ಧೈರ್ಯವಾಗಿರಿ, ಈಗಲ್ಲದಿದ್ದರೆ ಮುಂದೆ ಅವಕಾಶಗಳು ಹುಡುಕಿ ಬರುತ್ತವೆ ಎಂದ ಅವರು, ತಾವು ಆರಂಭದಲ್ಲಿ ಮಾಡೆಲಿಂಗ್ ಕ್ಷೇತ್ರಕ್ಕೆ ಬಂದಾಗ ಆದ ಕಹಿ ಅನುಭವವನ್ನು ಹಂಚಿಕೊಂಡರು. ನನಗೆ ಅವಕಾಶ ಕೊಡಲು ಒಬ್ಬರು ರೆಡಿ ಇದ್ದರು. ನಂತರ ಒಂದು ಶಾಟ್ ತೆಗೆದುಕೊಳ್ಳುತ್ತೇನೆ, ಅದರಿಂದ ನೀವು ಪ್ರಸಿದ್ಧರಾಗಬಹುದು, ಓಕೆನಾ ಅಂದರು. ನನಗೆ ತುಂಬಾ ಖುಷಿಯಾಯಿತು. ಓಕೆ ಅಂದೆ. ತಕ್ಷಣ ಮತ್ತೊಂದು ಕರೆ ಬಂತು. ಒಂದು ಲಕ್ಷ ರೂಪಾಯಿ ಕೊಡುತ್ತೇವೆ. ನೀವು ಆ ವ್ಯಕ್ತಿಯ ಜತೆ ಒಂದೇ ಒಂದು ದಿನ... ಎಂದು ಹೇಳಿದರು. ನನಗೆ ತುಂಬಾ ಶಾಕ್ ಆಗಿ ಅಲ್ಲಿಗೇ ಮಾಡೆಲಿಂಗ್ ನಿರ್ಧಾರ ಬಿಟ್ಟುಬಿಟ್ಟೆ ಎಂದರು. ನಾನು ಒಪ್ಪದ ಕಾರಣ, ನಿನ್ನ ಮೂಗು ಚೆನ್ನಾಗಿಲ್ಲ, ಅದು ಚೆನ್ನಾಗಿಲ್ಲ, ಇದು ಚೆನ್ನಾಗಿಲ್ಲ ಎನ್ನಲು ಶುರು ಮಾಡಿದರು. ನಾನು ಯಾವುದಕ್ಕೂ ತಲೆಕೆಡಿಸಿಕೊಳ್ಳಲಿಲ್ಲ. ನಂತರ ಕ್ರಮೇಣ ಯಾವುದೇ ರೀತಿಯ ಕಾಂಪ್ರಮೈಸ್ ಮಾಡಿಕೊಳ್ಳದೇ ಈ ಹಂತಕ್ಕೆ ಬಂದಿದ್ದೇನೆ. ಮಾಡೆಲಿಂಗ್, ಸಿನಿಮಾದಲ್ಲಿ ವಿಪುಲ ಅವಕಾಶ ಸಿಗುತ್ತಿವೆ ಎಂದರು.
