ಲಂಡನ್: ಮಕ್ಕಳ ಹುಟ್ಟುಹಬ್ಬ ಎಂದರೆ ಹಲವು ಮನೆಗಳಲ್ಲಿ ಸಂಭ್ರಮ ಮನೆಮಾಡಿರುತ್ತದೆ. ಮಕ್ಕಳಿಗೆ ಏನು ಸರ್ಪ್ರೈಸ್ ಗಿಫ್ಟ್ ಕೊಡಬೇಕು ಎಂದು ತಿಂಗಳುಗಳ ಮುಂಚೆಯೇ ಚಿಂತೆ ಮಾಡುವವರಿದ್ದಾರೆ. ಯಾರೂ ಕೊಡದ, ಮಕ್ಕಳಿಗೆ ತುಂಬಾ ಇಷ್ಟವಾಗುವ ಡಿಫರೆಂಟ್ ಗಿಫ್ಟ್ ಕೊಡಲು ಅನೇಕ ಮಂದಿ ಚಿಂತೆ ಮಾಡುವುದಿದೆ.
ಆದರೆ ಲಂಡನ್ನ ತಾಯಿಯೊಬ್ಬಳು ಮಗನಿಗೆ ನೀಡಿರುವ ಗಿಫ್ಟ್ ಇಡೀ ವಿಶ್ವಾದ್ಯಂತ ವೈರಲ್ ಆಗಿದ್ದು, ಮೆಚ್ಚುಗೆಗಳ ಮಹಾಪೂರವೇ ಹರಿದು ಬಂದಿದೆ.
ಅಷ್ಟಕ್ಕೂ ಅಂಥದ್ದೇನು ಗಿಫ್ಟ್ ಕೊಟ್ಟಿದ್ದಾಳೆಂದರೆ ಅದುವೇ ಕೇಕ್! ಕೇಕಾ ಎಂದು ಮೂಗುಮುರಿಯಬೇಡಿ. ಕೇಕಿನಲ್ಲೇನು ವಿಶೇಷತೆ ಇದೆ ಎಂದುಕೊಂಡ್ರಾ? ಬಗೆಬಗೆ ವಿನ್ಯಾಸದ, ಬಗೆಬಗೆ ರೂಪದ, ನಾನಾ ವಿಧದ ಕೇಕ್ಗಳನ್ನು ನೀವು ನೋಡಿರಬಹುದು. ಆದರೆ ಈ ಅಮ್ಮ ಕೊಟ್ಟಿರುವ ಕೇಕ್ ಇಷ್ಟೆಲ್ಲಾ ಪ್ರಚಾರಕ್ಕೆ ಬರಲು, ಇಷ್ಟೊಂದು ವೈರಲ್ ಆಗುವುದಕ್ಕೆ ಕಾರಣವಿದೆ.
ನೀನಾ ಎಂಬ ಈ ಅಮ್ಮ ತಮ್ಮ ಮಗ ಇವಾನ್ಸ್ಗೆ ನೀಡಿರುವ ಕೇಕ್ ತುಂಬಾ ವಿಶೇಷವಾಗಿದೆ. ಅದೇನೆಂದರೆ, ಇವಾನ್ಸ್ ಆನ್ಲೈನ್ ಗೀಳು ಹಚ್ಚಿಕೊಂಡವ. ಸದಾ ಆನ್ಲೈನ್ನಲ್ಲಿಯೇ ಶಾಪಿಂಗ್ ಮಾಡುತ್ತಿರುತ್ತಾನಂತೆ. ಆನ್ಲೈನ್ ಮೂಲಕ ತನಗೆ ಬೇಕಾದ ತಿನಿಸು ತರಿಸಿಕೊಳ್ಳುವುದು ಎಂದರೆ ಈತನಿಗೆ ಬಲು ಇಷ್ಟ.
ಇದೇ ಕಾರಣಕ್ಕೆ ನೀನಾ ಮಗನ ಇದೇ ಪ್ರೀತಿಯನ್ನು ತಮ್ಮ ಕೇಕ್ನಲ್ಲಿಯೂ ತೋರಿಸಿದ್ದಾರೆ. ಅದೇನೆಂದರೆ ಅಮೇಜಾನ್ ಆನ್ಲೈನ್ ಮೂಲಕ ಪಾರ್ಸೆಲ್ ಬಂದರೆ ಅದು ಯಾವ ರೀತಿಯಲ್ಲಿ ಕಾಣಿಸುವುದೋ, ಥೇಟ್ ಅದೇ ರೀತಿಯ ಕೇಕ್ ತಯಾರಿಸಿದ್ದಾರೆ.
