ಸಿನಿಮೀಯ ರೀತಿಯಲ್ಲಿ ಚಲಿಸುತ್ತಿರುವ ಟ್ರಕ್​ ಮೇಲೆ ಹತ್ತಿ ಕಳ್ಳತನ ಮಾಡಿದ ದರೋಡೆಕೋರರು! | Robbery

Robbery : ಮಹಾರಾಷ್ಟ್ರದ ಸೋಲಾಪುರ-ಧುಲೆ ಹೆದ್ದಾರಿಯ ರತ್ನಾಪುರ ಗ್ರಾಮದ ಬಳಿ ಇಬ್ಬರು ದರೋಡೆಕೋರರು ಚಲಿಸುವ ಟ್ರಕ್ ಮೇಲೆ ಹತ್ತಿ ಕಳ್ಳತನ ಮಾಡುತ್ತಿರುವ ದೃಶ್ಯ ಅಲ್ಲಿನ ಸ್ಥಳೀಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಇದು ನೋಡಲು ಸಿನಿಮೀಯ ದೃಶ್ಯಾವಳಿಗಳು ಕಂಡಂತೆ ಭಾಸವಾಗಿದೆ.

ಇದನ್ನೂ ಓದಿ: ನಯನತಾರಾ ಸಾಕ್ಷ್ಯಚಿತ್ರಕ್ಕೆ ಮತ್ತೊಂದು ಸಮಸ್ಯೆ! ದೃಶ್ಯಗಳನ್ನು ತೆಗೆದುಹಾಕಲು ಮೊಕದ್ದಮೆ.. Nayanthara

ವಿಡಿಯೋದಲ್ಲೇನಿದೆ?

ರಸ್ತೆಯಲ್ಲಿ ಚಲಿಸುತ್ತಿರುವ ಟ್ರಕ್ ಮೇಲೆ 6 ದರೋಡೆಕೋರರು ಹತ್ತಿ ಅದರಲ್ಲಿರುವ ವಸ್ತುಗಳನ್ನು ಕದಿಯುತ್ತಿರುವುದನ್ನು ನೋಡಬಹುದು. ಹಾಗೆಯೇ ಕದ್ದ ವಸ್ತುಗಳನ್ನು ಲಾರಿಯ ಹಿಂಬದಿ ಬರುವಂತಹ ಬೈಕ್​ ಸವಾರರಿಗೆ ಹಸ್ತಾಂತರಿಸುವುದನ್ನು ಈ ವಿಡಿಯೋದಲ್ಲಿ ನೋಡಬಹುದು.

https://www.vijayavani.net/i-have-to-go-home-indian-presenter-upasana-gill-seeks-help-from-indian-embassy

ಇನ್ನು ಘಟನೆಯ ವಿಡಿಯೋ ವೈರಲ್​ ಆದ ನಂತರ, ಧರಾಶಿವ್​ನ ಸ್ಥಳೀಯ ಅಪರಾಧ ವಿಭಾಗವು ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದು, ಇಲ್ಲಿಯವರೆಗೂ 6 ಕಳ್ಳರನ್ನು ಬಂಧಿಸಿದ್ದಾರೆ. ಇನ್ನು ಆರೋಪಿಗಳು ಯಾವ ವಸ್ತುಗಳನ್ನು ಕಳ್ಳತನ ಮಾಡಿದ್ದಾರೆ ಎಂದು ಪೊಲೀಸರು ಇಲ್ಲಿಯವರೆಗೂ ಮಾಹಿತಿ ನೀಡಿಲ್ಲ. ಆದಾಗ್ಯೂ, ಪೊಲೀಸರು ವಿಚಾರಣೆ ನಡೆಸುವ ಸಮಯದಲ್ಲಿ ಈ ಆರೋಪಿಗಳ ವಿರುದ್ಧ ಇದೇ ರೀತಿಯ ಹಲವಾರು ದೂರುಗಳು ವರದಿಯಾಗಿವೆ ಎಂದು ಎನ್​ಡಿ ಟಿವಿ ವರದಿ ಮಾಡಿದೆ.

ಇದನ್ನೂ ಓದಿ: ಫ್ರಾನ್ಸ್‌ ಪ್ರತಿಭಟನೆ; ಪೊಲೀಸರೊಂದಿಗೆ ಪ್ರತಿಭಟನಾಕಾರರ ಘರ್ಷಣೆ; 200 ಜನರ ಬಂಧನ| France Protest

ಈ ಘಟನೆಯ ಹೊರತಾಗಿ, ರಾಜ್ಯದ ಇತರ ಪ್ರದೇಶದಲ್ಲಿ ಇದೇ ರೀತಿಯ ಅನೇಕ ಪ್ರಕರಣಗಳು ವರದಿಯಾಗಿವೆ. ಅಲ್ಲಿ ರಾತ್ರಿಯಲ್ಲಿ ಟ್ರಕ್ ಚಾಲಕರನ್ನು ತಡೆದು, ಹಲ್ಲೆ ಮಾಡಿ, ಲೂಟಿ ಮಾಡಲಾಗಿದೆ ಎಂದು ವರದಿಯಾಗಿದೆ. (ಏಜೆನ್ಸೀಸ್​)

https://www.vijayavani.net/mp-sanjay-singh-condemned-the-arrest-of-aap-mla-mehraj-malik