ಹೌದು.... ವಿಶ್ವ ಅರೋಗ್ಯ ಸಂಸ್ಥೆಯ ನಿರ್ದೇಶನಗಳನ್ನು ಪಾಲಿಸಿದ್ದೇ ಆದಲ್ಲಿ ಪ್ರಸ್ತುತ ಏಳು ರಾಜ್ಯಗಳನ್ನಾದರೂ ಸಂಪೂರ್ಣ ಬಂದ್ ಮಾಡಬೇಕಾಗುತ್ತದೆ. ಸೋಂಕಿತರ ಪ್ರಮಾಣ ಶೇ.5ಕ್ಕಿಂತಲೂ ಹೆಚ್ಚಾದರೆ ಹೆಚ್ಚು ನಿರ್ಬಂಧಗಳನ್ನು ವಿಧಿಸಬೇಕಾಗುತ್ತದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯೇ ಹೇಳಿದೆ. ಇದನ್ನು ಪಾಲಿಸಿದ್ದೇ ಆದಲ್ಲಿ, ಮಹಾರಾಷ್ಟ್ರ, ಗುಜರಾತ್, ದೆಹಲಿ, ತೆಲಂಗಾಣ, ಚಂಡೀಗಡ್, ತಮಿಳುನಾಡು ಹಾಗೂ ಬಿಹಾರ್ ರಾಜ್ಯಗಳನ್ನು ಈಗಲೂ ಸೀಲ್ಡೌನ್ ಸ್ಥಿತಿಯಲ್ಲಿಯೇ ಅಥವಾ ಯಾವುದೇ ವಿನಾಯ್ತಿಗಳಿಲ್ಲದ ಲಾಕ್ಡೌನ್ ಮುಂದುವರಿಸಬೇಕಾಗುತ್ತದೆ. ಈ ಎಲ್ಲ ರಾಜ್ಯಗಳಲ್ಲಿ ಕಳೆದೆರಡು ವಾರಗಳಿಂದ ಕರೊನಾ ಸೋಂಕಿತರ ಸಂಖ್ಯೆಯಲ್ಲಿ ಭಾರಿ ಏರಿಕೆ ಕಂಡುಬರುತ್ತಿದೆ.
