Shloka Ambani: ಆಸ್ತಿ ಮಾಡುವುದಲ್ಲ.. ಬದಲಾಗಿ ಮಕ್ಕಳಿಗೆ ಇದನ್ನು ಮಾಡಬೇಕು ಎಂದ ಅಂಬಾನಿ ಹಿರಿ ಸೊಸೆ!

Shloka Ambani: ನಮ್ಮ ದೇಶದ ಶ್ರೀಮಂತ ಉದ್ಯಮಿ ಅಂಬಾನಿ ಬಗ್ಗೆ ಹೇಳುವ ಅಗತ್ಯ ಇಲ್ಲ. ಅಂಬಾನಿ ಕುಟುಂಬದ ಪ್ರತಿಯೊಬ್ಬ ಸದಸ್ಯರು ವ್ಯಾಪರಕ್ಕೆ ಸಂಬಂಧಪಟ್ಟಂತೆ ತಮ್ಮ ಜವಾಬ್ದಾರಿಯನ್ನು ನಿರ್ವಹಿಸುತ್ತಿದ್ದಾರೆ. ಆದರೆ, ಅಂಬಾನಿ ದೊಡ್ಡ ಸೊಸೆ ಶ್ಲೋಕಾ ಮೆಹ್ತಾ ಮಾತ್ರ ಎನ್​​ಜಿಓ ನಡೆಸುತ್ತಿದ್ದಾರೆ. ಅದರ ಹೆಸರೇ 'ಕನೆಕ್ಟ್​ ಫರ್​'. ಕೆನೆಕ್ಟ್​ ಫರ್​ ಎಂದರೆ ಏನು? ಎಲ್ಲಿದೆ? ಅದನ್ನ ಸ್ಥಾಪನೆ ಮಾಡಿದ್ದ್ಯಾಕೆ? ಎನ್ನೋದನ್ನ ಸಂದರ್ಶನವೊಂದರಲ್ಲಿ ಅವರೇ ಹೇಳಿದ್ದಾರೆ.

ಇದನ್ನೂ ಓದಿ:ರೇಸಿಂಗ್ ವೇಳೆ ನಟ ಅಜಿತ್ ಕುಮಾರ್​ ಕಾರು ಅಪಘಾತ; ಸತತ 3ನೇ ಬಾರಿಗೆ ತಪ್ಪಿದ ದುರಂತ| racing

ಶ್ಲೋಕಾ ಮೆಹ್ತಾ ಹೇಳಿದ್ದೇನು?

ಫ್ಯಾಷನ್​ ಇನ್​ಫ್ಲುಯನ್ಸರ್​​ ಮಾಸೂಮ್​ ಮಿನಾವಾಲಾ ಅವರು ನಡೆಸಿದ ಯುಟ್ಯೂಬ್​​ ಚಾನೆಲ್​ನಲ್ಲಿ ಮಾತನಾಡಿದ ಶ್ಲೋಕಾ, '' ಎನ್​​ಜಿಒ ಕನೆಕ್ಟ್​ ಫಾರ್​ ಬಗ್ಗೆ ಅಲ್ಲದೆ, ಅವರ ವೈಯಕ್ತಿಕ ಜೀವನ, ತಾಯಿಯ ಜವಬ್ದಾರಿ ಮತ್ತು ಮಕ್ಕಳ ಪಾಲನೆ ಜತೆಗೆ ಅವರಿಗೆ ಭವಿಷ್ಯ ನಿರ್ಮಾಣ ಮಾಡೊದೇಗೆ? ಎಂಬುದರ ಬಗ್ಗೆ ವಿವರವಾಗಿ ಹೇಳಿದ್ದಾರೆ''.

ಕೆನೆಕ್ಟ್​ ಫಾರ್​ ಎಂದರೆ ಏನು?

