ಕೇವಲ 6 ತಿಂಗಳಲ್ಲಿ ಷೇರು ಬೆಲೆ 75 ರಿಂದ 915 ರೂಪಾಯಿಗೆ ಏರಿಕೆ: 1100% ಲಾಭ ನೀಡಿದ ಕಂಪನಿ ಸ್ಟಾಕ್​ಗೆ ಮತ್ತೆ ಬೇಡಿಕೆ ಏಕೆ?

ಮುಂಬೈ: ಬೊಂಡಾಡಾ ಇಂಜಿನಿಯರಿಂಗ್ ಲಿಮಿಟೆಡ್​ (Bondada Engineering Ltd.) ಷೇರುಗಳ ಬೆಲೆ ಕೇವಲ 6 ತಿಂಗಳಲ್ಲಿ 75 ರಿಂದ 915 ರೂಪಾಯಿಗೆ ಏರಿಕೆಯಾಗಿದೆ. ಐಪಿಒ ಹೋಲಿಸಿದರೆ ಕಂಪನಿಯ ಷೇರುಗಳ ಬೆಲೆ 1100% ಏರಿಕೆ ದಾಖಲಿಸಿದೆ. ಈ ಕಂಪನಿಯ ಐಪಿಒ ಕಳೆದ ವರ್ಷ ಆಗಸ್ಟ್‌ನಲ್ಲಿ ಬಂದಿತ್ತು.

ಈಗ 81 ಕೋಟಿ ರೂಪಾಯಿಯ ಕಾಮಗಾರಿ ಆದೇಶವು ಈ ಕಂಪನಿಗೆ ಲಭಿಸಿದ್ದರಿಂದ ಗುರುವಾರ ಈ ಕಂಪನಿಗಳ ಸ್ಟಾಕ್​ಗಳಲ್ಲಿ ಏರಿಕೆ ಕಂಡುಬಂದಿದ್ದು, ಷೇರುಗಳ ಬೆಲೆ 915 ರೂ. ತಲುಪಿದೆ.

NLC ಇಂಡಿಯಾ ಲಿಮಿಟೆಡ್ SOMW ಸೌರ ವಿದ್ಯುತ್ ಯೋಜನೆಗಾಗಿ ಬ್ಯಾಲೆನ್ಸ್ ಆಫ್ ಸಿಸ್ಟಮ್ (BOS) ಕಾಮಗಾರಿಗಾಗಿ ಬೊಂಡಾಡಾ ಇಂಜಿನಿಯರಿಂಗ್ ಲಿಮಿಟೆಡ್‌ಗೆ ಕಾಮಗಾರಿ ಆದೇಶವನ್ನು ನೀಡಿದೆ. ಈ ಆದೇಶವು 81 ಕೋಟಿ ರೂಪಾಯಿ ಮೊತ್ತದ್ದಾಗಿದೆ. 15 ತಿಂಗಳಲ್ಲಿ ಈ ಕಾಮಗಾರಿ ಪೂರ್ಣಗೊಳ್ಳಬೇಕಿದೆ.

ಈ ಕಂಪನಿಯ ಸ್ಟಾಕ್​ ಮಲ್ಟಿಬ್ಯಾಗರ್ ಆಗಿದ್ದು, 6 ತಿಂಗಳಲ್ಲಿ ಶೇ. 1100 ರಷ್ಟು ಏರಿಕೆಯಾಗಿದೆ. ಬೊಂಡಾಡ ಇಂಜಿನಿಯರಿಂಗ್ ಐಪಿಒ ಬೆಲೆ 75 ರೂ. ಇತ್ತು. ಕಂಪನಿಯ ಐಪಿಒ 18 ಆಗಸ್ಟ್ 2023 ರಂದು ಪ್ರಾರಂಭವಾಗಿತ್ತು. ಈ ಕಂಪನಿಯ ಷೇರುಗಳನ್ನು ಆಗಸ್ಟ್ 30, 2023 ರಂದು ರೂ 142.50 ರೂಪಾಯಿಯಲ್ಲಿ ಪಟ್ಟಿ ಮಾಡಲಾಗಿತ್ತು. ಇದಾದ ನಂತರ ಬೊಂಡಾಡಾ ಇಂಜಿನಿಯರಿಂಗ್ ಷೇರುಗಳಲ್ಲಿ ಭಾರಿ ಏರಿಕೆ ಕಂಡುಬಂದಿದೆ.

ಕಂಪನಿಯ ಷೇರುಗಳು 29 ಫೆಬ್ರವರಿ 2024 ರಂದು 915 ರೂಪಾಯಿ ತಲುಪಿವೆ. ಈ ಮೂಲಕ ಐಪಿಒದಲ್ಲಿದ್ದ 75 ರೂ. ಬೆಲೆಯಿಂದ 1100% ಹೆಚ್ಚಳ ಕಂಡಿವೆ. ಈ ಕಂಪನಿಯ ಷೇರುಗಳ 52 ವಾರಗಳ ಗರಿಷ್ಠ ಮಟ್ಟದ 949.95 ರೂ. ಇದ್ದರೆ, ಕನಿಷ್ಠ ಮಟ್ಟವು 142.50 ರೂ. ಇದೆ.

ಬೋಂಡಾಡ ಇಂಜಿನಿಯರಿಂಗ್ ಇತ್ತೀಚೆಗೆ ಸನ್‌ಡ್ರಾಪ್ಸ್ ಎನರ್ಜಿಯಾದಿಂದ 4.93 ಕೋಟಿ ರೂ. ಮೌಲ್ಯದ ವರ್ಕ್ ಆರ್ಡರ್ ಪಡೆದಿದೆ. ಈ ವರ್ಷ ಫೆಬ್ರವರಿಯಲ್ಲಿಯೇ ಸನ್​ಡ್ರಾಪ್ಸ್ ಎನರ್ಜಿಯಾದಿಂದ 20.36 ಕೋಟಿ ರೂ. ಆರ್ಡರ್​ ಪಡೆದಿದೆ. ಈ ಹಿಂದೆ ಕಂಪನಿಯು ಸರ್ಕಾರಿ ಸ್ವಾಮ್ಯದ ಟೆಲಿಕಾಂ ಕಂಪನಿ ಬಿಎಸ್‌ಎನ್‌ಎಲ್‌ನಿಂದ 34.4 ಕೋಟಿ ರೂಪಾಯಿ ಮೌಲ್ಯದ ಆರ್ಡರ್ ಪಡೆದಿತ್ತು. ಬೊಂಡಾಡ ಇಂಜಿನಿಯರಿಂಗ್ ಇತ್ತೀಚೆಗೆ ಅಟ್ಪೋಲ್ ಟೆಕ್ನಾಲಜೀಸ್‌ನಲ್ಲಿ 60% ಪಾಲನ್ನು ಖರೀದಿಸಿತ್ತು.

https://www.vijayavani.net/what-is-the-effect-of-the-lok-sabha-elections-on-the-stock-market-which-party-will-win-what-is-dalal-street-calculations-what-the-experts-are-saying

https://www.vijayavani.net/how-much-income-tax-you-have-to-pay-simple-calculation-of-income-tax-for-this-year-is-as-follows

https://www.vijayavani.net/bulls-stalled-for-bear-jumps-stock-index-recovers-late