ಡ್ರಗ್​ ಮಾಫಿಯಾ: ರಾಗಿಣಿ ಆ್ಯಂಡ್​ ಟೀಮ್​ಗೆ ಬಾಲಿವುಡ್​ನ ರಿಯಾ ಚಕ್ರವರ್ತಿಯ ನಂಟು!?

ಸ್ಯಾಂಡಲ್​ವುಡ್​ನಲ್ಲಿ ಡ್ರಗ್ ಮಾಫಿಯಾ ಬಗೆದಷ್ಟು ಆಳಕ್ಕಿಳಿಯುತ್ತಿದೆ. ದಿನದಿಂದ ದಿನಕ್ಕೆ ಹೊಸ ಹೊಸ ಬೆಳವಣಿಗೆಗಲಾಗುತ್ತಿದ್ದು, ಹೊಸ ಮುಖಗಳ ಎಂಟ್ರಿಯೂ ಆಗುತ್ತಿದೆ. ಇಷ್ಟು ದಿನ ಇಲ್ಲದ ರಾಗಿಣಿ ಮಾಜಿ ಪ್ರಿಯಕರ ಶಿವಪ್ರಕಾಶ್ ಹೆಸರು ನಿನ್ನೆಯಷ್ಟೇ ಪ್ರಕರಣದಲ್ಲಿ ತಳುಕು ಹಾಕಿಕೊಂಡಿದೆ. ಇದೀಗ ಇದೇ ಜಾಲ ಬಾಲಿವುಡ್​ ಜತೆಗೂ ಸಂಪರ್ಕದಲ್ಲಿದೆ ಎಂಬ ಶಂಕೆ ವ್ಯಕ್ತವಾಗಿದೆ.

ಇದನ್ನೂ ಓದಿ: ರಿಯಾ ಅಕ್ರಮ ಡ್ರಗ್ಸ್ ಖರೀದಿಸುತ್ತಿದ್ದರು; ಬಂಧನದ ಬಳಿಕ ಸುಶಾಂತ್​ ಮನೆಕೆಲಸದವ ಹೇಳಿದ ಸತ್ಯವಿದು

ಹೌದು, ಬಾಲಿವುಡ್​ನಲ್ಲಿ ಸುಶಾಂತ್​ ಸಿಂಗ್​ ಸಾವಿನ ಪ್ರಕರಣ ಇದೀಗ ಡ್ರಗ್​ ಮಾಫಿಯಾದ ಕರಾಳ ಮುಖವನ್ನು ಅನಾವರಣ ಮಾಡಿದೆ. ಸುಶಾಂತ್​ ಪ್ರೇಯಸಿ ರಿಯಾ ಚಕ್ರವರ್ತಿ ಡ್ರಗ್​ ಜಾಲದಲ್ಲಿ ಸಿಲುಕಿದ್ದಾರೆ. ಇದೀಗ ಬಾಲಿವುಡ್​ನ ಕೆಲ ಸೆಲೆಬ್ರಿಟಿಗಳಿಗೆ ಡ್ರಗ್​ ರವಾನೆ ಮಾಡುತ್ತಿದ್ದ ತಂಡವೇ, ಸಂಪಕರ್ದಲ್ಲಿದೆ ಎಂಬ ಮಾತುಗಳು ಎನ್​ಸಿಬಿ ತಂಡದಿಂದ ಕೇಳಿಬಂದಿದ್ದು, ಎರಡೂ ಪ್ರಕರಣಗಳನ್ನು ಹೋಲಿಕೆ ಮಾಡಿ ವಿಚಾರಣೆ ನಡೆಸಲಾಗುತ್ತಿದೆ.

ರಿಯಾ ಮತ್ತು ಸಹೋದರ ಶೋವಿಕ್​ಗೆ ಡ್ರಗ್​ ನೀಡುತ್ತಿದ್ದ, ತಂಡವೇ ಸ್ಯಾಂಡಲ್​ವುಡ್​ಗೂ ಡ್ರಗ್​ ಪೂರೈಕೆ ಮಾಡುತ್ತಿದ್ದರು ಎನ್ನಲಾಗುತ್ತಿದೆ. ಹಾಗಾದರೆ ರಾಗಿಣಿಯೂ ಈ ರಿಯಾ ಜತೆ ನಂಟು ಹೊಂದಿದ್ದರೇ ಎಂಬುದಕ್ಕೆ ಸದ್ಯಕ್ಕೆ ಉತ್ತರ ಇಲ್ಲ. ಸದ್ಯದ ಪ್ರಕರಣದ ಹಾದಿಯನ್ನು ನೋಡಿದರೆ ರಾಗಿಣಿಗೆ ರಿಯಾ ಜತೆ ಪರೋಕ್ಷವಾಗಿ ನಂಟಿತ್ತು ಎಂಬ ಸುದ್ದಿ ಹರಿದಾಡುತ್ತಿದೆ.

ಇದನ್ನೂ ಓದಿ: ನಾನು- ರಾಗಿಣಿ ಕ್ಲೋಸ್‌ ಕ್ಲೋಸ್‌: ಅರೆಸ್ಟ್‌ ಮಾಡಿ ಪ್ಲೀಸ್‌… ಸಿಸಿಬಿ ಕಚೇರಿಗೆ ಯುವಕನ ದೌಡು!

ಈಗಾಗಲೇ ರಾಗಿಣಿಯನ್ನು ಬಂಧಿಸಿರುವ ಎನ್​ಸಿಬಿ ತಂಡ, ತನಿಖೆ ಮುಂದುವರಿಸಿದೆ. (ಏಜೆನ್ಸೀಸ್​)

https://www.vijayavani.net/how-drugs-reached-sushant-singh-rajput/