Sexual Abuse Allegation | ಸುಳ್ಳು ಆರೋಪಗಳಲ್ಲಿ ಸಿಲುಕಿರುವ ನಾನು..; ವಿಚಾರಣೆ ಬಳಿಕ ನಟ ಜಯಸೂರ್ಯ ಹೇಳಿದಿಷ್ಟು..

ತಿರುವನಂತಪುರಂ: ಲೈಂಗಿಕ ದೌರ್ಜನ್ಯದ ಆರೋಪ (Sexual Abuse Allegation) ಎದುರಿಸುತ್ತಿರುವ ಮಲಯಾಳಂ ನಟ ಜಯಸೂರ್ಯ ಅವರನ್ನು ಮಂಗಳವಾರ(ಅಕ್ಟೋಬರ್​​ 15) ಕೇರಳ ಪೊಲೀಸರು ವಿಚಾರಣೆಗೊಳಪಡಿಸಿದ್ದಾರೆ. ವಿಚಾರಣೆ ಬಳಿಕ ಮಾತನಾಡಿದ ನಟ, ತಮ್ಮ ಮೇಲಿನ ಲೈಂಗಿಕ ದೌರ್ಜನ್ಯ ಆರೋಪವನ್ನು ನಿರಾಕರಿಸಿದ್ದಾರೆ. ತಾನು ಸುಳ್ಳು ಆರೋಪಗಳಲ್ಲಿ ಸಿಲುಕಿರುವ ಜೀವಂತ ಹುತಾತ್ಮ ಎಂದು ಹೇಳಿದ್ದಾರೆ.

ಇದನ್ನು ಓದಿ: ಸುಶಾಂತ್​​ ಸಿಂಗ್​ ಫ್ಲಾಟ್​ಗೆ ಹೋಗಬಾರದಿತ್ತು ಎಂಬುದು..; Adah Sharma ಹೇಳಿದಿಷ್ಟು.. | Bollywood

ನಾನು ಆರೋಪಗಳನ್ನು ಸಂಪೂರ್ಣವಾಗಿ ನಿರಾಕರಿಸುತ್ತೇನೆ. ಇದೊಂದು ಕಪೋಲಕಲ್ಪಿತ ಪ್ರಕರಣ. ನನಗೆ ನಿರೀಕ್ಷಣಾ ಜಾಮೀನು ಕೂಡ ಅಗತ್ಯವಿಲ್ಲ. ಜನರು ಯಾರ ವಿರುದ್ಧವೂ ಇಂತಹ ಸುಳ್ಳು ಆರೋಪಗಳನ್ನು ಮಾಡುತ್ತಿರುವುದು ಆತಂಕಕಾರಿಯಾಗಿದೆ. ಕನಿಷ್ಠ ನನ್ನ ವಾದವನ್ನು ಮಂಡಿಸಲು ನನಗೆ ವೇದಿಕೆ ಇದೆ. ಇತರರಿಗೆ ಇದು ಇಲ್ಲ. ಇದು ಅನೇಕ ಕುಟುಂಬಗಳನ್ನು ಅಸ್ಥಿರಗೊಳಿಸಬಹುದು ಎಂದು ತಿಳಿಸಿದರು.

ನನ್ನ ಮೇಲೆ ಎರಡು ಸುಳ್ಳು ಆರೋಪಗಳನ್ನು ಮಾಡಲಾಗಿದೆ. ಮಹಿಳೆಯೊಬ್ಬರು ನಾನೇ ಎಂದು ಸುಳಿವು ನೀಡಿ ಹಲವೆಡೆ ಮಾತನಾಡಿದ್ದಾರೆ. ನಂತರ ಅದನ್ನು ಅವರೇ ಹಲವೆಡೆ ನಿರಾಕರಿಸಿದ್ದಾರೆ. ಆಕೆಯನ್ನು ಭೇಟಿ ಮಾಡಿದ್ದನ್ನು ಹೊರತುಪಡಿಸಿ ಆರೋಪ ಮಾಡಿದ ಮಹಿಳೆಯೊಂದಿಗೆ ಯಾವುದೇ ಸಂಬಂಧವಿಲ್ಲ. ದೂರುದಾರರು ಸುಳ್ಳು ಆರೋಪ ಮಾಡಿದ್ದು ಕೊನೆಯವರೆಗೂ ಹೋರಾಟ ಮುಂದುವರಿಸುವುದಾಗಿ ತಿಳಿಸಿದ್ದಾರೆ.

ನಟ ಜಯಸೂರ್ಯ ವಿರುದ್ಧ ಎರಡು ಎಫ್‌ಐಆರ್ ದಾಖಲಾಗಿತ್ತು. ತೊಡುಪುಳದಲ್ಲಿ ಸಿನಿಮಾದ ಚಿತ್ರೀಕರಣ ನಡೆಯುವ ವೇಳೆ ಲೈಂಗಿಕ ದೌರ್ಜನ್ಯ ಎಸಗಿರುವುದಾಗಿ ನಟನ ವಿರುದ್ಧ ನಟಿಯೊಬ್ಬರು ದೂರು ದಾಖಲಿಸಿದ್ದರು. ನಟ ಜಯಸೂರ್ಯ ವಿರುದ್ಧ 354, 354ಎ(ಎ1)(ಐ) 354ಡಿ ಐಪಿಸಿ ಅಡಿಯಲ್ಲಿ ಎರಡನೇ ಎಫ್‌ಐಆರ್ ದಾಖಲಿಸಲಾಗಿತ್ತು. ದೂರಿನ ನಂತರ ಕೇರಳ ಸರ್ಕಾರವು ಹಕ್ಕುಗಳ ತನಿಖೆಗಾಗಿ ಏಳು ಸದಸ್ಯರ ವಿಶೇಷ ತನಿಖಾ ತಂಡವನ್ನು (SIT) ನೇಮಿಸಿತು.(ಏಜೆನ್ಸೀಸ್​)

https://www.vijayavani.net/bollywood-shraddha-kapoor-confirms-she-is-in-a-relationship