ಪಿತ್ರಾರ್ಜಿತವಾಗಿ ಬಂದಿರುವ ಆಸ್ತಿಯ ವಿಲ್‌ ಮಾಡದೇ ಸತ್ತರೆ ಅದು ಯಾರ ಪಾಲಾಗುತ್ತದೆ?

ಉತ್ತರ: ತಂದೆ ಸ್ವಯಾರ್ಜಿತವಾಗಿ ಸಂಪಾದಿಸಿದ್ದ ಆಸ್ತಿ ಅವರ ಮರಣಾನಂತರ ನಿಮಗೆ ಬಂದಿದ್ದರೆ, ಆಗ, ಆ ಆಸ್ತಿಯೂ ನಿಮ್ಮ ವೈಯಕ್ತಿಕ, ಪ್ರತ್ಯೇಕ ಆಸ್ತಿ ಆಗುತ್ತದೆ. ಅದನ್ನೂ ನೀವು ನಿಮ್ಮ ಜೀವಿತ ಕಾಲದಲ್ಲಿ ಯಾರಿಗೆ ಬೇಕಾದರೂ ಕ್ರಯ ಅಥವಾ ದಾನ ಮಾಡಬಹುದು.

ನೀವು ಪರಭಾರೆ ಮಾಡದೇ ಹಾಗೇ ಆಸ್ತಿ ಉಳಿಸಿ ನಿಧನರಾದರೆ, ಆಗ ನಿಮ್ಮ ತಂದೆಯಿಂದ ನಿಮಗೆ ಬಂದ ಆಸ್ತಿ ನಿಮ್ಮ ಹೆಂಡತಿ ಮತ್ತು ನಿಮ್ಮ ಮಕ್ಕಳಿಗೆ ಸಮವಾಗಿ ಪಾಲಾಗುತ್ತದೆ. ಬೇಕಿದ್ದರೆ ನೀವು ಈಗಲೇ ಈ ಆಸ್ತಿಯನ್ನು ಸಹ ಯಾರಿಗೆ ಬೇಕೋ ಅವರಿಗೆ ವಿಲ್ ಸಹ ಮಾಡಬಹುದು.

ಒಂದು ವೇಳೆ ನಿಮಗೆ ನಿಮ್ಮ ತಂದೆಯಿಂದ ಬಂದ ಆಸ್ತಿ, ನಿಮ್ಮ ತಂದೆಗೆ, ಅವರ ಅಜ್ಜನಿಂದ ಬಂದ ಆಸ್ತಿ ಆಗಿದ್ದರೆ ಆಗ ಆ ಆಸ್ತಿಯಲ್ಲಿ ನಿಮ್ಮ ಮಕ್ಕಳಿಗೂ ಪಾಲು ಇರುತ್ತದೆ. ಆಗ ನಿಮ್ಮ ಪಾಲನ್ನು ಮಾತ್ರ ನೀವು ಬೇಕಾದವರಿಗೆ ವಿಲ್ ಮಾಡಬಹುದು.

ಕಾನೂನಿಗೆ ಸಂಬಂಧಿಸಿದ ಇತರ ಪ್ರಶ್ನೋತ್ತರಗಳಿಗಾಗಿ ಈ ಲಿಂಕ್​ ಕ್ಲಿಕ್ಕಿಸಿ   https://www.vijayavani.net/category/%e0%b2%a8%e0%b3%8d%e0%b2%af%e0%b2%be%e0%b2%af%e0%b2%a6%e0%b3%87%e0%b2%b5%e0%b2%a4%e0%b3%86/

https://www.vijayavani.net/s-nyayadevate-07-12-2020/

https://www.vijayavani.net/s-nyayadevate-ganda-courge/

https://www.vijayavani.net/s-appana-kelasa-ammanige-sikkare/