ಬೆಳಗ್ಗೆ ಎದ್ದೊಡನೆಯೇ ಮಗನ ಎದುರು ಈ ಕೇಕ್ ಇಟ್ಟಿದ್ದಾರೆ. ಅದನ್ನು ನೋಡಿದ ಮಗ, ಇದು ಅಮೆಜಾನ್ ಪಾರ್ಸಲ್ ಇರಬಹುದೆಂದೇ ಭಾವಿಸಿದ್ದಾನೆ. ಇದರನ್ನೇನು ವಿಶೇಷ ಎನ್ನಿಸಲಿಲ್ಲ ಆತನಿಗೆ. ಆದರೆ ಸೂಕ್ಷ್ಮವಾಗಿ ಗಮನಿಸಿದ ಬಳಿಕ ಆತನೇ ಶಾಕ್ ಆಗಿದ್ದಾನೆ. ಏಕೆಂದರೆ ಮೇಲಿನದ್ದು ರಟ್ಟಿನ ಬಾಕ್ಸ್ ಆಗಿರದೇ, ಅದು ರಟ್ಟಿನ ರೂಪದ ಕೇಕ್ ಆಗಿತ್ತು. ಮೇಲೆ ಅಮೇಜಾನ್ ಎಂದು ಬರೆದಿದ್ದು ಅದು ಕೂಡ ಕೇಕೇ ಆಗಿದ್ದು ಕಂಡು ಸಿಕ್ಕಾಪಟ್ಟೆ ಖುಷಿಯಾಗಿದ್ದಾನೆ.
ಅಂದ ಹಾಗೆ ನೀನಾ ವೃತ್ತಿಪರ ಕೇಕ್ ಡಿಸೈನರ್ ಆಗಿದ್ದು, ಕ್ಯಾಬಿನ್ ಎಂಬ ಬೇಕರಿಯನ್ನೂ ನಡೆಸುತ್ತಿದ್ದಾರೆ. ಮಗನ 24ನೇ ವರ್ಷದ ಜನ್ಮ ದಿನಕ್ಕೆ ಏನಾದರೊಂದು ವಿಶೇಷವಾದ ಸಪ್ರೈಸ್ ನೀಡಬೇಕು ಎಂದಿಕೊಂಡಿದ್ದ ತಾನು ಮಗನ ಆನ್ಲೈನ್ ಹುಚ್ಚಿಗೆ ಅಂಥದ್ದೇ ಏನಾದರೂ ಉಡುಗೊರೆ ನೀಡಬೇಕು ಎಂದು ಹೀಗೆ ಮಾಡಿದೆ ಎನ್ನುತ್ತಾರೆ ನೀನಾ.
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ಸ್ ಮಾಡಿ
ಪತಿಗೆ ಗೊತ್ತಿಲ್ಲದಂತೆ ಆಗಾಗ್ಗೆ ನನ್ನನ್ನು ಸೇರಲು ಒಪ್ಪಿದ್ದಾಳೆ- ಇದು ತಪ್ಪೋ, ಸರಿಯೊ?
ನಂಗೆ ಬಿಟ್ಟು ನೀನ್ಯಾಕೆ ಬಂದ್ಯಲೆ… ನಾ ಬಂದ್ರೆ ನಿಂಗೆ ಏನಾಯ್ತಲೇ… ಇಬ್ಬರು ಚಾಲಕರ ಜಗಳದಲ್ಲಿ ಬಸ್ಸಾಯ್ತು ಸೀಜ್!
ಏನು ಬೇಕಾದ್ರೂ ಕೊಡ್ತೀನಿ, ಮಜಾ ಮಾಡೋಣ ಬಾ ಎಂದ ಸರ್ಕಾರಿ ಆಸ್ಪತ್ರೆ ನೌಕರ- ದೂರು ದಾಖಲು
ತಾಳಿ ಕಟ್ಟುವ ಮೊದಲು ಬಾಲಕಿಗೆ ಜೀವದಾನ- ಮದುಮಗನಿಂದ ನಡೆಯಿತು ಒಂದು ಅಪೂರ್ವ ಕಾರ್ಯ