ಲಾಹೋರ್: ಪಾಕಿಸ್ತಾನ ಕ್ರಿಕೆಟ್ (Pakistan Cricket) ತಂಡದ ಆಟಗಾರರ ನಡುವೆ ಒಗ್ಗಟ್ಟಿಲ್ಲ, ಗೆಲುವಿನತ್ತ ಒಂದೇ ಮನಸ್ಥಿತಿ ಇಲ್ಲ ಎಂಬುದು ಇದೀಗ ಮತ್ತಷ್ಟು ಸ್ಪಷ್ಟವಾಗುತ್ತಿದ್ದು, ಅದಕ್ಕೆ ಇತ್ತೀಚಿನ ಬೆಳವಣಿಗಗಳೇ ಸಾಕ್ಷಿಯಾಗಿದೆ. ಅದ್ಯಾಕೋ ತಂಡದಲ್ಲಿನ ಆಂತರಿಕ ಸಮಸ್ಯೆಗಳು ದಿನೇ ದಿನೇ ಭುಗಿಲೇಳುತ್ತಿವೆಯೇ ಹೊರತು ಬಗೆಹರಿಯುವ ಯಾವ ಲಕ್ಷಣಗಳು ಕಂಡುಬರುತ್ತಿಲ್ಲ. ಇತ್ತೀಚೆಗಷ್ಟೇ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ್ದ ಪಾಕಿಸ್ತಾನ ಕ್ರಿಕೆಟ್ ತಂಡದ ಹೆಡ್ ಕೋಚ್ ಗ್ಯಾರಿ ಕರ್ಸ್ಟನ್, ವೇಗಿ ಶಾಹೀನ್ ಅಫ್ರಿದಿಗೆ (Shaheen Afridi) ಕೆಲಸದ ಹೊರೆ ಹೆಚ್ಚಾಗಿದೆ. ಇದು ಬೌಲರ್ ಮೇಲೆ ತೀವ್ರ ಪರಿಣಾಮ ಬೀರಬಹುದು ಎಂದು ಗ್ಯಾರಿ ಅಭಿಪ್ರಾಯಿಸಿದ್ದರು. ಇದಕ್ಕೆ ಖಾರವಾಗಿ ಪ್ರತಿಕ್ರಿಯಿಸಿದ ಅಫ್ರಿದಿ, ಅಂತಹ ಯಾವ ಸಮಸ್ಯೆಯೂ ನನಗಿಲ್ಲ ಎಂದು ಪಾಕ್ನ ಮಾಜಿ ಹಿರಿಯ ಆಟಗಾರರನ್ನು ಹೋಲಿಸಿ ಮಾತನಾಡಿದ್ದರು.
