ಡ್ರಗ್ಸ್​ ದಂಧೆ ತನಿಖೆ: ಪೊಲೀಸ್​ ಬೆಂಗಾವಲು ವಾಹನದ ಮೇಲೆ ಗುಂಡಿನ ದಾಳಿ- 11 ಅಧಿಕಾರಿಗಳ ಹತ್ಯೆ!

ಮೆಕ್ಸಿಕೋ: ಮಾಕದ ದ್ರವ್ಯ ಮಾಫಿಯಾದ ಕುರಿತು ತನಿಖೆ ನಡೆಸಲು ಹೋಗಿದ್ದ ಪೊಲೀಸ್ ಬೆಂಗಾವಲು ವಾಹನದ ಮೇಲೆ ಗುಂಡಿನ ದಾಳಿ ನಡೆದಿರುವ ಭಯಾನಕ ಘಟನೆ ಮೆಕ್ಸಿಕೋದಲ್ಲಿ ನಡೆದಿದೆ.

ಘಟನೆಯಲ್ಲಿ ಎಂಟು ಮಂದಿ ಪೊಲೀಸರು ಮತ್ತು ಮೂವರು ಪ್ರಾಸಿಕ್ಯೂಷನ್ ಅಧಿಕಾರಿಗಳು ಮೃತಪಟ್ಟಿದ್ದಾರೆ. ಇಲ್ಲಿಗೆ ಸಮೀಪದ ಮೈಕೋವಕಾನ್​ನಲ್ಲಿ 2019ರಲ್ಲಿ ಬಂದೂಕುಧಾರಿಗಳು ಹೊಂಚು ಹಾಕಿ 14 ಪೊಲೀಸರನ್ನು ಕೊಂದಿದ್ದರು. ಅದಾದ ಮೇಲೆ ನಡೆದಿರುವ ಅತಿ ದೊಡ್ಡ ಹತ್ಯಾಕಾಂಡ ಇದಾಗಿದೆ.

ಈ ಭಾಗದಲ್ಲಿ ಮಾದಕ ವ್ಯಸನ ಜಾಲ ಹೆಚ್ಚಾಗಿದೆ. ಅದನ್ನು ಬೆನ್ನಟ್ಟಿ ಹೋದ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ. ಆರೋಪಿಗಳಿಗಾಗಿ ಶೋಧನಾಕಾರ್ಯ ನಡೆದಿದೆ.

ಸೈನಿಕರು, ನೌಕಾಪಡೆಯವರು ಮತ್ತು ರಾಷ್ಟ್ರೀಯ ಗಾರ್ಡ್ ಪಡೆಗಳ ನೇತರತ್ವದಲವಲಿ ಹತ್ಯಾಕಾಂಡ ನಡೆಸಿರುವವರಿಗೆ ಶೋಧ ಕಾರ್ಯ ನಡೆಸಲಾಗುತ್ತಿದೆ ಎಂದು ರಾಜ್ಯ ಸಾರ್ವಜನಿಕ ಸುರಕ್ಷತಾ ವಿಭಾಗದ ಮುಖ್ಯಸ್ಥ ರೊಡ್ರಿಗೋ ಮಾರ್ಟಿನೆಜ್ ಸೇಲಿಸ್ ಹೇಳಿದ್ದಾರೆ.

ಡ್ರಗ್​ ಮಾಫಿಯಾ ಬಹು ಜೋರಾಗಿದ್ದು, ಅವರ ತನಿಖೆಗೆಂದು ಈ ತಂಡ ಹೋಗಿತ್ತು. ಈ ಸಂದರ್ಭದಲ್ಲಿ ಬಂದೂಕುಧಾರಿಗಳಿಂದ ದಾಳಿ ನಡೆದಿದೆ ಎಂದು ಅವರು ಹೇಳಿದರು. ಈ ಆಕ್ರಮಣವು ಮೆಕ್ಸಿಕನ್ ಸರ್ಕಾರದ ಮೇಲಿನ ಆಕ್ರಮಣವಾಗಿದೆ. ನಮ್ಮೆಲ್ಲ ಶಕ್ತಿ ಒಟ್ಟುಗೂಡಿಸಿ ಮರು ದಾಳಿ ನಡೆಸುವುದಾಗಿ ಅವರು ತಿಳಿಸಿದ್ದಾರೆ.

https://www.vijayavani.net/s-nandondukathe-ammanigagi-preetiyanne/

https://www.vijayavani.net/s-madhya-pradesh-high-court-order-directing-accused-to-get-rakhi-tied/

https://www.vijayavani.net/s-supari-by-wife-and-son-arrest/