VIDEO: ಇಂಟರ್​ಕೋರ್ಸ್​ ಮಾಡಿಲ್ಲ ಅಂತ ಯಾವ್ ಬಾಯಲ್ಲಿ ಹೇಳ್ತಾನ್ರಿ...? ಪರೀಕ್ಷೆ ಮಾಡ್ತಾರೆ, ತಪ್ಪಿಸಿಕೊಳ್ಳೋದು ಸಾಧ್ಯನೇ ಇಲ್ಲ...

ಬೆಂಗಳೂರು: ಅಲ್ಲಾರಿ... ಇಂಟರ್​ಕೋರ್ಸ್​ ಆಗೇ ಇಲ್ಲ ಅಂತ ಯಾವ ಬಾಯಲ್ಲಿ ಹೇಳ್ತಾನ್ರಿ... ವೈದ್ಯಕೀಯ ಪರೀಕ್ಷೆ ಮಾಡಿದ್ರೆ ಎಲ್ಲಾ ಹೊರಕ್ಕೆ ಬರುತ್ತೆ. ಸಚಿವನೇ ಆಗಿರಲಿ... ಎಂಥ ಪ್ರಭಾವಿಯೇ ಆಗಿರಲಿ... ಮೆಡಿಕಲ್​ ಎಕ್ಸಾಮ್​ನಿಂದ ತಪ್ಪಿಸಿಕೊಳ್ಳಲು ಸಾಧ್ಯನೇ ಇಲ್ಲ...

ಹೀಗೆಂದು ಹೇಳಿದವರು ಸಿಡಿಕೇಸ್​ನಲ್ಲಿ ಸಿಲುಕಿರುವ ಯುವತಿಯ ಪರ ವಕೀಲ ಮಂಜುನಾಥ್​ ಅವರು. ಸೋಮವಾರ (ಮಾರ್ಚ್​ 29) ನ್ಯಾಯಾಧೀಶರ ಮುಂದೆ ಯುವತಿಯನ್ನು ಹಾಜರು ಪಡಿಸಲು ಸಿದ್ಧತೆ ನಡೆಸಿರುವ ವಕೀಲರಾದ ಮಂಜುನಾಥ್​ ಹಾಗೂ ಜಗದೀಶ್​ ಅವರು, ಫೇಸ್​ಬುಕ್​ ಲೈವ್​ನಲ್ಲಿ ಈ ವಿಷಯವನ್ನು ಪ್ರಸ್ತಾಪಿಸಿದ್ದಾರೆ.

ಸದ್ಯ ಸಿಡಿ ಪ್ರಕರಣದಲ್ಲಿ ಅತ್ಯಾಚಾರ ಹಾಗೂ ಎಕ್ಸ್​ಟಾರ್ಷನ್​ ಎರಡು ಕೇಸು ದಾಖಲಾಗಿದ್ದು, ಇವೆರಡನ್ನೂ ಒಂದೇ ತನಿಖಾಧಿಕಾರಿಗಳು ನಡೆಸಲು ಸಾಧ್ಯವೇ ಇಲ್ಲ. ಈ ಪ್ರಕರಣದಲ್ಲಿ ಸತ್ಯ ಮುಚ್ಚಿಹೋಗಲು ಪ್ರಯತ್ನ ನಡೆಯುತ್ತಿದೆ. ನಿಜಾಂಶ ಹೊರಕ್ಕೆ ಬರುತ್ತಿಲ್ಲ. ಯುವತಿಯ ಮೇಲೆ ಅತ್ಯಾಚಾರ ನಡೆದಿರುವ ಸತ್ಯವನ್ನು ಮುಚ್ಚಿಹಾಕಲಾಗುತ್ತದೆ ಎಂದು ವಕೀಲರು ಆರೋಪ ಮಾಡಿದ್ದಾರೆ.

ಐಪಿಸಿಯ 164ನೇ ಕಲಮಿನ ಅನ್ವಯ ಯುವತಿ ಕೋರ್ಟ್​ಗೆ ಬಂದು ಕಟಕಟೆಯಲ್ಲಿ ನಿಂತು ಸತ್ಯ ಹೇಳಲು ಒಪ್ಪಿಕೊಂಡಿದ್ದಾಳೆ. ಹೀಗೆ ಮಾಡಲು ನ್ಯಾಯಾಧೀಶರು ಅನುಮತಿ ನೀಡಿದರೆ, ಸಂಪೂರ್ಣ ಸತ್ಯ ಬಯಲಾಗುತ್ತದೆ. ಇದು ಅತ್ಯಾಚಾರದ ಕೇಸ್​ ಆಗಿರುವ ಹಿನ್ನೆಲೆಯಲ್ಲಿ ಇನ್​ಕ್ಯಾಮೆರಾ ಪ್ರೊಸೀಡಿಂಗ್ಸ್​ (ನ್ಯಾಯಾಧೀಶರ ಕೊಠಡಿಯ ಒಳಗೆ- ಸಾರ್ವಜನಿಕವಾಗಿ ಅಲ್ಲದ ವಿಚಾರಣೆ) ನಡೆಯುತ್ತದೆ ಎಂದಿದ್ದಾರೆ.

ಇಂಥ ಸಂದರ್ಭದಲ್ಲಿ ಆರೋಪಿ ಎಷ್ಟೇ ಬಲಿಷ್ಠನಾಗಿದ್ದರೂ ವೈದ್ಯಕೀಯ ಪರೀಕ್ಷೆಗೆ ಒಳಪಡಲೇಬೇಕು, ಅದೇ ರೀತಿ ಯುವತಿಯನ್ನೂ ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ. ಆಗ ಅತ್ಯಾಚಾರ ಮಾಡಿದವರು, ಅತ್ಯಾಚಾರಕ್ಕೆ ಒಳಗಾದವರ ಸತ್ಯ ಗೊತ್ತಾಗುತ್ತದೆ ಎಂದು ವಕೀಲ ಮಂಜುನಾಥ್​ ಹೇಳಿದರು.

ತನ್ನ ಮೇಲೆ ಅತ್ಯಾಚಾರ ಆಗಿರುವುದಾಗಿ ಯುವತಿ ಕೊಟ್ಟಿರುವ ದೂರು ಗಂಭೀರ ಸ್ವರೂಪದ್ದು ಆಗಿರುವ ಹಿನ್ನೆಲೆಯಲ್ಲಿ ಆರೋಪಿ ಯಾವುದೇ ರೀತಿಯಲ್ಲಿ ಪ್ರಭಾವ ಬೀರಿದರೂ ನ್ಯಾಯಾಲಯಕ್ಕೆ ಕೇಸ್​ ದಾಖಲು ಮಾಡಿದಾಗ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ವೈದ್ಯಕೀಯ ವರದಿ ಎಲ್ಲವನ್ನೂ ಬಿಚ್ಚಿಡಲಿದೆ ಎಂದಿದ್ದಾರೆ.

ಇಬ್ಬರು ವಕೀಲರು ಮಾತನಾಡಿರುವ ವಿಡಿಯೋ ಲಿಂಕ್​ ಇಲ್ಲಿದೆ ಕೇಳಿ...

https://www.vijayavani.net/s-siddaramaiah-on-cdlady-case/

https://www.vijayavani.net/s-cdlady-court-tomorrow/

https://www.vijayavani.net/s-cd-case-dkshi-and-cdlady/

https://www.vijayavani.net/s-congress-against-jarakohilo-protest/