ಪ್ರಶ್ನೆ: ನಮ್ಮ ತಂದೆಗೆ ಮೂರು ಮಕ್ಕಳು. ನಾನು ಮಧ್ಯದವನು. ನಮ್ಮ ತಂದೆ ತಾಯಿ ಇಬ್ಬರನ್ನೂ 25 ವರ್ಷ ನಾನೇ ಸಾಕಿದ್ದೇನೆ. ಆದ್ದರಿಂದ ನಮ್ಮ ತಂದೆ ಅವರೇ ಸಂಪಾದಿಸಿದ ಮನೆ ಮತ್ತು ಎರಡು ಎಕರೆ ಜಮೀನನ್ನು ನನ್ನ ಹೆಸರಿಗೆ ವಿಲ್ ಮಾಡಿದ್ದಾರೆ. ವಿಲ್ ಟೈಪು ಮಾಡಿಸಿ ಅವರೇ ಸಹಿ ಮಾಡಿದ್ದಾರೆ . ಆದರೆ ಅದಕ್ಕೆ ಯಾರೂ ಸಾಕ್ಷಿಗಳೂ ಇಲ್ಲ. ವಿಲ್ ನೋಂದಣಿ ಆಗಿಲ್ಲ. ಬಿಳಿಯ ಕಾಗದದ ಮೇಲೆ ಟೈಪು ಆಗಿದೆ. ಈಗ ನಾನು ವಿಲ್ ಆಧಾರದ ಮೇಲೆ ಆಸ್ತಿ ನನ್ನ ಹೆಸರಿಗೆ ಖಾತೆ ಮಾಡಿಸಿಕೊಳ್ಳಲು ಹೋದರೆ ನನ್ನ ಅಣ್ಣ ಮತ್ತು ತಮ್ಮ ತಕರಾರು ಹಾಕಿದ್ದಾರೆ . ನಾನು ನನ್ನ ಆಸ್ತಿಯನ್ನು ಹೇಗೆ ರಕ್ಷಣೆ ಮಾಡಿಕೊಳ್ಳಬೇಕು? ದಯಮಾಡಿ ತಿಳಿಸಿ.
ಉತ್ತರ: ಯಾವುದೇ ವಿಲ್ ನೋಂದಣಿ ಆಗಬೇಕು ಎಂದು ಕಾನೂನಿನಲ್ಲಿ ಇಲ್ಲ. ಆದರೆ ನೋಂದಣಿ ಆಗಿದ್ದರೆ ಒಳ್ಳೆಯದು ಅಷ್ಟೆ. ನೋಂದಣಿ ಆಗಿರುವ ವಿಲ್ ಸಿಂಧುತ್ವದ ಬಗ್ಗೆ ತಕರಾರು ಬಂದಾಗ, ವಿಲ್ ನೋಂದಾಯಿತವಾಗಿದೆ ಎನ್ನುವ ಅಂಶ ಸ್ವಲ್ಪ ಮಟ್ಟಿಗೆ , ವಿಲ್ನ ಸಿಂಧುತ್ವವನ್ನು ಸಾಬೀತು ಪಡಿಸುವಲ್ಲಿ ಸಹಾಯ ಮಾಡುತ್ತದೆ . ವಿಲ್ ಬಿಳಿಯ ಕಾಗದದ ಮೇಲೆ ಇದ್ದರೂ ಚಿಂತೆಯಿಲ್ಲ. ಆದರೆ ಯಾವುದೇ ವಿಲ್ಗೆ ಕಡ್ಡಾಯವಾಗಿ ಇಬ್ಬರು ಸಾಕ್ಷಿಗಳು ಇರಲೇ ಬೇಕು. ಬಿಕ್ಲಂದಾರರು , ಅಂದರೆ ಯಾರು ವಿಲ್ ಬರೆದಿರುತ್ತಾರೋ ಅವರ ಸಹಿಯೂ ಇರಬೇಕು.
