ಈ R ಸಾಮಾನ್ಯ ಗ್ಯಾಂಗ್ಸ್ಟರ್ ಅಲ್ಲ. ಈತ ಬೆಂಗಳೂರು ಮಾತ್ರವಲ್ಲದೆ ಮುಂಬೈ, ದುಬೈಯಲ್ಲೂ ಹವಾ ಸೃಷ್ಟಿಸಿದ್ದ. ದುಬೈನಲ್ಲಿ ದಾವೂದ್ ಇಬ್ರಾಹಿಮ್ಗೂ ಈ R ಹಲವು ಬಾರಿ ಸಹಾಯ ಮಾಡಿದ್ದ. ಅಷ್ಟೇ ಏಕೆ ಪೊಲೀಸರು ಕೂಡ ಕೆಲವೊಮ್ಮೆ R ಸಹಾಯ ಪಡೆದಿದ್ದರು. ಮಾತ್ರವಲ್ಲ, ಈ Rಗೆ ಕೆಲವೊಮ್ಮೆ ಪೊಲೀಸರೂ ಹೆದರುತ್ತಿದ್ದರು. ಈ R ಜಗತ್ತಿನಲ್ಲಿ ಯಾರಿಗೂ ಹೆದರದ ಹಾಗೂ ಭಾರತದ ಅತ್ಯಂತ ಯಶಸ್ವಿ ಗ್ಯಾಂಗ್ಸ್ಟರ್ ಎಂದೆಲ್ಲ ಹಲವು ವಿವರಗಳನ್ನು ಹೇಳಿರುವ ರಾಮ್ಗೋಪಾಲ್ ವರ್ಮಾ, R ಯಾರು ಎಂಬುದನ್ನು ಪೂರ್ತಿಯಾಗಿ ಹೇಳಿಲ್ಲ. ಹೀಗಾಗಿ ಅಭಿಮಾನಿಗಳು R ಯಾರು ಎಂದು ಯೋಚಿಸುವಂತೆ ಮಾಡಿದೆ ಉಪ್ಪಿಯ ಮುಂದಿನ ಸಿನಿಮಾ. ಈ ಚಿತ್ರವು ಎ ಸ್ಕ್ವೇರ್ ಪ್ರೊಡಕ್ಷನ್ಸ್ ಸಂಸ್ಥೆಯ ನಿರ್ಮಾಣದಲ್ಲಿ ಮೂಡಿ ಬರಲಿದೆ.
