ಒಂದೂವರೆ ದಿನದಲ್ಲಿ ಒಂದೂವರೆ ಕೋಟಿ ಜನರು ಫಿದಾ ಆದ್ರು; ಜಗದಗಲ ಬೆಳಗಿದ ಬೆಂಗಳೂರಿನ ಕೀರ್ತಿ

ನವದೆಹಲಿ: ಚೀನಿ ಆ್ಯಪ್​ಗಳನ್ನು ನಿಷೇಧ ಮಾಡಿದ ಬೆನ್ನಲ್ಲೇ ಭಾರತೀಯ ಅದರಲ್ಲೂ ಪ್ರಾದೇಶಿಕ ಭಾಷೆಗಳಲ್ಲಿ ಸೇವೆ ನೀಡುವ ಆ್ಯಪ್​ಗಳಲಿಗೆ ಭಾರಿ ಬೇಡಿಕೆ ವ್ಯಕ್ತವಾಗಿದೆ.

ಅಂತೆಯೇ, ದೇಶೀಯ ಸಾಮಾಜಿಕ ಜಾಲ ತಾಣದ ಆ್ಯಪ್​ ಶೇರ್​ ಚಾಟ್​ ​ಅನ್ನು ಕೇವಲ 36 ಗಂಟೆಗಳಲ್ಲಿ 1.50 ಕೋಟಿ ಜನರು ಡೌನ್​ಲೋಡ್​ ಮಾಡಿಕೊಂಡಿದ್ದಾರೆ ಎಂದು ಆ್ಯಪ್​ ರೂಪಿಸಿದ ಕಂಪನಿ ಮಾಹಿತಿ ನೀಡಿದೆ. ಇದರರ್ಥ ಪ್ರತಿ ಗಂಟೆಗೆ ಐದು ಲಕ್ಷ ಜನರು ಇದನ್ನು ಬಳಕೆ ಇನ್​ಸ್ಟಾಲ್​ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: ಬೆಳಗ್ಗೆ ಸೆಕ್ಷನ್​ 144, ರಾತ್ರಿ ಕರ್ಫ್ಯೂ; ಹೊರಗೆ ಬಂದ್ರೆ ಕರೊನಾನೂ ಬಿಡಲ್ಲ, ಪೊಲೀಸರು ಸುಮ್ಮನಿರಲ್ಲ

ಇದಲ್ಲದೇ, ಹಲವು ವಿಶೇಷತೆಗಳನ್ನು ಪಟ್ಟಿ ಮಾಡಿದೆ. ಚೀನಾ ಆ್ಯಪ್​ಗಳನ್ನು ಬ್ಯಾನ್​ ಮಾಡಿರುವ ಕೇಂದ್ರ ಸರ್ಕಾರದ ನಿಧಾ್ರವನ್ನು ಬೆಂಬಲಿಸಿ ಒಂದು ಲಕ್ಷಕ್ಕೂ ಅಧಿಕ ಪೋಸ್ಟ್​ಗಳು ದಾಖಲಾಗಿವೆ ಎಂದು ಕಂಪನಿ ತಿಳಿಸಿದೆ.

ಜನರ ಪ್ರತಿಕ್ರಿಯೆಯಿಂದ ಭಾರಿ ಸಂತಸವಾಗಿದೆ. ಇದು ಇನ್ನೊಂದು ಯಶಸ್ಸಿಗೆ ಅಡಿಪಾಯವಾಗಲಿದೆ ಎಂದು ಕಂಪನಿ ಸಹ- ಸಂಸ್ಥಾಪಕ ಫರೀದ್​ ಅಹ್ಸಾನ್​ ಹೇಳಿದ್ದಾರೆ.

ಕನ್ನಡವೂ ಸೇರಿ 15 ಭಾರತೀಯ ಭಾಷೆಗಳಲ್ಲಿ ಈ ಆ್ಯಪ್​ ಲಭ್ಯವಿದೆ. 1.50 ಕೋಟಿ ನೋಂದಾಯಿತ ಬಳಕೆದಾರರು ಹಾಗೂ ಮಾಸಿಕ 60 ಲಕ್ಷ ಸಕ್ರಿಯ ಬಳಕೆದಾರರನ್ನು ಹೊಂದಿರುವುದಾಗಿ ಕಂಪನಿ ತಿಳಿಸಿದೆ.

ಇದನ್ನೂ ಓದಿ: ಅತ್ಯಾಚಾರ, ಲೈಂಗಿಕ ಕಿರುಕುಳ ಸಂತ್ರಸ್ತರ ಬಾಯಿ ಮುಚ್ಚಿಸಲು 143 ಕೋಟಿ ರೂ. ಕೊಟ್ಟ ಚಿತ್ರ ನಿರ್ಮಾಪಕ

ಎಲ್ಲಕ್ಕೂ ಮುಖ್ಯ ಸಂಗತಿ ಎಂದರೆ ಇದು ಬೆಂಗಳೂರಿನ ಆ್ಯಪ್​. ಈ ಸ್ಟಾರ್ಟಪ್​ ಕಂಪನಿಯಲ್ಲಿ ಟ್ವಿಟರ್​ ಕೂಡ ಹೂಡಿಕೆ ಮಾಡಿದೆ. ಕಳೆದ ವರ್ಷ ಈ ಕಂಪನಿ 700 ಕೋಟಿ ರೂ. ಹೂಡಿಕೆ ಗಳಿಸಿತ್ತು.

https://www.vijayavani.net/us-says-huawei-zte-are-national-security-threats/