ಶಾರುಖ್​ಗೆ ವಿರಾಟ್​ ಕೊಹ್ಲಿ ಎಂದರೆ ಅಚ್ಚುಮೆಚ್ಚು; ಅನುಷ್ಕಾ ಪತಿಯನ್ನು ಕಿಂಗ್​ ಖಾನ್​ ಅಳಿಯ ಎಂದು ಕರೆಯುವುದೇಕೆ ಗೊತ್ತಾ?

ನವದೆಹಲಿ: ಹಾಲಿ ಐಪಿಎಲ್​ ಆವೃತ್ತಿಯಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಪರ ಭರ್ಜರಿ ಪ್ರದರ್ಶನ ನೀಡುತ್ತಿರುವ ವಿರಾಟ್​ ಕೊಹ್ಲಿ ಕ್ರಿಕೆಟ್​ ಮಾತ್ರವಲ್ಲದೇ ಬೇರೆ ಕ್ಷೇತ್ರದ ಗಣ್ಯರೊಂದಿಗೆ ಉತ್ತಮ ಒಡನಾಟ ಹೊಂದಿದ್ದಾರೆ. ಬಾಲಿವುಡ್​ನೊಂದಿಗೆ ವಿಶೇಷ ನಂಟು ಹೊಂದಿರುವ ವಿರಾಟ್​ ಕೊಹ್ಲಿ ಹಲವರಿಗೆ ಅಚ್ಚುಮೆಚ್ಚು ಎಂದು ಹೇಳಬಹುದಾಗಿದೆ. ಅದರಲ್ಲಿ ಶಾರುಖ್​ ಖಾನ್​ ಅವರು ಕೂಡ ವಿರಾಟ್​ ಕೊಹ್ಲಿ ತಮ್ಮ ಫೇವರಿಟ್​ ಎಂದು ಅನೇಕ ಬಾರಿ ಹೇಳಿದ್ದಾರೆ. ಇದೀಗ ಶಾರುಖ್​ ಖಾನ್​ ವಿರಾಟ್​ ಮೇಲೆ ತಮ್ಮಗಿರುವ ಪ್ರೀತಿ ಎಂಥದ್ದು ಎಂಬುದನ್ನು ತೋರ್ಪಡಿಸಿದ್ದಾರೆ.

ಈ ಕುರಿತು ಮಾತನಾಡಿರುವ ಶಾರುಖ್​, ನನಗೆ ಅನೇಕ ಮಂದಿ ಕ್ರಿಕೆಟಿಗರು ಪರಿಚಯ ಇದ್ದಾರೆ. ನಾನು ಅವರೊಂದಿಗೆ ಸಾಕಷ್ಟು ಸಮಯ ಕಳೆದಿದ್ದೇನೆ. ಬೇರೆ ಆಟಗಾರರಿಗೆ ಹೋಲಿಸಿದರೆ ನಾನು ವಿರಾಟ್​ ಕೊಹ್ಲಿ ಅವರನ್ನು ಹೆಚ್ಚು ತಿಳಿದಿದ್ದೇನೆ. ವಿರಾಟ್ ಮತ್ತು ಅನುಷ್ಕಾ ಅವರು ಬಹಳ ಸಮಯದಿಂದ ನನಗೆ ಗೊತ್ತು. ನಾನು ಅವರೊಂದಿಗೆ ಸಾಕಷ್ಟು ಸಮಯ ಕಳೆದಿದ್ದೇನೆ.

ಇದನ್ನೂ ಓದಿ: ನೀತಿ ಸಂಹಿತೆ ಉಲ್ಲಂಘನೆ; ಕೆಕೆಆರ್​ ಆಟಗಾರನಿಗೆ ದಂಡ ವಿಧಿಸಿ ನಿಷೇಧ ಹೇರಿದ ಬಿಸಿಸಿಐ

ಅನುಷ್ಕಾ ಶರ್ಮಾ ಅವರನ್ನು ಡೇಟಿಂಗ್ ಮಾಡುತ್ತಾ ಇದ್ದಾಗಿನಿಂದಲೂ ನನಗೆ ವಿರಾಟ್ ಗೊತ್ತು. ಆಗ ನಾನು ಅನುಷ್ಕಾ ಜೊತೆ ಸಿನಿಮಾ ಮಾಡುತ್ತಿದ್ದೆ. ಆಗ ಅವರು ಸೆಟ್​ಗೆ ಬರುತ್ತಿದ್ದರು. ಆತ ಸಖತ್ ಫ್ರೆಂಡ್ಲಿ ಮನುಷ್ಯ ನಾನು ಅವನನ್ನು ಪ್ರೀತಿಯಿಂದ ಅಳಿಯ ಎಂದು ಕರೆಯುತ್ತೇನೆ. ಬೇರೆ ಆಟಗಾರರಿಗೆ ಹೋಲಿಸಿದರೆ ವಿರಾಟ್​ ನನಗೆ ಅಚ್ಚುಮೆಚ್ಚು ಎಂದು ಹೇಳಿದ್ದಾರೆ.

ಈ ಹಿಂದೆ ವಿರಾಟ್​ ಕೊಹ್ಲಿ ಹಾಗೂ ರವೀಂದ್ರ ಜಡೇಜಾ ಪಠಾಣ್​ ಸಿನಿಮಾದ ಹಾಡೊಂದಕ್ಕೆ ವೇದಿಕೆಯಲ್ಲೇ ಹೆಜ್ಜೆ ಹಾಕಿದ್ದರು. ಅಸಲಿಗೆ ಆ ಸ್ಟೆಪ್​ ಹೇಗೆ ಮಾಡುವುದು ಎಂದು ಅವರಿಗೆ ಹೇಳಿಕೊಟ್ಟಿದ್ದೆ ನಾನು. ಏಕೆಂದರೆ ಈ ಸ್ಟೆಪ್​ನ ಅವರು ರವೀಂದ್ರ ಜಡೇಜಾ ಜೊತೆ ಪ್ರಯತ್ನಿಸಿದ್ದರು. ಅದನ್ನು ತುಂಬಾ ಕೆಟ್ಟದಾಗಿ ಮಾಡುತ್ತಿದ್ದರು. ಈ ರೀತಿ ಡ್ಯಾನ್ಸ್ ಮಾಡಿದಾಗ ದಯವಿಟ್ಟು ನನಗೆ ಕರೆ ಮಾಡಿ ಹೇಗೆ ಮಾಡೋದು ಎಂದು ಕೇಳಿ ಎಂಬುದಾಗಿ ನಾನು ಅವರಿಗೆ ಹೇಳಿದ್ದಾಗಿ ನಟ ಶಾರುಖ್​ ಖಾನ್​ ವಿರಾಟ್​ ಕೊಹ್ಲಿ ಜೊತೆಗಿನ ಸಂಬಂಧವನ್ನು ನೆನೆದಿದ್ದಾರೆ.

https://www.vijayavani.net/absolute-shocker-sunil-gavaskar-blasts-kkr-star-mid-match-vs-dc-this-is-the-reason

https://www.vijayavani.net/wont-watch-ramayana-netizens-upset-as-sai-pallavis-old-video-comparing-kashmiri-pandit-exodus-to-cow-vigilantism-goes-viral