2015ರಲ್ಲಿ ಮನಿತಿ ಷಾ ಎಂಬುವವರ ಜತೆಗೂಡಿ ಶ್ಲೋಕಾ, ಕನೆಕ್ಟ್​ ಫಾರ್​ ಸಂಸ್ಥೆ ಸ್ಥಾಪಿಸಿದರು. ಈ ಸಂಸ್ಥೆ ಲಾಭರಹಿತವಾಗಿದ್ದು, ಕಡಿಮೆ ಇರುವ ಎನ್​​ಜಿಒಗಳಿಗೆ ಆರ್ಥಿಕ ಸಹಾಯ, ತುರ್ತುಸೇವೆ ಒದಗಿಸುವ ವೇದಿಕೆಯಾಗಿದೆ. ಅಲ್ಲದೆ, ತಂತ್ರಜ್ಞಾನದ ಮೂಲಕ ಸೇವಾ ಮನೋಭಾವವನ್ನು ಮತ್ತಷ್ಟು ವಿಸ್ತರಿಸುವ ಗುರಿಯನ್ನು ಈ ಕಾರ್ಯಕ್ರಮ ಹೊಂದಿದೆ.

ಇದನ್ನೂ ಓದಿ:‘ನಾಟು ನಾಟು’ ಗಾಯಕ ರಾಹುಲ್​​ ಸಿಪ್ಲಿಗಂಜ್​​​ಗೆ 1 ಕೋಟಿ ರೂ. ಬಹುಮಾನ ನೀಡಿದ ರೇವಂತ್ ರೆಡ್ಡಿ| Rahul Sipligunj

ಶ್ಲೋಕ ಹೇಳುವಂತೆ ಇದು ತನಗೆ ಕೇವಲ ಒಂದು ಕೆಲಸವಲ್ಲ, ಬದಲಾಗಿ ತನ್ನ ಮಕ್ಕಳಿಗೆ ರವಾನಿಸಲು ಬಯಸುವ ಅಮೂಲ್ಯವಾದ ಪರಂಪರೆಯಾಗಿದೆ. "ಒಬ್ಬ ತಾಯಿಯಾಗಿ, ನಾನು ಕಚೇರಿಗೆ ಹೋಗಬೇಕು ಮತ್ತು ನೀವು ಶಾಲೆಗೆ ಹೋಗಬೇಕು ಎಂದು ನನ್ನ ಮಕ್ಕಳಿಗೆ ಹೇಳುವುದರಲ್ಲಿ ನನಗೆ ಹೆಮ್ಮೆಯಿದೆ. ನಾವೆಲ್ಲರೂ ಬೆಳವಣಿಗೆಯ ಕಡೆಗೆ ಕೆಲಸ ಮಾಡುತ್ತಿದ್ದೇವೆ ಎಂಬ ಸಂದೇಶವನ್ನು ಅವರಿಗೆ ನೀಡಲು ನಾನು ಬಯಸುತ್ತೇನೆ" ಎಂದು ಅವರು ಹೇಳುತ್ತಾರೆ. "ನೀವು ಬದ್ಧತೆಯಿಂದ ಕೆಲಸ ಮಾಡಿದಾಗ, ನೀವು ಪ್ರಭಾವ ಬೀರುವ ಪ್ರತಿಯೊಬ್ಬರ ಜೀವನದಲ್ಲಿ ಬದಲಾವಣೆಯನ್ನು ತರಬಹುದು. ಅದು ಅತ್ಯುತ್ತಮ ಪರಂಪರೆಯಾಗಿದೆ" ಎಂದು ಅವರು ಹೇಳುತ್ತಾರೆ.

ಕುಟುಂಬ ಮತ್ತು ವೃತ್ತಿಜೀವನವನ್ನು ಸಮತೋಲನಗೊಳಿಸುವುದು...

ಎರಡು ಮಕ್ಕಳ ತಾಯಿಯಾಗಿರುವ ತನ್ನ ವೃತ್ತಿಜೀವನದತ್ತ ಗಮನಹರಿಸುವಾಗ ಪತಿ ಆಕಾಶ್ ನನಗೆ ದೊಡ್ಡ ಬೆಂಬಲವಾಗಿದ್ದಾರೆ ಎಂದು ಶ್ಲೋಕಾ ಹೇಳುತ್ತಾರೆ. "ಅವರು ನನ್ನ ಬೆಂಬಲ ಮಾತ್ರವಲ್ಲ, ನನ್ನ ಸ್ಫೂರ್ತಿಯೂ ಹೌದು" ಎಂದು ಅವರು ಹೇಳುತ್ತಾರೆ.(ಏಜೆನ್ಸೀಸ್​)

https://www.vijayavani.net/do-you-know-what-qualities-a-good-wife-should-have