ವೆಂಕಯ್ಯ ನಾಯ್ಡು ನಂತರ ಆರ್​ಎಸ್​ಎಸ್​ ಮುಖ್ಯಸ್ಥರ ಟ್ವಿಟ್ಟರ್​ ಖಾತೆಯ ನೀಲಿ ಬ್ಯಾಡ್ಜ್​ ಮಾಯ!

ನವದೆಹಲಿ: ದೇಶದ ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು ಅವರ ಟ್ವಿಟ್ಟರ್​ ಖಾತೆಯ ನೀಲಿ ಬ್ಯಾಡ್ಜ್​ ಮಾಯವಾಗಿ ಮತ್ತೆ ಸೇರ್ಪಡೆಯಾದ ಸುದ್ದಿ ಇಂದು ಬೆಳಗ್ಗೆಯಿಂದ ಎಲ್ಲೆಡೆ ಓಡಾಡುತ್ತಿದೆ. ಅದಕ್ಕೆ ಟ್ವಿಟ್ಟರ್​ ಸ್ಪಷ್ಟನೆಯನ್ನೂ ನೀಡಿದ್ದಾಗಿ. ಇದೀಗ ದೇಶದ ಮತ್ತೋರ್ವ ಗಣ್ಯರಾದ ಆರ್​ಎಸ್​ಎಸ್​ ಮುಖ್ಯಸ್ಥ ಮೋಹನ್​ ಭಾಗವತ್​ ಅವರ ಟ್ವಿಟ್ಟರ್​ ಖಾತೆಯ ನೀಲಿ ಬ್ಯಾಡ್ಜ್​ ಕೂಡ ಕಾಣೆಯಾಗಿದೆ.

ಯಾವುದೇ ಗಣ್ಯರ ಟ್ವಿಟ್ಟರ್​ ಖಾತೆಯನ್ನು ಅಧಿಕೃತವೆಂದು ಗುರುತಿಸಲು ನೀಲಿ ಬ್ಯಾಡ್ಜ್​ ನೀಡಲಾಗುತ್ತದೆ. ಅದರಂತೆ ಮೋಹನ್​ ಭಾಗವತ್​ ಅವರ ಟ್ವಿಟ್ಟರ್​ ಖಾತೆಗೂ ನೀಲಿ ಬ್ಯಾಡ್ಜ್​ ನೀಡಲಾಗಿತ್ತು. ಆದರೆ 2019ರಲ್ಲಿ ಟ್ವಿಟ್ಟರ್​ ಸೇರಿದ ಮೋಹನ್​ ಭಾಗವತ್​ ಇದುವರೆಗೂ ಒಂದೇ ಒಂದು ಟ್ವೀಟ್​ನ್ನಾಗಲೀ ಅಥವಾ ಒಂದೇ ರಿಟ್ವೀಟ್​ ಆಗಲಿ ಮಾಡಿಲ್ಲ. ಯಾವ ಟ್ವೀಟ್​ಗಳಿಗೂ ಲೈಕ್​ ಕೂಡ ಕೊಟ್ಟಿಲ್ಲ. ಬ್ಲೂ ಬ್ಯಾಡ್ಜ್​ ಇರುವ ಈ ಖಾತೆ ಸಕ್ರಿಯವಾಗಿಲ್ಲದಿರುವುದನ್ನು ಗಮನಿಸಿರುವ ಟ್ವಿಟ್ಟರ್​ ಅವರ ಬ್ಲೂ ಬ್ಯಾಡ್ಜ್​ ಅನ್ನು ತೆಗೆದುಹಾಕಿದೆ. ಮೋಹನ್​ ಭಾಗವತ್​ ಅವರು ಟ್ವಿಟ್ಟರ್​ನಲ್ಲಿ 2.11ಲಕ್ಷಕ್ಕೂ ಅಧಿಕ ಹಿಂಬಾಲಕರನ್ನು ಹೊಂದಿದ್ದು, ಅವರು ಕೇವಲ ಆರ್​ಎಸ್​​ಎಸ್​ ಖಾತೆಯನ್ನು ಹಿಂಬಾಲಿಸುತ್ತಿದ್ದಾರೆ.

ಶನಿವಾರ ಬೆಳಗ್ಗೆಯೇ ವೆಂಕಯ್ಯ ನಾಯ್ಡು ಅವರ ಟ್ವಿಟ್ಟರ್​ ಖಾತೆಯ ಬ್ಲ್ಯೂ ಟಿಕ್​ ತೆಗೆದು ಮತ್ತೆ ಕೊಡಲಾಗಿತ್ತು. ತೆಗೆದುಹಾಕಿದ್ದಕ್ಕೆ ಕಾರಣ ನೀಡಿದ್ದ ಟ್ವಿಟರ್​, ವೆಂಕಯ್ಯ ನಾಯ್ಡು ಅವರ ಟ್ವಿಟರ್​ ಖಾತೆ ಬಹಳ ದಿನಗಳಿಂದ ನಿಷ್ಕ್ರಿಯಗೊಂಡಿದ್ದರಿಂದ ಅದನ್ನು ತೆಗೆಯಲಾಯಿತೇ ಹೊರತು ಬೇರೆ ಉದ್ದೇಶವಿಲ್ಲ ಎಂದು ಹೇಳುವ ಮೂಲಕ ಮತ್ತೆ ಬ್ಲೂ ಟಿಕ್​​ ಮಾರ್ಕ್​ ಅನ್ನು ಮರುಸ್ಥಾಪಿಸಿತ್ತು. (ಏಜೆನ್ಸೀಸ್)

https://www.vijayavani.net/twitter-restores-blue-tick-on-venkaiah-naidus-personal-handle-says-dropped-due-to-inactivity/

https://www.vijayavani.net/andhra-boy-whos-mother-requested-for-his-mercy-killing-dies-in-auto/

https://www.vijayavani.net/haryana-tuition-teacher-missing-with-student/