ಮುಸ್ಲಿಂ ಯುವಕನಿಂದ ಮೊದಲ ಕ್ರಿಸ್​ಮಸ್​ ವೈರಲ್​- ಟ್ವಿಟರ್​ನಲ್ಲಿ ಶ್ಲಾಘನೆಗಳ ಮಹಾಪೂರ

ಹಿಂದೂ- ಮುಸ್ಲಿಮರು ಸೇರಿ ಅನೇಕ ಹಬ್ಬಗಳನ್ನು ಒಟ್ಟಿಗೇ ಮಾಡುವ ಸಂಪ್ರದಾಯ ಹಲವು ಊರುಗಳಲ್ಲಿ ಕಾಣಸಿಗುತ್ತದೆ. ಹಿಂದೂಗಳು ಮುಸ್ಲಿಮರ ಹಬ್ಬವನ್ನು, ಮುಸ್ಲಿಮರು ಹಿಂದೂಗಳ ಹಬ್ಬವನ್ನು ಜತೆಜತೆಯಲ್ಲಿಯೇ ಸೇರಿ ಆಚರಿಸಿ ಭಾತೃತ್ವ ಮೆರೆಯುವುದು ತಲೆತಲಾಂತರಗಳಿಂದಲೂ ನಡೆದುಬಂದಿದೆ.

ಆದರೆ ಇಲ್ಲೊಂದು ಅಪರೂಪದ ಪ್ರಕರಣದಲ್ಲಿ, ಮುಸ್ಲಿಂ ವ್ಯಕ್ತಿಯೊಬ್ಬರು ಕ್ರಿಸ್​ಮಸ್​ ಸಂಭ್ರವವನ್ನು ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದು, ಇದು ತಮ್ಮ ಜೀವನದ ಮೊದಲ ಕ್ರಿಸ್​ಮಸ್​ ಎಂದು ಬರೆದುಕೊಂಡಿದ್ದಾರೆ. ಇದು ಸಾಮಾಜಿಕ ಜಾಲತಾನದಲ್ಲಿ ಸಕತ್​ ವೈರಲ್​ ಆಗಿದ್ದು, ಶ್ಲಾಘನೆಗಳ ಮಹಾಪೂರವೇ ಹರಿದುಬರುತ್ತಿದೆ.

ಕೆನಡಾದಲ್ಲಿರುವ ಮೊಹಮ್ಮದ್ ಹುಸೇನ್ ಡಿಸೆಂಬರ್‌ 20ರಂದು ಈ ಟ್ವೀಟ್ ಮಾಡಿದ್ದಾರೆ. ಕರೊನಾ ಹಿನ್ನೆಲೆಯಲ್ಲಿ ನನ್ನ ತವರಿಗೆ ಹೋಗಲು ಸಾಧ್ಯವಾಗುತ್ತಿಲ್ಲ. ಕ್ರಿಸ್‌ಮಸ್‌ ಬಗ್ಗೆ ತನ್ನೆಲ್ಲಾ ಚಿಂತನೆಗಳನ್ನು ಈ ಮೂಲಕ ಹಂಚಿಕೊಳ್ಳುತ್ತಿದ್ದೇನೆ ಎಂದು ಬರೆದಿದ್ದಾರೆ. ಜತೆಗೆ ಕ್ರಿಸ್​ಮಸ್​ ಟ್ರೀ ಯನ್ನು ಅವರು ಟ್ವಿಟರ್​ನಲ್ಲಿ ಶೇರ್​ ಮಾಡಿದ್ದಾರೆ.

ನನ್ನದು ಮುಸ್ಲಿಂ ಕುಟುಂಬ. ಇದುವರೆಗೆ ಒಮ್ಮೆಯೂ ಕ್ರಿಸ್‌ಮಸ್ ಆಚರಿಸಿಲ್ಲ. ಈ ವರ್ಷ ಕೋವಿಡ್​ನಿಂದಾಗಿ ಇಲ್ಲೇ ಇರಬೇಕಾಗಿ ಬಂದಿದೆ. ಆದ್ದರಿಂದ ನನ್ನ ಸ್ನೇಹಿತರಿಂದ ಕ್ರಿಸ್‌ಮಸ್ ಆಚರಿಸುವುದು ಹೇಗೆ ಎಂದು ಕಲಿಯುತ್ತಿದ್ದೇನೆ ಎಂದು ಮೊಹಮ್ಮದ್ ಹೇಳಿಕೊಂಡಿದ್ದಾರೆ.

ನವೆಂಬರ್‌ ಮಧ್ಯದಿಂದ ಆರಂಭಗೊಂಡು ಜನವರಿ ಆರಂಭದವರೆಗೂ ಸಾಗುವ ಕ್ರಿಸ್‌ಮಸ್ ವೈಭವದ ವಿವಿಧ ಮಜಲುಗಳ ಬಗ್ಗೆ ಮೊಹಮ್ಮದ್ ಟ್ವೀಟ್‌ನಲ್ಲಿ ಹಂಚಿಕೊಂಡಿದ್ದಾರೆ.

https://www.vijayavani.net/s-mamata-opened-door-to-bjp-with-tmc-bjp-alliance/

https://www.vijayavani.net/s-mumbai-ulemas-say-no-to-chinese-vaccine-with-pork-gelatin/

https://www.vijayavani.net/s-pakistan-court-orders-immediate-release-of-terrorist-omar-saeed-sheikh/

https://www.vijayavani.net/s-udyogamitra-engineering/