ಬ್ರಿಟನ್ನ ರಾಜಕೀಯದಲ್ಲಿ ಗುರುತಿಸಿಕೊಂಡಿರುವ ರಿಷಿ ಅವರಿಗೆ ಅವರ ಆಸ್ತಿ ವಿವರವನ್ನು ಸರ್ಕಾರಕ್ಕೆ ಸಲ್ಲಿಸಲೇಬೇಕೆಂಬ ನಿಯಮವಿದೆ. ಅವರ ಜತೆಯಲ್ಲಿ ಬದುಕುವ ಅವರ ಪತ್ನಿ, ಮಕ್ಕಳು, ಅಕ್ಕ ತಂಗಿಯ ಆಸ್ತಿ ವಿವರವನ್ನೂ ಸಲ್ಲಿಸಬೇಕಾಗುತ್ತದೆ. ಅದರಂತೆ ಪತ್ನಿ ಅಕ್ಷತಾ ಅವರ ಆಸ್ತಿ ವಿವರವನ್ನು ರಿಷಿ ಸಲ್ಲಿಸಿದ್ದಾರೆ. ಆದರೆ ಇದರಲ್ಲಿ ಅನೇಕ ವಿವರವನ್ನು ಮುಚ್ಚಿಡಲಾಗಿದೆ. ಬ್ರಿಟನ್ನ ಕ್ಯಾಟಮರನ್ ವೆಂಚರ್ಸ್ ಸಂಸ್ಥೆಗೆ ಅಕ್ಷತಾ ಮಾಲೀಕರಾಗಿರುವುದಾಗಿ ಮಾತ್ರ ಉಲ್ಲೇಖಿಸಲಾಗಿದೆ ಎನ್ನಲಾಗಿದೆ. ಆದರೆ ಅಕ್ಷತಾ ಅವರಿಗೆ ತಂದೆಯ ಇನ್ಫೋಸಿಸ್ ಸಂಸ್ಥೆಯಲ್ಲಿ ಬಹುದೊಡ್ಡ ಪ್ರಮಾಣದ ಷೇರು ಇದೆ. ಈ ಷೇರಿನ ಮೊತ್ತ 4,200 ಕೋಟಿ ರೂಪಾಯಿಷ್ಟಿದೆ. ಬ್ರಿಟನ್ನ ರಾಣಿ ಎಲಿಜಬೆತ್ ಅವರ ಒಟ್ಟು ಆಸ್ಥಿ ಮೌಲ್ಯ 3,400 ಕೋಟಿ ರೂಪಾಯಿಷ್ಟಿದ್ದಾಗ ಅದಕ್ಕಿಂತ ಹೆಚ್ಚು ಮೌಲ್ಯದ ಷೇರನ್ನು ಅಕ್ಷತಾ ಒಂದೇ ಸಂಸ್ಥೆಯಲ್ಲಿ ಹೊಂದಿದ್ದಾರೆ. ಅದಲ್ಲದೆ ಅಮೇಜಾನ್ನಂತಹ 9 ದೊಡ್ಡ ಸಂಸ್ಥೆಗಳಲ್ಲಿ ಇವರ ಷೇರು ಇದೆ. ಈ ಯಾವುದೇ ಷೇರಿನ ಬಗ್ಗೆ ಆರ್ಥಿಕ ವರದಿಯಲ್ಲಿ ರಿಷಿ ಉಲ್ಲೇಖಿಸಿಲ್ಲ ಎನ್ನಲಾಗಿದೆ.
