ಡಾರ್ಲಿಂಗ್ ಪ್ರಭಾಸ್ ಪ್ರೀತಿಗೆ ಧ್ವನಿಯಾದ ಶಿವಣ್ಣ? ‘ರಾಧೆ ಶ್ಯಾಮ್' ಚಿತ್ರತಂಡ ಹೇಳಿದ್ದೇನು?

ಹೈದರಾಬಾದ್: ಪ್ಯಾನ್​ ಇಂಡಿಯಾ ಸಿನಿಮಾ ‘ರಾಧೆ ಶ್ಯಾಮ್' ಬಗ್ಗೆ ಈಗಾಗಲೇ ಸಿಕ್ಕಾಪಟ್ಟೆ ಹೈಪ್ ಕ್ರಿಯೆಟ್ ಆಗಿದೆ. ಇನ್ನೇನು ಕೆಲವೇ ದಿನಗಳಲ್ಲಿ ಅಂದರೆ ಮಾರ್ಚ್ 11 ರಂದು ‘ರಾಧೆ ಶ್ಯಾಮ್' ತೆರೆಗಪ್ಪಳಿಸಲಿದೆ. ಇದರಲ್ಲಿ, ಬಹುಭಾಷಾ ನಟಿ ಪೂಜಾ ಹೆಗ್ಡೆ ಹಾಗೂ ಡಾರ್ಲಿಂಗ್ ಪ್ರಭಾಸ್ ಅಭಿನಯಿಸಿದ್ದು, ಇದೇ ಕಾರಣಕ್ಕೆ ಈ ಚಿತ್ರ ಒಂದು ಬಹುನಿರೀಕ್ಷಿತ ಸಿನಿಮಾ ಆಗದೆ. ಆದರೆ, ಇದೀಗ ಈ ಪ್ಯಾನ್​ ಇಂಡಿಯನ್ ಸಿನಿಮಾ ಮೇಲಿನ ನಿರೀಕ್ಷೆಗಳನ್ನು ಇನ್ನಷ್ಟು ಹೆಚ್ಚಿಸುವಂತಹ ಸುದ್ದಿಯೊಂದು ಕೇಳಿಬಂದಿದೆ.

ಹೌದು, ಮೂಲದಲ್ಲಿ ಇದು ಒಂದು ತೆಲುಗಿನ ಸಿನಿಮಾ ಆಗಿದ್ದು, ಬಳಿಕ ಪ್ಯಾನ್ ಇಂಡಿಯಾ ಆದ ಕಾರಣ ಈ ಚಿತ್ರತಂಡಕ್ಕೆ ಸೆಂಚುರಿ ಸ್ಟಾರ್ ನಟ ಶಿವರಾಜ್​ಕುಮಾರ್ ಕೂಡಾ ಸೇರಿಕೊಂಡಿದ್ದಾರೆ ಎಂಬ ಮಾಹಿತಿ ಕೇಳಿಬಂದಿದೆ. ಅಂದಹಾಗೆ, ‘ರಾಧೆ ಶ್ಯಾಮ್​’ ಸಿನಿಮಾದ ನಿರ್ಮಾಪಕರೇ ಸ್ವತಃ ಈ ಮಾಹಿತಿ ಅಭಿಮಾನಿಗಳಿಗೆ ನೀಡಿದ್ದಾರೆ. ಹಾಗಾದರೆ, ಈ ಪ್ಯಾನ್ ಇಂಡಿಯಾ ಚಿತ್ರದಲ್ಲಿ ನಮ್ಮ ಶಿವಣ್ಣನಿಗೆ ಏನು ಕೆಲಸ ಆಂತೀರಾ?. ಆ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಈ ಚಿತ್ರತಂಡವೇ ಅಧಿಕೃತವಾಗಿ ಘೋಷಿಸಿದೆ.

