'ನಾಟು ನಾಟು' ಗಾಯಕ ರಾಹುಲ್​​ ಸಿಪ್ಲಿಗಂಜ್​​​ಗೆ 1 ಕೋಟಿ ರೂ. ಬಹುಮಾನ ನೀಡಿದ ರೇವಂತ್ ರೆಡ್ಡಿ| Rahul Sipligunj

Rahul Sipligunj: ಆರ್​ಆರ್​ಆರ್​ ಚಿತ್ರದ ‘ನಾಟು ನಾಟು’ ಹಾಡಿಗೆ ಆಸ್ಕರ್ ಪ್ರಶಸ್ತಿ ಒಲಿದ ಹಿನ್ನೆಲೆ, ಈ ಹಾಡಿನ ಗಾಯಕ ರಾಹುಲ್ ಸಿಪ್ಲಿಗಂಜ್​ಗೆ ತೆಲಂಗಾಣ ಸಿಎಂ ರೇವಂತ್ ರೆಡ್ಡಿ 1 ಕೋಟಿ ರೂ. ಬಹುಮಾನ ನೀಡಿದ್ದಾರೆ.

ಭಾನುವಾರ ಹೈದರಾಬಾದ್​ನಲ್ಲಿ ನಡೆದ ಬೋನಾಲ್ ಹಬ್ಬದ ಉತ್ಸವದ ವೇಳೆ ರಾಹುಲ್ ಸಿಪ್ಲಿಗಂಜ್​ಗೆ 1 ಕೋಟಿ ರೂ. ಬಹುಮಾನದ ಚೆಕ್ ವಿತರಿಸಿದ್ದಾರೆ.

ಎಸ್​.ಎಸ್.ರಾಜಮೌಳಿ ನಿರ್ದೇಶನದ 2022ರಲ್ಲಿ ಬಿಡುಗಡೆಯಾದ ಆರ್​​ಆರ್​ಆರ್​ ಚಿತ್ರದ ನಾಟು ನಾಟು ಹಾಡು 2023ರ ಬೆಸ್ಟ್ ಒರಿಜಿನಲ್ ಸಾಂಗ್​ ವಿಭಾಗದಲ್ಲಿ ಆಸ್ಕರ್ ಪ್ರಶಸ್ತಿಯನ್ನ ಪಡೆದಿತ್ತು. ಖ್ಯಾತ ಸಂಗೀತ ಸಂಯೋಜಕ ಎಂ.ಎಂ.ಕೀರವಾಣಿಯ ನಾಟು ನಾಟು ಹಾಡನ್ನು ಸಂಯೋಜಿಸಿದ್ದರು. ಗಾಯಕ ರಾಹುಲ್ ಸಿಪ್ಲಿಗಂಜ್ ಮತ್ತು ಕಾಲಬೈರವ ಹಾಡಿಗೆ ಧ್ವನಿಯಾಗಿದ್ದರು. 

ಇದನ್ನೂ ಓದಿ:  ಕೇರಳದ ಮಾಜಿ ಮುಖ್ಯಮಂತ್ರಿ ಮತ್ತು ಹಿರಿಯ ಸಿಪಿಎಂ ನಾಯಕ ಅಚ್ಯುತಾನಂದನ್ ನಿಧನ| vs-achuthanandan

ತೆಲಂಗಾಣ ಕಾಂಗ್ರೆಸ್ ರಾಜ್ಯಾಧ್ಯಕ್ಷರಾಗಿದ್ದ ವೇಳೆ ರಾಹುಲ್ ಸಿಪ್ಲಿಗಂಜ್​ಗೆ ಅಭಿನಂದಿಸಿ ವೈಯಕ್ತಿಕವಾಗಿ 10 ಲಕ್ಷ ರೂ. ಪ್ರೋತ್ಸಾಹ ಧನ ನೀಡಿ, 2024ರ ಚುನಾವಣೆಯಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೆ ಬಂದ್ರೆ 1 ಕೋಟಿ ರೂ. ಬಹುಮಾನ ನೀಡುವುದಾಗಿ ಘೋಷಿಸಿದ್ದರು.

ಹೈದರಾಬಾದ್​ನ ಓಲ್ಡ್​ ಸಿಟಿ ಮೂಲದ ರಾಹುಲ್ ಸಿಪ್ಲಿಗಂಜ್,  2009ರಿಂದ ಸಿನಿಮಾ ರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. ಎಂ.ಎಂ.ಕೀರವಾಣಿ ಶಿಷ್ಯರಾಗಿ ಅನೇಕ ಸಿನಿಮಾಗಳ ಹಾಡಿಗೆ ಧ್ವನಿಯಾಗಿದ್ದಾರೆ. 2019ರ ತೆಲುಗು ಬಿಗ್​ಬಾಸ್ ವಿಜೇತರಾಗಿದ್ದಾರೆ.(ಏಜೆನ್ಸೀಸ್​)

https://www.vijayavani.net/mps-propose-impeachment-motion-against-justice-yashwant-verma-to-speaker-yashwant-verma