ಪುಣೆ: ಸಾಮಾನ್ಯವಾಗಿ ಹಾವುಗಳನ್ನು ಕಂಡರೆ ಎಲ್ಲರು ಭಯಪಡುತ್ತಾರೆ. ಕೆಲವರಂತೂ ಎದ್ನೋ ಬಿದ್ನೋ ಎಂದು ಓಡಿ ಹೋಗುತ್ತಾರೆ. ಹೀಗಿರುವಾಗ ಜೀವಂತ ಹಾವು ತಿನ್ನುವ ಆಹಾರಕ್ಕೆ ಬಿದ್ದರೆ ಏನಾಗಬೇಡ ಹೇಳಿ? ಇಂಥದ್ದೊಂದು ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ವೈರಲ್ ಆಗಿದೆ.
ಸಾಂಬರ್ ಬಕೆಟ್ನಲ್ಲಿ ಹಾವು ಇರುವುದನ್ನು ಅರಿಯದ ವ್ಯಕ್ತಿಯೊಬ್ಬ ಹಾವನ್ನು ಆಹಾರದೊಂದಿಗೆ ಚೆನ್ನಾಗಿ ಬೆರೆಸಿ ಸೌಟ್ನಿಂದ ಹೊರತೆಗೆದು ತಟ್ಟೆಯಲ್ಲಿ ಬಡಿಸಿದ ದೃಶ್ಯ ವೈರಲ್ ವಿಡಿಯೋದಲ್ಲಿದೆ. ವಿಡಿಯೋ ನೋಡಿದರೆ ಹಾವು ಇರುವುದು ಸ್ಪಷ್ಟವಾಗಿ ಕಾನಿಸುತ್ತದೆ.
ಈ ಘಟನೆಯ ಸಂಪೂರ್ಣ ವಿವರಗಳನ್ನು ನೋಡುವುದಾದರೆ, ಈ ಘಟನೆ ಮಹಾರಾಷ್ಟ್ರದ ಬಾಂಡಾರಾದಲ್ಲಿ ಎರಡು ತಿಂಗಳ ಹಿಂದೆ ನಡೆದಿದ್ದು, ಈ ವಿಷಯಕ್ಕೆ ಸಂಬಂಧಿಸಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಮತ್ತೆ ವೈರಲ್ ಆಗುತ್ತಿದೆ. ಆಹಾರ ಬಡಿಸುವ ಸ್ಥಳದಲ್ಲಿ ತರಕಾರಿ ಕರಿಯಲ್ಲಿ ಮರಿ ಹಾವು ಇರುವುದು ವೈರಲ್ ವೀಡಿಯೊದಲ್ಲಿ ನೋಡಬಹುದು.
ಹಾವು ಬಿಸಿ ಸಾಂಬರ್ ಒಳಗೆ ಬಿದ್ದ ಬಳಿಕ ಸತ್ತಿದೆ ಎಂದು ಆರಂಭದಲ್ಲಿ ಅಂದುಕೊಳ್ಳುತ್ತಾರೆ. ಆದರೆ, ತುಂಬಾ ಹತ್ತಿರದಿಂದ ನೋಡಿದಾಗ ಹಾವು ಇನ್ನೂ ಬದುಕಿರುವುದು ಗೊತ್ತಾಗುತ್ತದೆ. ಸಾಂಬರ್ ಒಳಗೆ ಬಿದ್ದ ಹಾವು ನಮ್ಮ ದೇಶದ ಮೂರನೇ ಅತ್ಯಂತ ವಿಷಕಾರಿ ಹಾವು. ಈ ವಿಡಿಯೋ ನೋಡಿದ ನೆಟಿಜನ್‌ಗಳು ವಿಭಿನ್ನವಾಗಿ ಪ್ರತಿಕ್ರಿಯಿಸುತ್ತಿದ್ದಾರೆ.
ಯಾರಾದರೂ ಈ ಸಾಂಬರ್ ಸೇವಿಸಿದ್ದರೆ ಮೊದಲು ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಎಂದು ಸಲಹೆ ನೀಡಿದ್ದಾರೆ. ಇನ್ನು ಕೆಲವರು ಈ ಹಾವು ವಿಷಕಾರಿಯಲ್ಲ ಎಂದು ಕಾಮೆಂಟ್ ಮಾಡಿದ್ದಾರೆ. ಸದ್ಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. (ಏಜೆನ್ಸೀಸ್)
ಬಾಯ್ಫ್ರೆಂಡ್ಗೆ ಪದೇಪದೆ ಕಾಲ್ ಮಾಡ್ತಿದ್ದೀರಾ? ಹುಷಾರ್ ಗೊತ್ತಿಲ್ಲದೇ ವಕ್ಕರಿಸುತ್ತೇ ಈ ಮಾರಕ ಕಾಯಿಲೆ!
ರೋಹಿತ್ ನಂತ್ರ ಈತನೇ ಟೀಮ್ ಇಂಡಿಯಾ ಕ್ಯಾಪ್ಟನ್! ಯಾರೂ ಊಹಿಸದ ಹೆಸರು ಹೇಳಿದ ಭಜ್ಜಿ