ಸ್ವಯಂಭೂ ಚಿತ್ರದಲ್ಲಿ ಸಂಯುಕ್ತಾ; ನಿಖಿಲ್​ ಸಿದ್ಧಾರ್ಥ್​ಗೆ ನಾಯಕಿಯಾದ "ಗಾಳಿಪಟ 2' ಹುಡುಗಿ

ಮಲಯಾಳಂ ನಟಿ ಸಂಯುಕ್ತಾ ಮೆನನ್​, ಸದ್ಯ ದಣ ಭಾರತದ ಎಲ್ಲ ಚಿತ್ರರಂಗಗಳಲ್ಲೂ ಮಿಂಚುತ್ತಿದ್ದಾರೆ. ಮಾಲಿವುಡ್​ನಲ್ಲಿ 10ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿರುವ ಅವರು ಈಗಾಗಲೇ ಕೆಲವು ತಮಿಳು ಹಾಗೂ ತೆಲುಗು ಚಿತ್ರಗಳಲ್ಲಿ ನಟಿಸಿದ್ದಾರೆ. ಕಳೆದ ವರ್ಷ "ಗಾಳಿಪಟ 2' ಚಿತ್ರದ ಮೂಲಕ ಕನ್ನಡಕ್ಕೂ ಪದಾರ್ಪಣೆ ಮಾಡಿದ ಅವರು, ದಿಗಂತ್​ಗೆ ಜೋಡಿಯಾಗಿದ್ದರು.

ಇದನ್ನೂ ಓದಿ : 20ಕ್ಕೆ ಚೋಳ ಟೀಸರ್; ‘ಯರ್ರಾಬಿರ್ರಿ’ ಅಂಜನ್ ನಟಿಸಿರುವ ಆ್ಯಕ್ಷನ್ ಎಂಟರ್‌ಟೇನರ್

2022ರಲ್ಲಿ ಪವನ್​ ಕಲ್ಯಾಣ್​ ಅಭಿನಯದ "ಭೀಮ್ಲಾ ನಾಯಕ್​' ಮೂಲಕ ಟಾಲಿವುಡ್​ಗೆ ಎಂಟ್ರಿ ಕೊಟ್ಟ ಅವರು, ಬಳಿಕ "ಬಿಂಬಿಸಾರ' ಚಿತ್ರದಲ್ಲಿ ನಟಿಸಿದ್ದರು. ಏಪ್ರಿಲ್​ನಲ್ಲಿ ಬಿಡುಗಡೆಯಾದ "ವಿರೂಪಾಕ್ಷ' ಚಿತ್ರದ ಸಕ್ಸಸ್​ ಬಳಿಕ ಸಂಯುಕ್ತಾಗೆ ಟಾಲಿವುಡ್​ನಲ್ಲಿ ಬೇಡಿಕೆ ಹೆಚ್ಚಿದೆ. ಈಗಾಗಲೇ ನಂದಮೂರಿ ಕಲ್ಯಾಣ್​ ನಾಯಕನಾಗಿರುವ "ಡೆವಿಲ್​' ಚಿತ್ರಕ್ಕೆ ಅವರು ಆಯ್ಕೆಯಾಗಿದ್ದು, ಅದರ ಬೆನ್ನಲ್ಲೇ "ಕಾರ್ತಿಕೇಯ', "ಸ್ಪೆ$' ಖ್ಯಾತಿಯ ನಟ ನಿಖಿಲ್​ ಸಿದ್ಧಾರ್ಥ್​ ನಟಿಸುತ್ತಿರುವ "ಸ್ವಯಂಭೂ' ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ.

ಇದನ್ನೂ ಓದಿ : ಸ್ಟಾರ್ ಹೀರೋಯಿನ್ ಬಳಿ ಕ್ಷಮೆ ಕೇಳಿದ ನಟ ರಾಣಾ ದಗ್ಗುಬಾಟಿ

ಈಗಾಗಲೇ ಚಿತ್ರತಂಡದ ಜತೆ ಮಾತುಕತೆ ಮುಗಿದಿದ್ದು, ಅಧಿಕೃತವಾಗಿ ಘೋಷಣೆ ಮಾಡುವುದೊಂದೇ ಬಾಕಿ ಎಂಬ ಮಾತುಗಳು ಟಾಲಿವುಡ್​ ಅಂಗಳದಲ್ಲಿ ಕೇಳಿಬರುತ್ತಿವೆ. ಭರತ್​ ಕೃಷ್ಣಮಾಚಾರಿ ನಿರ್ದೇಶಿಸುತ್ತಿರುವ ಈ ಚಿತ್ರದ ಚಿತ್ರೀಕರಣ ಇದೇ ಶುಕ್ರವಾರದಿಂದ (ಆ.18) ಪ್ರಾರಂಭವಾಗಲಿದೆ.
-ಏಜೆನ್ಸೀಸ್

https://www.vijayavani.net/kannadati-neha-shetty-is-one-of-the-finalist-in-siima