ಸೋಲು, ನೋವು, ಹತಾಶೆ ... ಎಲ್ಲಾ ಹೀರೋಗಳಿಗೂ ಇದ್ದೇ ಇರುತ್ತದೆ ಎಂದಿರುವ ಅವರು, 'ಪ್ರತಿಯೊಬ್ಬ ನಟರೂ ಇದನ್ನು ಅನುಭವಿಸಿದ್ದಾರೆ. ಅದು ಶಾರೂಖ್ ಇರಲಿ, ಸಲ್ಮಾನ್ ಆಗಲೀ ... ಎಲ್ಲರೂ ಸಾಕಷ್ಟು ಹೋರಾಟ ಮಾಡಿ ಇಲ್ಲಿಯವರೆಗೂ ಬಂದಿದ್ದಾರೆ. ಏನೇ ಬಂದರೂ ಎದುರಿಸುವ ಗುಣ ಇರುವುದರಿಂದಲೇ ಅವರು ಇಷ್ಟು ದೂರ ಬರುವುದಕ್ಕೆ ಸಾಧ್ಯವಾಯಿತು. ಚಿತ್ರರಂಗದಲ್ಲಿ ಬ್ಯಾಕಿಂಗ್ ಎನ್ನುವುದು ಇರುವುದಿಲ್ಲ. ನಾನು ಸಿನಿಮಾ ಫ್ಯಾಮಿಲಿಯಿಂದ ಬಂದವನು, ನನ್ನ ಅಪ್ಪ ಮತ್ತು ಅಣ್ಣ ಕಲಾವಿದರು ಎಂದು ಮಾತ್ರಕ್ಕೆ ನನಗೆ ಎಲ್ಲವೂ ಸಲೀಸಲ್ಲ. ಅವರು ಅವಕಾಶ ಕೊಡಬಹುದು, ಜತೆಗೆ ನಿಂತು ಕೆಲಸ ಮಾಡುವುದಕ್ಕೆ ಸಾಧ್ಯವಾಗುವುದಿಲ್ಲ. ಹಾಗಾಗಿದ್ದರೆ ನಾನು ಬರೀ ಯಶಸ್ವಿ ಚಿತ್ರಗಳನ್ನೇ ಕೊಡುತ್ತಿದ್ದೆ' ಎಂದು ಹೇಳಿಕೊಂಡಿದ್ದಾರೆ.
