ಮತ್ತೆ ಶುರುವಾಯ್ತು 'ಆರ್​ಆರ್​ಆರ್​' ಶೂಟಿಂಗ್​ ... ಹಾಗಂತ ಖುಷಿಪಡಬೇಡಿ

ಹೈದರಾಬಾದ್​: ಎಸ್​.ಎಸ್​. ರಾಜಮೌಳಿ ನಿರ್ದೇಶನದ ಬಹುನಿರೀಕ್ಷಿತ 'ಆರ್​ಆರ್​ಆರ್​' ಚಿತ್ರದ ಚಿತ್ರೀಕರಣ ಇಂದಿನಿಂದ ಪುನಃ ಪ್ರಾರಂಭವಾಗಿದೆ. ಚಿತ್ರೀಕರಣ ಪ್ರಾರಂಭವಾಯ್ತು ಎಂದ ಮಾತ್ರಕ್ಕೆ ಇನ್ನು ಕೆಲವೇ ದಿನಗಳಲ್ಲಿ ಮುಗಿದು, ಆದಷ್ಟು ಬೇಗ ಪ್ರಾರಂಭವಾಗಬಹುದು ಎಂದು ಖುಷಿಪಡಬೇಡಿ.

ಇದನ್ನೂ ಓದಿ: ಸಂಭಾವನೆ ಕಡಿಮೆ ಮಾಡಿಕೊಂಡ ಶಾಹೀದ್​ … ಹೊಸ ಸಂಭಾವನೆ ಎಷ್ಟು?

'ಆರ್​ಆರ್​ಆರ್​' ಚಿತ್ರೀಕರಣವೇನೋ ಪ್ರಾರಂಭವಾಗಿರಬಹುದು. ಆದರೆ, ಸದ್ಯಕ್ಕೆ ಬಿಡುಗಡೆಯಾಗುವುದಿಲ್ಲ. ಏಕೆಂದರೆ, ಇದೊಂದು ಟ್ರಯಲ್​ ಶೂಟ್​ ಅಷ್ಟೇ. ಹೆಚ್ಚು ಜನರನ್ನಿಟ್ಟುಕೊಂಡು ಶೂಟಿಂಗ್​ ಮಾಡಬೇಕಾಗಿರುವುದರಿಂದ, ಯಾವುದೇ ಸಮಸ್ಯೆ ಇಲ್ಲದೆ ಹೇಗೆ ಮಾಡಬಹುದು ಎಂದು ಅರಿತುಕೊಳ್ಳುವುದಕ್ಕೆ 'ಆರ್​ಆರ್​ಆರ್​' ಚಿತ್ರತಂಡ ಇಂದಿನಿಂದ ಟ್ರಯಲ್​ ಶೂಟ್​ ಪ್ರಾರಂಭಿಸಿದೆ.

ಈ ಟ್ರಯಲ್​ ಶೂಟ್​ ಇರುವುದು ಈ ವಾರ ಮಾತ್ರ. ಆ ನಂತರ ಒಂದು ದೊಡ್ಡ ಗ್ಯಾಪ್​ ಕೊಡಲಾಗುತ್ತದಂತೆ. ದಸರಾ ಹಬ್ಬ ಮುಗಿದ ನಂತರ ಮತ್ತೆ ಚಿತ್ರೀಕರಣ ಪ್ರಾರಂಭವಾಗುವುದು ಎಂದು ಹೇಳಲಾಗುತ್ತಿದೆ. ಆಮೇಲೆ ಸ್ವಲ್ಪ ಸ್ವಲ್ಪ ಚಿತ್ರೀಕರಣ ಮಾಡಲು ಉದ್ದೇಶಿಸಿರುವ ಚಿತ್ರತಂಡ, ಜನವರಿಯಲ್ಲಿ ಕೊನೆಯ ಹಂತದ ಚಿತ್ರೀಕರಣ ಪ್ರಾರಂಭಿಸಲಿದೆಯಂತೆ. ಕೊನೆಯ ಹಂತದ ಚಿತ್ರೀಕರಣದಲ್ಲಿ ಜ್ಯೂನಿಯರ್​ ಎನ್​ಟಿಆರ್​, ರಾಮ್​ಚರಣ್​ ತೇಜ, ಅಜಯ್​ ದೇವಗನ್​ ಸೇರಿದಂತೆ ಎಲ್ಲಾ ಪ್ರಮುಖ ಕಲಾವಿದರು ಭಾಗವಹಿಸಲಿದ್ದಾರೆ ಎಂದು ಹೇಳಲಾಗುತ್ತದೆ.

ಇನ್ನು ಟ್ರಯಲ್​ ಶೂಟ್​ ಸಂದರ್ಭದಲ್ಲಿ ಭಾಗವಹಿಸಿರುವ ಕಲಾವಿದರು ಮತ್ತು ತಂತ್ರಜ್ಱರಿಂದ ಯಾವುದೇ ಸಮಸ್ಯೆ ಆಗಬಾರದು ಎಂಬ ನಿಟ್ಟಿನಲ್ಲಿ ಬಂಜಾರ ಹಿಲ್ಸ್​ ಮತ್ತು ಮಾಧಾಪುರದ ಹೋಟೆಲ್​ಗಳಲ್ಲಿ ಅವರಿಗೆ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗಿದೆಯಂತೆ. ಒಂದೊಮ್ಮೆ ಎಲ್ಲವೂ ಅಂದುಕೊಂಡಂತೆ ನಡೆದರೆ, ಮುಂದಿನ ದಿನಗಳಲ್ಲಿ ಬೇಗಬೇಗ ಚಿತ್ರೀಕರಣ ಮುಗಿಸುವ ಯೋಚನೆ ಚಿತ್ರತಂಡಕ್ಕಿದೆ.

ಇದನ್ನೂ ಓದಿ: ರಿಲೀಸ್​ ಆಯ್ತು ಅಕ್ಷಯ್​ ಕುಮಾರ್ ‘ಬೆಲ್​ಬಾಟಂ’ ಚಿತ್ರದ ಟೀಸರ್

ಈಗಾಗಲೇ ಚಿತ್ರ ಸಾಕಷ್ಟು ತಡವಾಗಿರುವುದರಿಂದ, ಆದಷ್ಟು ಬೇಗ ಚಿತ್ರದ ಕೆಲಸಗಳನ್ನೆಲ್ಲಾ ಮುಗಿಸಿ, ಮುಂದಿನ ವರ್ಷ ಜುಲೈ 30ಕ್ಕೆ ಚಿತ್ರ ಬಿಡುಗಡೆ ಮಾಡಿ ಎಂಬ ಅಭಿಯಾನವನ್ನು ಸೋಷಿಯಲ್​ ಮೀಡಿಯಾದಲ್ಲಿ ಮಾಡುತ್ತಿದ್ದಾರೆ.

https://www.vijayavani.net/dhruva-sarja-will-not-celebrating-his-birthday/