ಚೆನ್ನೈ: ಅಪ್ಪ, ಮಗನಿಗೆ ಪ್ರೀತಿಯಿಂದ ಬೈಕ್ ಕೊಡಿಸಿದ್ದ. ವಯಸ್ಸಿಗೆ ಬಂದಿರುವ ಹುಡುಗ ಓಡಾಡಿಕೊಂಡು ಚೆನ್ನಾಗಿರಲಿ ಎಂದು ಆತ ಬಯಸಿದ್ದ. ಆದರೆ ಮಗ, ಬೈಕ್ನಲ್ಲಿ ಒಬ್ಬನೇ ಓಡಾಡದೆ ತನ್ನ ಪ್ರೇಯಸಿಯನ್ನೂ ಕೂರಿಸಿಕೊಂಡು ಓಡಾಡಲಾರಂಭಿಸಿದ್ದ. ಇದರಿಂದ ಸಿಟ್ಟಿಗೆದ್ದ ಅಪ್ಪ ಮಾಡಿದ್ದು ಮಾತ್ರ ಮಾಡಬಾರದ ಕೆಲಸ.
ಇದನ್ನೂ ಓದಿ: ರಸ್ತೆ ಅಭಿವೃದ್ಧಿಯಲ್ಲಿ ವಿಫಲ ಮತ್ತು ತಾರತಮ್ಯಕ್ಕೆ ಆಕ್ರೋಶ; ಚುನಾವಣೆ ಬಹಿಷ್ಕಾರಕ್ಕೆ ಮುಂದಾದ ಅರಿಗೇಪಲ್ಲಿ ಗ್ರಾಮಸ್ಥರು
ಕರ್ಣನ್ (52) ಆಟೋ ರಿಕ್ಷಾ ಓಡಿಸಿಕೊಂಡು ಜೀವನ ನಡೆಸುತ್ತಿದ್ದ. ಪ್ರೀತಿಯಿಂದ ಸಾಕಿದ್ದ ಮಗ ಅರುಣ್, ಬೇರೊಬ್ಬ ಹುಡುಗಿಯನ್ನು ಪ್ರೀತಿಸಿದ್ದಾನೆ. ಮನೆ ಬಿಟ್ಟ ಅರುಣ್ ಪ್ರೀತಿಸಿದ ಹುಡುಗಿಯೊಂದಿಗೆ ಲೀವ್ ಇನ್ ರಿಲೇಷನ್ಶಿಪ್ನಲ್ಲಿ ಇರಲಾರಂಭಿಸಿದ್ದಾನೆ. ಆಗಾಗ ಅರುಣ್ ತನ್ನ ಹುಡುಗಿಯೊಂದಿಗೆ ಬೈಕ್ನಲ್ಲಿ ಓಡಾಡುತ್ತಿದ್ದದ್ದನ್ನು ಕರ್ಣನ್ ನೋಡಿದ್ದಾನೆ. ಈ ಪ್ರೀತಿ ಬೇಡಪ್ಪಾ, ಅವಳನ್ನು ಬಿಟ್ಟು ಬಿಡು ಎಂದು ಬುದ್ಧಿ ಹೇಳಿದ್ದಾನೆ. ಆದರೆ ಮಗ ಆ ಮಾತನ್ನು ಕೇಳಿಲ್ಲ.
ಇದನ್ನೂ ಓದಿ: ನೀತಿ ಸಂಹಿತಿ ಉಲ್ಲಂಘನೆಯತ್ತ ಇರಲಿ ಎಚ್ಚರ; ಚುನಾವಣಾ ಸಿಬ್ಬಂದಿಗೆ ಜಿಲ್ಲಾಧಿಕಾರಿ ಲತಾ ತಾಕೀತು
ನಾನು ಕೊಡಿಸಿದ ಬೈಕಿನಲ್ಲಿ ನನ್ನ ಅನುಮತಿ ಇಲ್ಲದೆಯೇ ಹುಡುಗಿಯನ್ನು ಕೂರಿಸಿಕೊಂಡು ಓಡಾಡುತ್ತಿದ್ದಾನೆ ಎನ್ನುವ ಸಿಟ್ಟಿನಲ್ಲಿ ಕರ್ಣನ್ ಒಂದು ನಿರ್ಧಾರ ಮಾಡಿದ್ದಾನೆ. ಅಕ್ಟೋಬರ್ 14ರ ರಾತ್ರಿ ಮಗನಿದ್ದ ಮನೆಯ ಬಳಿ ಬಂದು ಅವನ ಬೈಕಿಗೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದ್ದಾನೆ. ಇದು ದ್ವೇಷದಿಂದ ಆಗಿರುವ ಘಟನೆ ಎಂದು ತಿಳಿಯದಿರಲಿ ಎಂದು ಆತನ ಬೈಕ್ನ ಅಕ್ಕ ಪಕ್ಕ ಇದ್ದ ಏಳು ಬೈಕ್ಗಳಿಗೂ ಬೆಂಕಿ ಹಚ್ಚಿದ್ದಾನೆ. ಒಂದೇ ಬಾರಿ ಎಲ್ಲ ಬೈಕ್ಗೆ ಬೆಂಕ ಹತ್ತಿರುವುದು ನೋಡಿ ಎಲ್ಲರೂ ಇದೊಂದು ಆಕಸ್ಮಿಕ ಘಟನೆ ಎಂದು ಸುಮ್ಮನಾಗಿದ್ದಾರೆ. ಆದರೆ ಇತ್ತೀಚೆಗೆ ಇನ್ನಷ್ಟು ಸಿಟ್ಟು ಹೆಚ್ಚಿಸಿಕೊಂಡ ಕರ್ಣನ್, ಮಗನ ಜತೆ ಇದ್ದ ಯುವತಿಗೆ ಕರೆ ಮಾಡಿ ಬೆದರಿಕೆ ಹಾಕಲಾರಂಭಿಸಿದ್ದಾನೆ. ಈ ವಿಚಾರವಾಗಿ ಯುವತಿ ಪೊಲೀಸ್ ದೂರು ದಾಖಲಿಸಿದ್ದು, ಕರ್ಣನ್ನನ್ನು ಬಂಧಿಸಿ ವಿಚಾರಣೆ ನಡೆಸುವಾಗ ನಡೆದ ಎಲ್ಲ ವಿಚಾರಗಳನ್ನು ಆತ ಬಾಯಿ ಬಿಟ್ಟಿದ್ದಾನೆ. (ಏಜೆನ್ಸೀಸ್)
ಇನ್ಸ್ಟಾಗ್ರಾಂ ಸ್ಟಾರ್ಗೆ 10 ವರ್ಷ ಜೈಲು! ವಿಚಿತ್ರವಾಗಿ ಕಾಣಲು ಹೋಗಿ ಜೈಲು ಸೇರಿದ ಯುವತಿ