ಓಟಿಟಿ ರಿಲೀಸ್​​ಗೆ ರೆಡಿಯಾದ 'ಸಲಾರ್': ಈ ದಿನ ಸ್ಟ್ರೀಮಿಂಗ್​ ಸಾಧ್ಯತೆ!

ತೆಲಂಗಾಣ: ಸ್ಯಾಂಡಲ್​ವುಡ್ ಮೂಲಕ ಸಿನಿಮಾ ಇಂಡಸ್ಟ್ರಿಗೆ ಕಾಲಿಟ್ಟ ನಿರ್ದೇಶಕ ಪ್ರಶಾಂತ್ ನೀಲ್ ಸ್ಟಾರ್​ ಡೈರೆಕ್ಟರ್ ಆಗಿ ಮಿಂಚುತ್ತಿದ್ದಾರೆ. ಸಲಾರ್ ಸಿನಿಮಾ ಅದ್ಧೂರಿಯಾಗಿ ತೆರೆ ಕಂಡಿದೆ. ಈ ಮೂಲಕ ಪ್ರಶಾಂತ್​ ಹ್ಯಾಟ್ರಿಕ್ ಬ್ಲಾಕ್​ಬಸ್ಟರ್​ ನೀಡಿದ್ದಾರೆ.

ಇದನ್ನೂ ಓದಿ:ವಿರಾಟ್ ಕೊಹ್ಲಿ ಅಬ್ಬರದ​ ಬ್ಯಾಟಿಂಗ್ ಕಂಡು ವಾರ್ನಿಂಗ್​ ಕೊಟ್ಟ ಆಕಾಶ್​ ಚೋಪ್ರಾ​! ಆತಂಕದಲ್ಲಿ ಅಭಿಮಾನಿಗಳು

ಪ್ರಶಾಂತ್ ನೀಲ್, ಸಲಾರ್ ಸಿನಿಮಾ ದೇಶ-ವಿದೇಶಗಳಲ್ಲಿ ಸಖತ್ ಸದ್ದು ಮಾಡ್ತಿದೆ. 600 ಕೋಟಿಗೂ ಅಧಿಕ ಕಲೆಕ್ಷನ್​ ಮಾಡುವ ಮೂಲಕ ಪ್ಯಾನ್​ ಇಂಡಿಯಾದಲ್ಲಿ ಸದ್ದು ಮಾಡಿದೆ.

ತೆಲುಗು ನಟ ಪ್ರಭಾಸ್‌ಗೆ ಕೊನೆಗೂ ಭರ್ಜರಿ ಸಕ್ಸಸ್ ಸಿಕ್ಕಿದೆ. ಪ್ರಭಾಸ್​ ಅವರಿಗೆ ಬಾಹುಬಲಿ ಬಳಿಕ ಸಲಾರ್​ ಸೂಪರ್​ ಹಿಟ್​ ತಂದುಕೊಟ್ಟಿದೆ. ಕಳೆದ ವರ್ಷ ಡಿಸೆಂಬರ್​ 22 ರಂದು ತೆರೆಕಂಡ ಸಿನಿಮಾ ಈಗಲೂ ಸಿನಿಮಾ ಥಿಯೇಟರ್​ನಲ್ಲಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ರಿಲೀಸ್​ ಆಗಿ ಒಂದು ತಿಂಗಳು ಕಳೆಯುತ್ತಾ ಬರುತ್ತಿದ್ದಂತೆ ಸಿನಿಮಾದ ಓಟಿಟಿ ಸ್ಟ್ರೀಮ್​ ಬಗ್ಗೆ ಚರ್ಚೆ ಎಲ್ಲೆಡೆ ಆರಂಭವಾಗಿದೆ.

ಸಲಾರ್​ ಓಟಿಟಿ ರೈಟ್ಸ್​ನ್ನು ನೆಟ್​ಫ್ಲಿಕ್ಸ್​ ಸುಮಾರು 160 ಕೋಟಿ ರೂಪಾಯಿಗಳ ದಾಖಲೆ ಬೆಲೆಗೆ ಪಡೆದುಕೊಂಡಿದೆ. ಶೀಘ್ರದಲ್ಲೇ ತೆಲುಗು, ತಮಿಳು, ಮಲಯಾಳಂ ಮತ್ತು ಕನ್ನಡದಲ್ಲಿ ಸಿನಿಮಾ ಸ್ಟ್ರೀಮ್​ ಆಗಲಿದೆ ಎಂದು ನೆಟ್​ಫ್ಲಿಕ್ಸ್​ ಹೇಳಿದೆ. ನೆಟ್​ಫ್ಲಿಕ್ಸ್ ಹಿಂದಿನ ಆವೃತ್ತಿಯ ಹಕ್ಕುಗಳನ್ನು ಸಹ ಪಡೆದುಕೊಂಡಿದೆ ಎನ್ನಲಾಗಿದ್ದು, ಆದರೆ ಸ್ಟ್ರೀಮಿಂಗ್​ ವಿಳಂಬಗೊಳ್ಳುತ್ತಿದೆ. ಚಿತ್ರದ ಹಿಂದಿ ಆವೃತ್ತಿಯ ಓಟಿಟಿ ಪ್ಲಾಟ್‌ಫಾರ್ಮ್ ಅನ್ನು ತಯಾರಕರು ಇನ್ನೂ ಬಹಿರಂಗಪಡಿಸಿಲ್ಲ ಎಂದು ಟ್ವೀಟ್ ಮಾಡಿದೆ.

ಸಲಾರ್‌ನ ಒಟಿಟಿ ಬಿಡುಗಡೆ ದಿನಾಂಕವನ್ನು ಇನ್ನೂ ಅಧಿಕೃತವಾಗಿ ಘೋಷಿಸಬೇಕಾಗಿದ್ದರೂ, ಮೂಲಗಳ ಪ್ರಕಾರ ಗಣರಾಜ್ಯೋತ್ಸವ ದಿನದಂದು ಸಲಾರ್​ ಸಿನಿಮಾ ಓಟಿಟಿಯಲ್ಲಿ ರಿಲೀಸ್​ ಆಗಲಿದೆ ಎನ್ನಲಾಗುತ್ತಿದೆ. ಅದರೆ ಈ ಕುರಿತು ಅಧಿಕೃತ ಘೋಷಣೆ ಇನ್ನಷ್ಟೇ ಆಗಬೇಕಿದೆ.

https://www.vijayavani.net/bigg-boss-tamil-7-winner-archana-ravichandran-lifts-trophy-takes-home-rs-50-lakh