ಹೈದರಾಬಾದ್: ನಟಿ ಸಮಂತಾ ತಮ್ಮ ಪತಿ ನಾಗಚೈತನ್ಯರಿಂದ ವಿಚ್ಛೇದನ ಪಡೆದ ಕಾರಣ ಈ ವರ್ಷ ಅತಿ ಹೆಚ್ಚು ಸುದ್ದಿಯಲ್ಲಿದ್ದ ಸೌತ್ ನಟಿಯಾಗಿದ್ದಾರೆ. ಜೊತೆಗೆ, ತಮಗೆ ಇಷ್ಟವಾದ ಸಿನಿಮಾಗಳಿಗೆ ಸಹಿ ಹಾಕುತ್ತಾ ಇನ್ನು ಹೆಚ್ಚು ಅಭಿಮಾನಿಗಳ ಗಮನ ಸೆಳೆಯುತ್ತಿದ್ದಾರೆ. ಟಾಲಿವುಡ್, ದಕ್ಷಿಣ ಭಾರತದ ಸಿನಿಮಾ, ಪ್ಯಾನ್ ಇಂಡಿಯಾ ಸಿನಿಮಾ ಮತ್ತು ಹಾಲಿವುಡ್ ಸಿನಿಮಾಗಳಿಗೂ ನಟಿ ಸೈ ಎಂದಿದ್ದಾರೆ. ಆದರೆ, ಸಮಂತಾ‘ಪುಷ್ಪ‘ ಸಿನಿಮಾದಲ್ಲಿ ಐಟಂ ಹಾಡಿಗೆ ಒಪ್ಪಿಕೊಂಡಾಗ ಮಾತ್ರ ಸಮಂತಾ ಡೈಹಾರ್ಡ್ ಅಭಿಮಾನಿಗಳು ಚೂರು ಕಂಗಾಲಾದರು. ಆಗ ಕಂಗಾಲಾದ ಅಭಿಮಾನಿಗಳು ಈಗ ಸೂಪರ್ ಎಕ್ಸೈಟ್ ಆಗಿದ್ದಾರೆ. ಕಾರಣ ಏನು ಅಂತೀರಾ?
ಅಂದಹಾಗೆ, ‘ಪುಷ್ಪ‘ ಸಿನಿಮಾ ನೋಡಲು ನಟ ಅಲ್ಲು ಅರ್ಜುನ್, ನಟಿ ರಶ್ಮಿಕಾ ಮಂದಣ್ಣ ಅವರ ಅಭಿಮಾನಿಗಳು ಹೇಗೆ ಕಾದು ಕೂತಿದ್ದರೋ, ಹಾಗೆಯೇ ಸಮಂತಾಳ ಐಟಂ ಹಾಡನ್ನು ನೋಡಲು ಅವರ ಅಭಿಮಾನಿಗಳು ಕಾತುರರಾಗಿದ್ದರು. ಅಭಿಮಾನಿಗಳ ಕಾತುರಕ್ಕೆ ಒಂದು ಉಡುಗೊರೆಯಂತೆ ಇದೇ ಮೊದಲ ಭಾರಿ ಐಟಂ ಹಾಡಿನಲ್ಲಿ ನಟಿ ಸಮಂತಾ ಕಾಣಿಸಿಕೊಳ್ಳಲಿದ್ದು, ಆ ಹಾಡಿನ ಒಂದು ಲುಕ್, ಝಲಕ್ ಅನ್ನು ಚಿತ್ರತಂಡ ರಿಲೀಸ್ ಮಾಡಿದೆ. ಹೌದು, ಸಮಂತಾ ಐಟಂ ಹಾಡಿನಲ್ಲಿ ತೊಟ್ಟಿರುವ ಉಡುಪಿನಲ್ಲೊಂದು ಫೋಟೋ ಸದ್ಯ ಪಡ್ಡೆ ಹುಡುಗರ ನಿದ್ದೆ ಗೆಡಿಸಿದೆ. ಈ ಫೋಟೋದಲ್ಲಿ ನಟಿ ಸಮಂತಾಳ ಮಾದಕ ಲುಕ್ ಅಭಿಮಾನಿಗಳನ್ನು ನಶೆಯಲ್ಲಿ ತೆಲಿಸುವಂತಿದೆ.
ಜೊತೆಗೆ, ಕೆಲವೇ ಗಂಟೆಗಳ ಹಿಂದೆ ಮತ್ತೊಂದು ಫೋಟೋ ಬಿಡುಗಡೆಯಾಗಿತ್ತು. ಆ ಫೋಟೋದಲ್ಲಿ ಸಮಂತಾ ಸೊಂಟ ಬಳಕಿಸುತ್ತಿರುವುದು ಕಂಡುಬಂದಿದ್ದು, ನಟಿ ತುಂಬಾನೆ ಹಾಟ್ ಆಗಿ ಮಿಂಚುತಿದ್ದಾರೆ. ನಟಿಯ ಐಟಂ ಹಾಡಿನ ಒಂದಿಷ್ಟು ಸಾಲುಗಳು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ‘ಹೂ ಅಂತೀರಾ – ಊಹೂ ಅಂತೀರಾ‘ ಎಂಬ ಸಾಲು ಈ ಐಟಂ ಹಾಡಿನಲ್ಲಿ ಕೇಳಿಬರಲಿದೆ. ಅಲ್ಲು ಅರ್ಜುನ್ ಜೊತೆ ಸಮಂತಾ ಹೆಜ್ಜೆ ಹಾಕಿರುವ ಈ ಐಟಂ ಹಾಡು ಡಿ.10 ರಂದು ಬಿಡುಗಡೆಯಾಗಲಿದೆ. ಆದರೆ, ಅದು ಬರೀ ಲಿರಿಕಲ್ ವಿಡಿಯೋ. ಈ ಒಂದು ಹಾಡಿಗೆ ಸಮಂತಾ ಪಡೆದಿದ್ದು ಬರೋಬ್ಬರಿ 1.5 ಕೋಟಿ ಸಂಭಾವನೆ. ಅದೇನೆ ಇರಲಿ, ಸಮಂತಾ ಐಟಂ ಹಾಡಿನ ಪೂರ್ತಿ ಝಲಕ್ ನೋಡಬೇಕೆಂದರೆ ಅಭಿಮಾನಿಗಳು ಇನ್ನು ಕಾಯಬೇಕಿದೆ.