ರದ್ಧಾ, ಇಷ್ಟೇ ಅಲ್ಲದೇ ಚಿತ್ರ ತೆರೆಕಂಡ ಬಳಿಕ ಅದರಿಂದ ಬರುವ ಲಾಭವನ್ನು ಹಂಚಿಕೊಳ್ಳುವಂತೆ ಬೇಡಿಕೆ ಇಟ್ಟಿದ್ದರು ಎಂದು ವರದಿಗಳು ಹೇಳಿವೆ. ಈ ವಿಚಾರಕ್ಕೆ ಏಕ್ತಾ ಕಪೂರ್ ಮತ್ತು ಶ್ರದ್ಧಾ ನಡುವೆ ಒಂದಷ್ಟು ಮಾತುಕತೆ ಕೂಡ ನಡೆದಿದೆ. ಅಂತಿಮವಾಗಿ ಒಂದು ರೂಪಾಯಿ ಕಡಿಮೆಯಾದರೂ ಪ್ರಾಜೆಕ್ಟ್ ಒಪ್ಪಿಕೊಳ್ಳುವ ಮಾತಿಲ್ಲ ಎಂದ ಶ್ರದ್ಧಾ, ಕಡೆಗೂ ಏಕ್ತಾ ಅವರ ಮಹಿಳಾ ಪ್ರಧಾನ ಚಿತ್ರದಿಂದ ಹೊರನಡೆದಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