ಈಗಾಗಲೇ ಎಲ್ಲರಿಗೂ ತಿಳಿದಿರುವ ಹಾಗೆ ‘ರಾಧೆ ಶ್ಯಾಮ್' ಚಿತ್ರ ಕೇವಲ ತೆಲುಗಿನಲ್ಲಿ ಮಾತ್ರವಲ್ಲದೇ 5 ಭಾಷೆಗಳಲ್ಲಿ, ಅಂದರೆ ತೆಲುಗು, ಕನ್ನಡ, ತಮಿಳು, ಮಲಯಾಳಂ ಮತ್ತು ಹಿಂದಿಯಲ್ಲಿ ಬಿಡುಗಡೆ ಆಗುತ್ತಿದೆ. ಹೀಗಾಗಿ, ನಟ ಶಿವರಾಜ್​ಕುಮಾರ್ ಅವರು 'ರಾಧೆ ಶ್ಯಾಮ್' ಚಿತ್ರದ ಕನ್ನಡ ಅವತರಣಿಕೆಗೆ ಹಿನ್ನೆಲೆ ಧ್ವನಿ ನೀಡಿದ್ದಾರೆ. ಒಟ್ಟು 5 ಭಾಷೆಗಳಲ್ಲಿ ಈ ಸಿನಿಮಾ ಡಬ್ಬಿಂಗ್ ನಡೆದಿದ್ದು, ಆಯಾ ಭಾಷೆಯ ದೊಡ್ಡ ಸೆಲೆಬ್ರಿಟಿಗಳು ಧ್ವನಿ ನೀಡಿದ್ದಾರೆ.

ಹೌದು, ಶಿವಣ್ಣನಂತೆ ಖ್ಯಾತ ನಿರ್ದೇಶಕ ರಾಜಮೌಳಿ ಅವರು ತೆಲುಗಿನಲ್ಲಿ ಮತ್ತು ಮಲಯಾಳಂನಲ್ಲಿ ನಟ ಪೃಥ್ವಿರಾಜ್ ಸುಕುಮಾರನ್ ‘ರಾಧೆ ಶ್ಯಾಮ್' ಚಿತ್ರಕ್ಕೆ ಧ್ವನಿ ನೀಡಿದ್ದಾರೆ. ಆದರೆ, ತಮಿಳು ವರ್ಷನ್​ನಲ್ಲಿ ಯಾರ ಧ್ವನಿ ಕೇಳಿಬರಿಲಿದೆ ಎಂಬ ಮಾಹಿತಿ ಇನ್ನೂ ಹೊರಬಂದಿಲ್ಲ. ಈ ಸುದ್ದಿಕೇಳಿ ಸಿನಿಪ್ರೇಕ್ಷಕರಿಗೆ ಸಖತ್​ ಥ್ರಿಲ್​ ಆಗಿದೆ. ಕೊನೇ ಹಂತದಲ್ಲಿ ದಿಗ್ಗಜರೆಲ್ಲ ‘ರಾಧೆ ಶ್ಯಾಮ್​’ ಸಿನಿಮಾ ತಂಡವನ್ನು ಸೇರಿಕೊಂಡಿದ್ದು ನಿರೀಕ್ಷೆಗಳು ಹೆಚ್ಚಾಗಿವೆ. ಇನ್ನು, ಚಿತ್ರತಂಡ ಈ ದಿಗ್ಗಜರಿಗೆ ಸಿನಿಮಾದ ಭಾಗವಾಗಿದ್ದಕ್ಕೆ ತಮ್ಮ ಟ್ವೀಟ್​ನಲ್ಲಿ ಧನ್ಯವಾದಗಳನ್ನು ತಿಳಿಸಿದೆ.

https://www.vijayavani.net/former-cm-chandrababu-naidu-lashes-out-at-cm-jagan-mohan-reddy-on-twitter-for-troubling-bheemla-nayak-movie-of-pawan-kalyan-since-the-day-1-of-release-in-andhra-pradesh/

https://www.vijayavani.net/sandalwood-actress-amulyas-new-baby-bump-and-maternity-photoshoot-goes-viral-on-social-media/