ವಿಷಯ ತಿಳಿದ ಕೂಡಲೇ ಶಾರುಖ್, ಶಿವಾನಿ ಅವರಿಗೆ ವೀಡಿಯೊ ಕಾಲ್ ಮಾಡಿ ಸುಮಾರು 30 ನಿಮಿಷಗಳ ಕಾಲ ಮಾತನಾಡಿದ್ದಾರೆ. ಶಿವಾನಿ ತಮ್ಮ ಮನದ ಭಾವವನ್ನು ಶಾರುಖ್ ಖಾನ್ ಜತೆ ಹಂಚಿಕೊಂಡಿದ್ದಾರೆ. ‘ನನ್ನ ಮಗಳಿಗೆ ನೀವು ಆಶೀರ್ವದಿಸಬೇಕು. ಕೊಲ್ಕತ್ತಾಗೆ ಬಂದಾಗ ನಮ್ಮ ಮನೆಗೆ ಬರಬೇಕು. ನಮ್ಮ ಮನೆಯಲ್ಲೇ ಊಟ ಮಾಡಬೇಕು. ನಾನು ನನ್ನ ಕೈಯಾರೆ ಅಡುಗೆ ಮಾಡಿ ನಿಮಗೆ ಬಡಿಸುತ್ತೇನೆ’ ಎಂಬ ಶಿವಾನಿ ಅವರ ಆಸೆಯನ್ನು ಶಾರುಖ್ ಪ್ರೀತಿಯಿಂದ ಒಪ್ಪಿಕೊಂಡಿದ್ದಾರೆ. ಜತೆಗೆ ಮಗಳ ಮದುವೆಗೂ ಹಾಜರಾಗುವುದಾಗಿ ತಿಳಿಸಿದ್ದಾರೆ. ಅಲ್ಲದೆ ಕ್ಯಾನ್ಸರ್ನಿಂದ ಬಳಲುತ್ತಿರುವ ಶಿವಾನಿಗೆ ಶಾರುಖ್ ಆರ್ಥಿಕ ಸಹಾಯ ನೀಡುವುದಾಗಿ ತಿಳಿಸಿದ್ದಾರೆ. ಆದರೆ, ಶಿವಾನಿ ಮಾತ್ರ ‘ನಾನು ಒಂದು ಬಾರಿ ಶಾರುಖ್ ಖಾನ್ ಭೇಟಿ ಆಗಬೇಕು. ಅದು ನನ್ನ ಕೊನೆ ಆಸೆ’ ಎಂದು ಭಾವುಕರಾಗಿದ್ದಾರೆ.
