VIDEO | ವೇದಿಕೆ ಮೇಲೆ ಪುತ್ರ ಅಬ್ರಾಮ್ ಕಂಡು ನಟ ಶಾರುಖ್ ಖಾನ್ ಕಣ್ಣೀರು! ಕಾರಣ ಹೀಗಿದೆ

ಮುಂಬೈ: ಪ್ರತಿಬಾರಿ ಸಿನಿಮಾದ ಮೂಲಕ ಸಾಮಾಜಿಕ ಜಾಲತಾಣ ಮತ್ತು ಮಾಧ್ಯಮಗಳಲ್ಲಿ ಸುದ್ದಿಯಾಗುವ ಬಾಲಿವುಡ್​ನ ಕಿಂಗ್ ಖಾನ್, ನಟ ಶಾರುಖ್ ಖಾನ್​, ಈ ಬಾರಿ ತಮ್ಮ ಕಿರಿಯ ಪುತ್ರ ಅಬ್​ರಮ್​ ಖಾನ್​ ತನ್ನಂತೆ ನಟಿಸಿದ ದೃಶ್ಯ ಕಂಡು ವೇದಿಕೆಯಲ್ಲಿ ಭಾವುಕರಾಗಿ ಚಪ್ಪಾಳೆ ತಟ್ಟಿದ್ದಾರೆ. ಈ ವಿಡಿಯೋ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ.

ಇದನ್ನೂ ಓದಿ: ಆನ್‌ಲೈನ್ ಬೆಟ್ಟಿಂಗ್ ಚಟ: ಪತ್ನಿ, ಇಬ್ಬರು ಮಕ್ಕಳನ್ನು ಕೊಂದು ಪ್ರಾಣ ಬಿಟ್ಟ ಕಾನ್​ಸ್ಟೇಬಲ್​

ಬಾಲಿವುಡ್‌ನಲ್ಲಿ ತಮ್ಮದೇ ವಿಶೇಷ ಛಾಪು ಮೂಡಿಸಿರುವ ನಟ ಶಾರುಖ್, ಹಲವು ಸಿನಿಮಾಗಳಲ್ಲಿ ತಮ್ಮ ಎರಡು ಕೈಗಳನ್ನು ಬಿಚ್ಚಿ ನಿಂತುಕೊಳ್ಳುತ್ತಾರೆ. ಇದು ಅವರ ಸಿಗ್ನೇಚರ್ ಸ್ಟೆಪ್ ಎಂದು ಕೂಡ ಕರೆಯಲಾಗುತ್ತದೆ. ಅವರ ಅಪಾರ ಸಂಖ್ಯೆಯ ಫ್ಯಾನ್ಸ್​ ಇದನ್ನು ಅನುಕರಣೆ ಮಾಡುವ ಮೂಲಕ ತಮ್ಮ ನೆಚ್ಚಿನ ನಟನ ಮೇಲಿರುವ ಅಭಿಮಾನಿವನ್ನು ಪ್ರದರ್ಶಿಸುತ್ತಾರೆ. ಸದ್ಯ ಅದೇ ರೀತಿ ಅವರ ಕಿರಿಯ ಪುತ್ರ ಅಬ್​ರಾಮ್ ಕೂಡ​ ವಾರ್ಷಿಕ ಕಾರ್ಯಕ್ರಮದ ವೇದಿಕೆಯಲ್ಲಿ ಅನುಕರಿಸಿದ ರೀತಿ ಕಂಡು ಶಾರುಖ್ ಭಾವುಕರಾಗಿದ್ದಾರೆ.

ಈ ದೃಶ್ಯವನ್ನು ನೋಡಿದ ಅನೇಕರು ಅಬ್​ರಾಮ್ ತಂದೆಯಿಂದ ಸ್ಫೂರ್ತಿ ಪಡೆಯುತ್ತಿದ್ದಾರೆ ಎಂಬುದು ಖಚಿತ. ತಮ್ಮಂತೆಯೇ ಸಿಗ್ನೇಚರ್​ ಸ್ಟೆಪ್ ಹಾಕಿದ ಪುತ್ರನನ್ನು ಕಂಡ ಶಾರುಖ್​, ಪತ್ನಿ ಮತ್ತು ಮಕ್ಕಳೊಡನೆ ಕುಳಿತು ಚಪ್ಪಾಳೆ ತಟ್ಟಿದ್ದಾರೆ. ಶಾಲೆಯ ವಾರ್ಷಿಕ ಕಾರ್ಯಕ್ರಮದಲ್ಲಿ ಕಿರುನಾಟಕದ ಪ್ರದರ್ಶನದ ವೇಳೆ ಈ ದೃಶ್ಯ ಸೆರೆಯಾಗಿದೆ. ವಿಡಿಯೋದಲ್ಲಿ ಶಾರುಖ್ ತಮ್ಮ ಮಗ ಅಬ್​ರಾಮ್​ ನೋಡುತ ಕೈಬೀಸಿ, ಹುರಿದುಂಬಿಸುತ್ತಿರುವುದು ನೋಡುಗರ ಕಣ್ಣಂಚಲಿ ನೀರು ತಂದಿದೆ.

ಇದನ್ನೂ ಓದಿ: ಅಮೆರಿಕಾ ಬಾಕ್ಸ್​ ಆಫೀಸ್​ನಲ್ಲಿ ಮತ್ತೊಂದು ಮೈಲಿಗಲ್ಲು ಸಾಧಿಸಿದ ನಾನಿ ಸಿನಿಮಾ!

ಡಿಸೆಂಬರ್ 21 ರಂದು ಅವರ 'ಡುಂಕಿ' ಚಿತ್ರ ಬಿಡುಗಡೆಯಾಗುವ ಮೊದಲು ಶಾರುಖ್ ಖಾನ್ ಅವರು ತಮ್ಮ ಮಗಳು ಸುಹಾನಾ ಖಾನ್ ಅವರೊಂದಿಗೆ ಶಿರಡಿಯ ಸಾಯಿಬಾಬಾ ದೇವಸ್ಥಾನಕ್ಕೆ ಭೇಟಿ ನೀಡಿದಾಗ ಇತ್ತೀಚೆಗೆ ಕಾಣಿಸಿಕೊಂಡರು.

https://www.vijayavani.net/nani-cinema-hi-nanna-surpasses-a-landmark-in-us-boxoffice